ព័ត៌មានអន្តរជាតិ(ឡុងដ៍)៖ យោងតាមព័ត៌មានWorldometersនៅថ្ងៃព្រហស្បតិ៍ទី២ខែមេសាឆ្នាំ២០២០ បានផ្សាយថា៖ ចំនួនអ្នកឆ្លង COVID19នៅក្នុងចក្រភពអង់គ្លេសបានកើនដល់២៩.៤៧៤ករណីហើយ ក្នុងនោះអ្នកជំងឺ២.៣៥២នាក់បានស្លាប់។
បើតាមWorldometersថាពេញមួយថ្ងៃពុធម្សិលមិញអង់គ្លេសអ្នកឆ្លងថ្មីនៃCOVID19សរុបចំនួន៤.៣២៤នាក់និងអ្នកជំងឺ៥៦៣នាក់បានស្លាប់។ចំណែកឯអ្នកជាសះស្បើយមានសរុបតែ១៣៥នាក់។
ប្រជាជននៅលើពិភពលោកបានដឹងច្បាស់ថា អាមេរិក បារាំង អ៊ីតាលី អេស្ប៉ាញ អាល្លឺម៉ង់ អង់គ្លេស សុទ្ធសឹងតែជាកំពូលប្រទេសរឹងមាំផ្នែកសេដ្ឋកិច្ចនិងសុខាភិបាលខ្លាំងពូកែសុទ្ធតែឈរនៅលើលំដាប់កំពូលៗនៃតារាងបញ្ជីឈ្មោះប្រទេសអ្នកឆ្លងជំងឺCovid19។មានអ្នកស្លាប់ច្រើនជាងគេនៅលើពិភពលោកទៅវិញ។
នេះអាចបង្ហាញថាប្រទេសមហាអំណាចសេដ្ឋកិច្ចធំៗលើលោកដែលមានវិស័យសុខាភិបាលខ្លាំងក្លា មិនប្រាកដថាមានអ្នកឆ្លងនិងអ្នកស្លាប់ដោយសារជំងឺកូវិដ១៩នេះចំនួនតិចទេ។ក៏មិនប្រាកដថាប្រទេសក្រសេដ្ឋកិច្ចមិនសូវរឹងមាំមានឆ្លងនិងស្លាប់ច្រើននោះដែរ។ការដែលសំខាន់នោះគឺភាពជាអ្នកដឹកនាំនៃមេដឹកនាំប្រទេសនិមួយៗនោះទៅវិញទេ ដែលជាចំណុចគួរចាប់អារម្មណ៍។
យោងតាមគេហទំព័រពិភពលោក Worldometers.info គិតត្រឹមម៉ោង៨ព្រឹកថ្ងៃទី២ ខែមេសា ឆ្នាំ២០២០បង្ហាញថា៖១៖អាមេរិកករណីឆ្លងកើនដល់២១៥.០០៣ករណី,អ្នកស្លាប់ថ្មីក្នុងថ្ងៃនេះរហូតដល់ ១.០៤៩នាក់ ស្លាប់សរុប ៥.១០២នាក់។២៖ អ៊ីតាលី ករណីឆ្លងកើនដល់ ១១០.៥៧៤ករណី, អ្នកស្លាប់ថ្មីក្នុងថ្ងៃនេះរហូតដល់៧២៧នាក់ស្លាប់សរុប១៣.១៥៥នាក់។
៣៖អេស្ប៉ាញករណីឆ្លងកើនដល់ ១០៤.១១៨ករណី, អ្នកស្លាប់ថ្មីក្នុងថ្ងៃនេះរហូតដល់ ៩២៣នាក់ ស្លាប់សរុប៩.៣៨៧នាក់។៤៖អាល្លឺម៉ង់ករណីឆ្លងកើនដល់៧៧.៩៨១ករណី,អ្នកស្លាប់ថ្មីក្នុងថ្ងៃនេះរហូតដល់១៥៦នាក់ស្លាប់សរុប៩៣១នាក់។៥៖បារាំងករណីឆ្លងកើនដល់៥៦.៩៨៩ករណីអ្នកស្លាប់ថ្មីក្នុងថ្ងៃនេះរហូតដល់៥០៩នាក់ស្លាប់សរុប៤.០៣២នាក់។៦៖អង់គ្លេសករណីឆ្លងកើនដល់២៩.៤៧៤អ្នកស្លាប់ថ្មីក្នុងថ្ងៃនេះរហូតដល់៥៦៣នាក់នឹងស្លាប់សរុប ២.៣៥២នាក់ ៕Derm rang