សៀមរាប៖គ្រោះថ្នាក់ចរាចណ៍ដោយជិះម៉ួតូបុកគោយន្តបណ្តាលឱ្យមន្ត្រីយោធាម្នាក់បានស្លាប់និង
ម្នាក់ទៀតរងរបួសធ្ងន់។មន្ត្រីនគរបាលស្រុកបានឱ្យដឹងថាហេតុការណ៍នោះបានកើតឡើងលើផ្លូវជាតិលេខ៦៨ត្រង់ចំណុចចន្លោះគីឡូម៉ែត្រលេខ២០និង២១ស្ថិតនៅភូមិតាប៉ាងឃុំសែនសុខស្រុកក្រឡាញ់ កាលពីល្ងាចថ្ងៃទី១៣ខែកក្កដាឆ្នាំ២០២០។
មន្ត្រីបន្តថាករណីនេះគឺម៉ូតូម៉ាក វ៉េវអាល់ហ្វាពណ៌ខ្មៅ ពាក់ស្លាកលេខ បន្ទាយមានជ័យ ១J៩៨៤៣ បើកបរឈ្មោះអៀមម៉ុនភេទប្រុសអាយុ២៨ឆ្នាំរស់នៅភូមិស្វាយឃុំថ្មពួកស្រុកថ្មពួខេត្តបន្ទាយមានជ័យ (ស្លាប់)។
អ្នករួមដំណើរម្នាក់ឈ្មោះក្រឹម រ៉ា ភេទប្រុសអាយុ ៣៦ឆ្នាំរស់នៅភូមិចង្ក្រានយក្ស ឃុំបេងស្រុកបន្ទាយអំពិលខេត្តឧត្តរមានជ័យរបួសធ្ងន់។អ្នកទាំងពីរជាយោធាកងពលធំអន្តរាគមន៍លេខ២វរសេនាតូចកាំភ្លើងត្បាល់១០០DKZ៧៥ពាក់មួកសុវត្ថិភាពទាំងពីរនាក់។
ជនរងគ្រោះបានបើកបុកគោយន្តកន្ត្រៃពីក្រោយម៉ាកគូប៊ូតាពណ៌ក្រហមគ្មានស្លាកលេខកំពុងឈប់នៅចិញ្ចើមផ្លូវបែរក្បាលទៅទិសខាងជើងបើកបរដោយមិនទាន់ស្គាល់អត្តសញ្ញាណ។បន្ទាប់ពីកើតហេតុ អ្នកបើកបរគោយន្តកន្ត្រៃបានរត់គេចខ្លួនបន្សល់ទុកគោយន្តកន្ត្រៃនៅកន្លែងកើតហេតុ។
មន្ត្រីនគរបាលបញ្ជាក់ថាក្នុងហេតុការណ៍នោះខូចខាតម៉ូតូមួយគ្រឿងធ្ងន់និងគោយន្តកន្ត្រៃខូចខាតស្រាលមួយគ្រឿង។មូលហេតុបណ្តាលមកពីអ្នកបើកបរម៉ូតូមានល្បឿនលឿនដោយខ្វះការប្រុងប្រុងយ័ត្ន។ក្រោយកើតហេតុកម្លាំងជំនាញបានវាស់វែងនិងបញ្ជូនជនរងគ្រោះទៅមន្ទីរពេទ្យសាកសពប្រគលឱ្យក្រុមគ្រួសារនិងយកវត្ថុតាងរក្សាទុកនៅប៉ុស្តិ៍នគរបាលរដ្ឋបាលសែនសុខនៃស្រុកក្រឡាញ់៕
