ផ្លូវក្រួសក្រហមប្រវែង១.៧០០ម៉ែត្រនិងលូបេតុងបានបើកការដ្ឋាននៅស្រុកបន្ទាយស្រី
សៀមរាប:ផ្លូវក្រាលក្រួសក្រហមមួយខ្សែប្រវែង១.៧០០ម៉ែត្រនិងលូបេតុងកាត់ថ្នល់មួយកន្លែងស្ថិតនៅភូមិទួលគ្រួសក្នុងឃុំឃុនរាមស្រុកបន្ទាយស្រីខេត្តសៀមរាបបានបើកការដ្ឋានសាងសង់កាលពីថ្ងៃទី២៥ខែធ្នូឆ្នាំ២០១៩ដោយមានការចូលរួមពីលោកឃឹមហ្វីណង់អភិបាលស្រុកបន្ទាយស្រី។
លោកឃឹមហ្វីណង់បាននិយាយថាពិធីបើកការដ្ឋានជួសជុលពីផ្លូវដីសក្រាលគ្រួសក្រហមប្រវែង១.៧០០ម៉ែត្រដោយ ខ្នងលើប្រវែង៥ម៉ែត្រនិងដាក់លូមូលមុខកាត់១ម៉ែត្រប្រវែង៥ម៉ែត្រស្ថិតនៅភូមិទួលក្រួស ក្នុងឃុំឃុនរាមស្រុកបន្ទាយស្រី។
លោកបានបន្តថានេះជាគម្រោងមូលនិធិស្រុកសម្រាប់ឱ្យប្រជាពលរដ្ឋមានភាពងាយស្រួលក្នុងការធ្វើដំណើរ និងដឹកកសិផលតផ្សេងៗ នៅភូមិទួលគ្រួស ឃុំឃុនរាម ទៅរកទីផ្សារនានា៕
