ពោធិ៍សាត់៖កម្លាំងរដ្ឋបាលជលផលខេត្តពោធិ៍សាត់ ជាមួយសមត្ថកិច្ចចម្រុះបានសហការចុះបង្ក្រាបឧបករណ៍ល្មើសនេសាទ ដោយបានកម្ទេចរបាំងសាច់ អួនក្រឡាញឹក និងលៀសចំណីសត្វខុសច្បាប់ចំនួន១៦០ការុង។ការបង្ក្រាបនេះធ្វើឡើងចាប់ពីឃុំកំពង់លួង ដល់ជ្រោយស្ដី ភូមិត្រពាំងរំដេញ ឃុំក្បាលត្រាច ស្រុកក្រគរ ខេត្ដពោធិ៍សាត់ កាលពីរសៀលថ្ងៃទី៣១ ខែមករាឆ្នាំ២០២៤។មន្ត្រីក្រុមការងារបានឱ្យដឹងថា ខណ្ឌរដ្ឋបាលជលផលខេត្តពោធិ៍សាត់-រដ្ឋបាលជលផលខាងត្បូងបឹងទន្លេសាប-កម្លាំងអគ្គស្នងការនគរបាលជាតិ-អាវុធហត្ថស្រុកក្រគរ-និងខេត្ដបានចេញប្រតិបត្តិការ ត្រួតពិនិត្យទប់ស្កាត់ និងបង្រ្កាបបទល្មើសជលផលពីឃុំកំពង់លួង ដល់ជ្រោយស្ដី ភូមិត្រពាំងរំដេញ ឃុំក្បាលត្រាច ស្រុកក្រគរ ខេត្ដពោធិ៍សាត់។ក្នុងប្រតិបត្តិការក្រុមចម្រុះបានរុះរើ កម្ទេចនិងកត់តម្រឹមរបាំងខុសក្រឡា និងលើសប្រវែងដើម្បីបើកផ្លូវឱ្យត្រី ធ្វើចរាចរណ៍ចុះទៅប៉ែកខាងក្រោម មាន២ករណី។ទី១-របាំងសាច់អួនក្រឡាញឹក៧ខ្សែប្រវែង១.២៥០ម៉ែត្រ-លូកងសាច់អួន៦មាត់-ក្បាលច្បរ១គ្រឿង-បង្គោល២៥០ដើម-ចាក់លែងត្រីប្រមាណ៥០គីឡូក្រាមចូលទន្លេវិញ។ទី២-ចាប់កាណូត២គ្រឿង កំពុងដឹកជញ្ជូនលៀសប្រភេទចំណីសត្វចំនួន១៦០ ការុងដោយគ្មានលិខិតអនុញ្ញាត ស្ថិតនៅភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់។ក្រោយពីឃាត់កាណូតនោះក្រុមការងារបានឯកភាពគ្នា យកលៀសទាំង១៦០ ការុងចាក់លែងចូលទន្លេវិញ។ចំពោះកាណូត២គ្រឿងត្រូវបានយកទៅទុកដើម្បីដោះស្រាយនោពេលក្រោយ៕
Related Articles
ជនអនាថាដុតក្រដាសក្នុងហាងទុកចោលឆេះផ្អើល
ភ្នំពេញ៖ហាងទុកចោលមួយកន្លែងដែលជាជម្រករបស់ជនអនាថាប្រកបមុខរបរដើររើសអេតចាយ។ពួកគេចូលស្នាក់នៅត្រូវបានអគ្គិភ័យឆាបឆេះកាលពីវេលាថ្ងៃទី១៣ខែកុម្ភៈ ឆ្នាំ២០២០ នៅតាមបណ្ដោយផ្លូវ 358 កែងនឹង 199ស្ថិតនៅក្នុងសង្កាត់ទួលស្វាយព្រៃទី1ខណ្ឌបឹងកេងកង ។ ក្រោយកើតហេតុសមត្ថកិច្ចមូលដ្ឋានបានបញ្ជាក់ថាការអន្តរាគមន៍ករណីអគ្គិភ័យប្រើប្រាស់រថយន្តទឹកបាញ់ពន្លតអស់ចំនួន១គ្រឿងនិងឃាត់ខ្លួនជនសង្ស័យម្នាក់ក្នុងចំណោមបក្ខពួកជាច្រើននាក់ដែលរត់គេចខ្លួនយកទៅសួរនាំនៅប៉ុស្តិ៍នគរបាលរដ្ឋបាលទួលស្វាយព្រៃទី១ដើម្បីចាត់ការតាមនីតិវិធី៕
ប្រធានក្រុមការងារថ្នាក់ខេត្តព្រះវិហារចូលរួមបច្ច័យជូនព្រះសង្ឃ២៨អង្គនៅវត្តឆែប
