បាត់ដំបង៖ខ្យល់កន្ត្រាក់ឬខ្យល់ព្យុះជាមួយភ្លៀងកក់ខែមួយមេធំបានបក់បោកនៅឃុំពេជ្រចិន្ដានិងឃុំអូររំដួលស្រុកភ្នំព្រឹកបង្កឱ្យផ្ទះពលរដ្ឋ៧ខ្នងរងការខួចខាត។លោកសុងសុភ័ក្ត្រអភិបាលស្រុកនិងជាប្រធានគណៈកម្មាធិការអនុសាខាកាកបាទក្រហមស្រុកភ្នំព្រឹកបានឱ្យដឹងថាកាលពីល្ងាចថ្ងៃទី២០ខែមីនាឆ្នាំ២០២០មានភ្លៀងកក់ខែមួយមេលាយឡំនឹងខ្យល់កន្ត្រាក់។
គ្រោះធម្មជាតិនេះបណ្ដាលឱ្យរបើកដំបូលផ្ទះប្រជាពលរដ្ឋចំនួន៧ខ្នងផ្ទះនៅក្នុងចំណុចភូមិភ្នំតូចឃុំពេជ្រចិន្ដាចំនួន៥ខ្នងផ្ទះរួមមាន:១ឈ្មោះអ៊ូចពៅភេទស្រីអាយុ៥០ឆ្នាំរបើកដំបូលប្រក់ស័ង្កសីសម្រាប់ដាក់គ្រឿងចក្រទំហំ៨ម៉ែត្រគុណ១២ម៉ែត្រ។២.ឈ្មោះគង់ង៉ាភេទស្រីអាយុ៥០ឆ្នាំរបើកដំបូលផ្ទះទំហំ៧ម៉ែត្រគុណ៦ម៉ែត្រ។
៣.ឈ្មោះជាតិសាវុធភេទប្រុសអាយុ៣៣ឆ្នាំរបើកដំបូលផ្ទះប្រក់ស័ង្កសីសំយាបមុខទំហំ៤ម៉ែត្រគុណ៦ម៉ែត្រ។៤.ឈ្មោះភនភឿនភេទស្រីអាយុ៣២ឆ្នាំរបើកដំបូលប្រក់ស័ង្កសីសំយាបផ្ទះទំហំ៥ម៉ែត្រគុំណ៦ម៉ែត្រ។៥ឈ្មោះម៉ិណាវីភេទស្រីអាយុ៣២ឆ្នាំរបើកដំបូលផ្ទះប្រក់ស័ង្កសី ទំហំ ៥ម៉ែត្រគុណ៦ម៉ែត្រ ។
ចំណែកនៅចំណុចភូមិសំរោងឃុំអូររំដួលចំនួន២ខ្នងផ្ទះ១ឈ្មោះអែមអឿនភេទស្រីអាយុ៥២ឆ្នាំជាស្ដ្រីមេម៉ាយដើមឈើរលំលើផ្ទះឈើប្រក់ស័ង្កសីខូចខាត៥០ភាគរយទំហំ៤ម៉ែត្រគុណ៥ម៉ែត្រ។២.ឈ្មោះទៀងចិតអាយុ៣២ឆ្នាំផ្ទះសង់ពីដែក ជញ្ជាំងស័ង្កសី ទំហំ ៣ម៉ែត្រគុណ៣ម៉ែត្រ ខូចខាតទាំងស្រុង ។
លោកអភិបាលស្រុកបានបញ្ជាក់ថាចំពោះគ្រោះធម្មជាតិខ្យល់កន្ត្រាក់នៅក្នុងឃុំពេជ្រចិន្តសស្រុកភ្នំព្រឹកនេះលោកបានធ្វើរបាយកសរណ៍ជូនប្រធានគណៈកម្មាធិការសាខាកាកបាទក្រហមខេត្តនិងគណៈកម្មាធិការគ្រោះមហន្តរាយខេត្តរួចហើយ៕
