បន្ទាយមានជ័យ៖កងកម្លាំងចម្រុះបានចុះជួយសាងសង់ផ្ទះជូនពលរដ្ឋរងគ្រោះដោយសារខ្យល់កន្ត្រាក់ចំនួន២សង្កាត់ក្នុងក្រុងចំនួន១១ខ្នងផ្ទះនៅសង្កាត់ម្កាកនិងសង្កាត់ភ្នៀតដែលទទួលរងគ្រោះដោយសារខ្យល់កន្ត្រាក់កាលពីល្ងាចថ្ងៃទី៣១ខែឧសភាឆ្នាំ២០២០កន្លងទៅ។
លោកហ៊ឹលរ៉ាយ៉ាអភិបាលក្រុងសិរីសោភ័ណកាលពីថ្ងៃទី១និង២ខែមិថុនាឆ្នាំ២០២០បានដឹកនាំកងកម្លាំងចម្រុះមានអាវុធហត្ថក្រុងនគរបាលក្រុងផ្នែកសឹករងក្រុងនិងមានការចូលរួមពីកងកម្លាំងតំបន់ប្រតិបត្តិការសិករងខេត្ត មន្ត្រីអាជ្ញាធរ ព្រមទាំងក្រុមការងារ បានប្រើប្រាស់មធ្យោបាយរុបកម្លាំងសរុប។ ចុះជួយជួសជុលនិងសាងសង់ផ្ទះជូនពលរដ្ឋដែលរងគ្រោះខូចខាតដោយខ្យល់កន្ត្រាក់នៅសង្កាត់ភ្នៀតនិងសង្កាត់ម្កាក់ ដែលរងគ្រោះដោយខ្យល់កន្ត្រាក់។
ដោយឡែកនៅស្រុកព្រះនេត្រព្រះដែលរងគ្រោះនៅល្ងាចដដែលនោះដែរលោកឃូពោអភិបាលស្រុកបានអោយដឹងថា៖ផ្ទះពលរដ្ឋរងគ្រោះដោយខ្យល់កន្ត្រាក់ចំនួន៩ខ្នងក៏ត្រូវបានមន្ត្រីរាជការកងកម្លាំងប្រដាប់អាវុធនិងក្រុមការងារចុះទៅជួសជុលនិងសាង់ចូនពលរដ្ឋរងគ្រោះរួចរាល់ផងដែរ ។
នាឱកាសនោះអភិបាលក្រុងស្រុកក៏បានប្រគល់សង្ក័សីអំណោយរបស់លោកកែគឹមយ៉ានឧបនាយករដ្ឋមន្ត្រីនិងជាប្រធានក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យនិងលោកស្រីប្រគល់ជូនគ្រួសាររងគ្រោះទាំងឡាយនោះផងដែរ ៕