ព្រះវិហារ៖ថ្ងៃទី១០ ខែកញ្ញា ឆ្នាំ ២០២០លោកឧត្តមសេនីយ៍ទោ ច័ន្ទ សុភ័ត្ត្រា មេបញ្ជាការតំបន់ប្រតិបត្តិការសឹករងប្រធានក្រុមការងារថ្នាក់ខេត្តព្រះវិហារជាប្រធានក្រុមការងារថ្នាក់ខេត្តចុះជួយស្រុកឆែបនិងនាយទាហាននាយទាហានរងពលទាហានក្រុមការងារខេត្តចុះជួយឃុំ/ស្រុកឆែប។ព្រមជាមួយមន្ត្រីសាលាស្រុកឆែបក្រុមប្រឹក្សាស្រុកបានរៀបពិធីកាន់បិណ្ឌវេនទី៨នៅវត្តសុវណ្ណគិរីហៅវត្តឆែប។ ក្នុងកម្មវិធីនេះដែរលោកឧត្តមសេនីយ៍ទោនិងមន្ត្រីសាលាស្រុកឆែបបានចូលរួមបច្ច័យជូនព្រះសង្ឃចំនួន២៨អង្គ។ក្នុងនោះអង្គធំ១អង្គទទួលបានបច្ច័យ១២០.០០០រៀល,អង្គតូច២៧អង្គក្នុង១អង្គៗទទួលបានបច្ច័យ៣០.០០០រៀល។ លោកបានចំណាយថវិកាផ្ទាល់ខ្លួនជូនតាអាចារ្យចំនួន៥នាក់ក្នុងម្នាក់ៗទទួលបានថវិកា ២០.០០០រៀល, គណៈកម្មការវត្តចំនួន១៣នាក់ ក្នុងម្នាក់ៗទទួលបានថវិកា ១០.០០០រៀល។ចាស់ៗដែលមកចូលរួមកម្មវិធីបុណ្យកាន់បិណ្ឌវេនទី៨ ចំនួន ៤០នាក់ ក្នុងម្នាក់ៗ ទទួលបានថវិកាចំនួន ៥.០០០រៀល ។ បន្ទាប់មកលោកឧត្តមសេនីយ៍ទោ ច័ន្ទ សុភ័ត្ត្រា បានវេប្រគេនសម្ភារនិងថវិកា ជូនព្រះសង្ឃរួមមានដូចជាៈ ទឹកសុទ្ធចំនួន៥កេស, ទឹកផ្លែឈើចំនួន៥កេស, មី៧កេស, អង្ករ២បេស្មើនឹង៦០គីឡូក្រាម និងបច្ច័យកសាង ចំនួន ៣.០០៥.១០០រៀល៕ញ៉ែម សុផល
តុលាការកំពុងចាត់ការក្រុមចោរ៦នាក់ករណីប្លន់ម៉ូតូ
ភ្នំពេញ៖តុលាការភ្នំពេញនៅព្រឹកថ្ងៃទី១០ខែវិច្ឆិកានេះបានសាកសួលើជនសង្ស័យចំនួន៦ នាក់ករណីប្លន់ម៉ូតូនៅភ្នំពេញត្រូវសមត្ថកិច្ចតាមចាប់បាននៅខេត្តព្រៃវែង។លោកវរៈសេនីយ៍ឯក ប៊ុន សត្យា នាយការិយាល័យនគរបាលរាជធានីភ្នំពេញឱ្យដឹងថា ក្រុមចោរចំនួន៦នាក់មានស្រីម្នាក់ករណីប្លន់ម៉ូតូនោះមានអាយុពី១៧ដល់៣៣ឆ្នាំ។ទាំង៦នាក់រស់នៅរាជធានីនិងខេត្តេព្រៃវែង។ក្រោយឃាត់ខ្លួនជនសង្ស័យទាំង៦នាក់សមត្ថកិច្ចបានសាកសួរពួកគេបានសារភាពថា កន្លងមកធ្លាប់ប្លន់ម៉ូតូចំនួន៣លើក។ លើកទី១.កាលពីថ្ងៃទី១ ខែវិច្ឆិកា ឆ្នាំ២០២១ ពួកគេបានធាក់ម៉ូតូជនរងគ្រោះផ្តួល រួចប្រើកាំ បិត និងដាវកែច្នៃកាប់ប្លន់យកម៉ូតូមួយគ្រឿងនៅសង្កាត់ព្រៃស ខណ្ឌដង្កោ។លើកទី២.ពួកគេបានប្លន់យកម៉ូតូមួយគ្រឿង បណ្តាលឱ្យជនរងគ្រោះដួលរងរបួសធ្ងន់នៅសង្កាត់ព្រៃវែង ខណ្ឌដង្កោ ។លើកទី៣. ថ្ងៃទី២៩ ខែតុលា ឆ្នាំ២០២១ពួកគេបានប្លន់ម៉ូតូមួយគ្រឿងនៅខាងលិចស្តុបឬស្សីផ្អែម សង្កាត់ព្រៃស ខណ្ឌដង្កោ ។ សមត្ថកិច្ចបានដកហូតវត្ថុតាង៖ម៉ូតូ៥គ្រឿង.ដាវកែច្នៃ១ដើម.ផ្លាកលេខម៉ូតូ៦បន្ទះ.បណ្ណ សម្គាល់យានយន្តក្លែងក្លាយថត ចម្លងបាត់ដំបង ១AG៣៤៨៨,ភ្នំពេញ១HM២៥១២ និងលេខ១GZ៦៤៩៣ លិខិតលក់ម៉ូតូ២សន្លឹក ៕