បន្ទាយមានជ័យ៖កងកម្លាំងនិងមន្ត្រីពេទ្យសត្វខេត្តបន្ទាយមានជ័យសហការគ្នាបង្ក្រាបសត្វជ្រូកនិងមាន់៤ករណីដែលលួចនាំចូលពីប្រទេសថៃដែលនាំចូលមកប្រទេសកម្ពុជាតាមច្រករបៀងព្រំដែនក្នុងអំឡុងប្រទេសកម្ពុជានិងថៃបានបិទព្រំដែន។ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩មកក្នុងភូមិសាស្ត្រព្រំដែននិងផ្ទៃក្នុងនៃខេត្តបន្ទាយមានជ័យ។
លោកហ៊ុយទូចប្រធានការិយាល័យផលិតកម្មនិងបសុព្យបាលនៃមន្ទីរកសិកម្មរុក្ខាប្រមាញ់និងនេសាទខេត្តបន្ទាយមានជ័យបានឱ្យដឹងកាលពីព្រឹកថ្ងៃទី៤ខែមិថុនាឆ្នាំ២០២០ថា៖ប្រតិបត្តិការនោះសហការអនុវត្តក្នុងម៉ោងខុសគ្នាតែក្នុងនៅយប់ថ្ងៃទី៣ខែមិថុនាឆ្នាំ២០២០តែមួយ។ទី១,បានចុៈធ្វើអធិការកិច្ចនែការដឹកជញ្ចូនជ្រូករស់ចំនួន៥ក្បាលដឹកក្នុងរថយន្តកាម៉ារីពីព្រំដែនក្រុងប៉ោយប៉ែតមកក្នុងសត្តឃាដដ្ឋានផាន់ តារ៉ារិទ្ធ ក្រុងប៉ោយប៉ែត ។
២,បានស្ទាក់ចាប់ឡានកូរ៉េគ្មានស្លាកលេខនៅចំណុចសាលាក្រហមភូមិសូរិយាឃុំកូបស្រុកអូរជ្រៅដែលផ្ទុកមាន់រស់ចំនួន៨៤០ក្បាលដែលលួចនាំចូលពីប្រទេសថៃតាមច្រករបៀងពាណិជ្ជកម្មក្នុងភូមិសាស្ត្រស្រុកម៉ាឡៃ។
៣,ក្រុមអន្តរគមន៏ការិយាល័យផលិតកម្មនិងបសុព្យាបាលនៃមន្ទីរកសិកម្មខេត្តបានស្ទាក់ចាប់បានឡាន១គ្រឿងពាក់ស្លាកលេខភ្នំពេញ:ច៧៥៨២ដែលផ្ទុកជ្រូករស់ចំនួន១៦ក្បាលនៅចំណុចភូមិសិលាខ្មែរឃុំអូរបីជាន់ស្រុកអូរជ្រៅដែលលួចនាំចូលពីប្រទេសថៃ ។
៤,ក្រុមអន្តរគមន៏នៃការិយាល័យដដែលបានសហការនគរបាលប្រឆាំងបទល្មើសសេដ្ឋកិច្ចនៃស្នងការដ្ឋានខេត្តធ្វើការស្ទាក់ចាប់បានរថយន្ត១គ្រឿងពាក់ស្លាកលេខភ្នំពេញ2F1013ដែលផ្ទុកកូនជ្រូកចំនួន៧៥ក្បាលលួចនាំចូលពីប្រទេសថៃដែរ។អំពីនិតិវិធីនៃការបង្ក្រាបសត្វជ្រូកនិងមាន់រស់នេះគឺទី១មកពីការនាំចូលអត់ច្បាប់អនុញាតនិងខុសសារាចរលេខ០៧របសើរាជរដ្ឋាភិបាលស្តីពីការទប់ស្កាត់ជំងឺឆ្លង។
ទី២,ជាវិធាននៃអគ្គនាយកដ្ឋានសុខភាពសត្វនិងផលិតកម្មសត្វនៃក្រសួងកសិកម្មរុក្ខាប្រមាញ់និងនេសាទនិងកាណែនាំរបស់លោកអ៊ុរាត្រីអភិបាលខេត្តបន្ទាយមានជ័យ។លោកប៉ាងវណ្ណាសេដ្ឋប្រធានមន្ទីរកសិកម្មខេត្តពីនាំចូលខុសច្បាប់សាច់សត្វផលិតផលពីសត្វនិងសត្វរស់ពីប្រទេសថៃតាមច្រករបៀងនៃព្រំដែន ។
សូមរំលឹកថាសត្វជ្រូកនិងមាន់រស់ត្រូវបានបញ្ជូនទៅរក្សាទុកតាមវិធានពេទ្យសត្វនិងធ្វើចត្តាឡីស័កនៅការិយាល័យផលិតកម្មនិងបសុព្យបាលនៃមន្ទីរកសិកម្មខេត្ត ៕
