ភ្នំពេញ៖យុវជនម្នាក់បានបែកក្បាលស្លាប់និងម្នាក់ទៀតរងរបួសធ្ងន់បន្ទាប់ពីបានជិះម៉ូតូឌុបគ្នាក្នុងល្បឿនលឿនត្រូវរថយន្តបុកផ្លោងបោកនឹងខឿនចិញ្ចើមផ្លូវ។ហេតុការណ៍នេះបានកើតឡើងនៅក្រោមស្ពានអាកាស៥មករាតាមបណ្តោយផ្លូវសហព័ន្ធរុស្ស៊ីក្នុងសង្កាត់ទឹកល្អក់ទី១ខណ្ឌទួលគោកកាលពីយប់ថ្ងៃពុធទី២២ខែកក្កដាឆ្នាំ២០២០។
ជនរងគ្រោះដល់ស្លាប់មានឈ្មោះធឿនភេទប្រុសអាយុប្រមាណជាង២០ឆ្នាំនិងអ្នករងរបួសដែលជិះពីក្រោយមិនស្គាល់អត្តសញ្ញាណនោះទេដោយជិះម៉ូតូម៉ាកឌ្រីមសង់C125ស៊េរីឆ្នាំ២០១១ពណ៌ខ្មៅពាក់ស្លាលេខភ្នំពេញ1CS.5421។ចំណែកឯរថយន្តមិនចាំម៉ាកនោះទេបាន បើករត់បាត់ស្រមោល។
ក្រោយពីកើតហេតុសមត្ថកិច្ចជំនាញចុះមកវាស់វែងយកម៉ូតូទៅរក្សាទុកបណ្ដោះអាសន្ននៅការិយាល័យចរាចរណ៍ផ្លូវគោកស្នងការដ្ឋាននគរបាលរាជធានីភ្នំពេញរង់ចាំប្រគល់ជូនសាច់ញាតិវិញ៕
