បន្ទាយមានជ័យ៖នគរបាលបានបង្ហាញមុខក្រុមទំនើងនៅស្រុកស្វាយចេកដែលបានជិះម៉ូតូដេញវាយជនរងគ្រោះបង្កឱ្យភ័យខ្លាចបើកម៉ូតូធ្លាក់ស្នាមភ្លោះបណ្តាលឱ្យបាក់កស្លាប់ម្នាក់និងរបួសធ្ងន់ម្នាក់កាលពីយប់ថ្ងៃទី៦ខែឧសភាឆ្នាំ២០២០កន្លងទៅ។
ស្ត្រីឈ្មោះនឹងសំណាងអាយុ៣៤ឆ្នាំនៅភូមិនៅភូមិភាសជើងឃុំសារង្គស្រុកស្វាយចេកបានឱ្យដឹងនៅថ្ងៃទី៣ខែកក្កដាឆ្នាំ២០២០នេះថា៖កូនប្រុសខ្លួនឈ្មោះឈើយថនភេទប្រុសអាយុ១៥ឆ្នាំបានស្លាប់ដោយសារគ្រោះថ្នាក់ចរាចរណ៍ឡើយគឺមានជនបង្ក។
ក្រោយពីទទួលបានពាក្យប្តឹងលោកឧត្តមសេនីយ៍ទោអាត់ខែមស្នងការនគរបាលខេត្តបន្ទាយមានជ័យបានបញ្ជាកម្លាំងនគរបាលព្រហ្មទណ្ឌកំរិតធ្ងន់ដឹកនាំដោយលោកឧត្តមសេនីយ៍ត្រី សិទ្ធ ឡោះ ស្នងការរង ទទួលការងារព្រហ្មទណ្ឌ និងសុំដីការតុលាការ ហើយបានចុះស៊ើបអង្កេតលើករណីនេះ ។
គឺករណីកាលពីយប់ថ្ងៃទី៦ខែឧសភាឆ្នាំ២០២០នៅចំណុចខាងត្បូងគោកពង្រស្ថិតក្នុងភូមិភាសខាងត្បូង ឃុំ សារង្គ ស្រុកស្វាយចេក ខេត្តបន្ទាយមានជ័យ ទាក់ទិននឹងជនរងគ្រោះឈ្មោះឈើយ ថន ដែលបាក់ កស្លាប់និងមិត្តភក្តិរងរបួស ។ការស៊ើបអង្កេតនេះ កម្លាំងនគរបាលព្រហ្មទណ្ឌកំរិតធ្ងន់ បានឈានឃាត់ខ្លួនជនសង្ស័យចំនួន៣នាក់ ។ពួកគេក្នុងចំណោមបក្សពួក២០នាក់ឯណោះ ។ នគរបាលបានយកមកសាកសួរចម្លើយនៅស្នងការដ្ឋាននៅថ្ងៃទី២ខែកក្កដាឆ្នាំ២០២០ ។
លោកវរសេនីយ៍ទោ ភឿង ម៉ាន់សឹង្ហ នាយការិយាល័យ នគរបាលព្រហ្មទណ្ឌកំរិតធ្ងន់ បានឱ្យដឹងថា៖ ជនសង្ស័យទាំង៣នាក់១ឈ្មោះណាតដូចភេទប្រុសអាយុ១៨ឆ្នាំ។២ឈ្មោះភាពចាន់យ៉ាក់ភេទប្រុសអាយុ១៧ឆ្នាំ។៣ឈ្មោះសឿតចិត្តភេទប្រុសអាយុ២៥ឆ្នាំអ្នកទាំងបីនៅភូមិតាបៅឃុំបុស្បូវស្រុកព្រះនេត្រព្រះ៕