បន្ទាយមានជ័យ៖ថ្ងៃទី២ទី៣នៃបុណ្យចូលឆ្នាំហើយក៏នៅមានពលករខ្មែរបន្តវិលពីប្រទេសថៃតាមច្រកព្រំដែននៅភូមិសាស្ត្រខេត្តបន្ទាយមានជ័យឧត្តរមានជ័យនិងបាត់ដំបង។
ប៉ុន្តែរឿងដែលអាណិតអាសូរនោះគឺពលករត្រូវចំណាយលើថ្លៃជិះឡាននិងការឆែកឆេរតាមផ្លូវក្នុងភូមិសាស្ត្រប្រទេសថៃក្នុងម្នាក់ពី១.៥០០ទៅ៣.០០០បាតប្រាក់ថៃ(ឬពី២០ទៅ៤០ម៉ឺនរៀល)។នៅពេលឆ្លងកាត់ច្រកព្រំដែនខាងថៃចុងក្រោយ ត្រូវចំណាយម្នាក់ៗពី៣០០ទៅ៥០០បាតទៀត ។
មន្ត្រីយោធាមន្ត្រីនគរបាលនិងអាជ្ញាធរដែនដីដែលទៅចាំទទួលពលករខ្មែរបានឱ្យដឹងកាលពីថ្ងៃទី១៥ខែមេសាឆ្នាំ២០២០ថា ៖ទោះដល់ថ្ងៃទី១៤-១៥ខែមេសាជាថ្ងៃទី២និងទី៣នៃបុណ្យចូលឆ្នាំប្រពៃណីខ្មែរ ថៃ….ទៅហើយក៏នៅមានពលករខ្មែរវិលពីប្រទេសថៃតាមច្រករបៀងព្រំដែនក្នុងភូមិសាស្ត្រខេត្តបាត់ដំបងនិងបន្ទាយមានជ័យចំនួន៧៦នាក់ដែរ ។
ពលករទាំងនោះបានចេញមកតាមច្រកព្រំដែនអូរស្មាច់ខេត្តឧត្តរមានជ័យ។តាមច្រករបៀងនៅសងខាងឬជិតច្រកអន្តរជាតិក្នុងភូមិសាស្ត្រខេត្តបន្ទាយមានជ័យនិងខេត្តបាត់ដំបង។គឺក្នុង១ថ្ងៃៗមានពលករជាង១០០នាក់ដែរ។
ពលករខ្មែរទាំងនោះត្រូវបានមន្ត្រីអាជ្ញាធរនៃខេត្តដែលទីកន្លែងលំនៅដ្ឋានពលកររស់នៅទទួលនិងរួមដំណើរដឹកតាមរថយន្តកងទ័ពជើងគោកទៅកាន់មជ្ឈមណ្ឌលសំចតនិងចត្តាឡីស័កក្នុងសាលារៀនតាមខេត្ត៕
