ប៉ៃលិន៖គម្រោងASPIREបានផ្តល់ពូជត្រីនិងមេបាពូជកង្កែបកូនកង្កែបជួយដល់ប្រជាកសិករក្នុងខេត្តប៉ៃលិនដើម្បីកសិករមានមុខរបរបន្ថែមប្រចាំថ្ងៃជ្រោងសេដ្ឋកិច្ចគ្រួសារឱ្យប្រសើរឡើង។ក្នុងពិធីចែកកូនត្រីនិងពូជកូនកង្កែបជូនដល់កសិករជាបណ្តុំអាជីវកម្មវារីវប្បកម្មខេត្តប៉ៃលិនក្រោមគម្រោងឧបត្តម្ភរបស់ASPIRE។
កាលពីថ្ងៃទី២៣ខែកក្កដាឆ្នាំ២០២០លោកផាន់ចាន់ធុលអភិបាលខេត្តប៉ៃលិនបានបញ្ជាក់ឱ្យដឹងថាៈចំពោះមុខប្រជាកសិករក្នុងរង្វង់បណ្តុំអាជីវកម្មវារីវប្បកម្មរៀបចំដោយកម្រោងASPIREទាំងអស់ត្រូវខិតខំប្រឹងប្រែងលើមុខរបរចិញ្ចឹមសត្វដាំដំណាំផ្សេងៗនៅតាមគេហដ្ឋានរបស់ខ្លួន។ដើម្បីលើកកម្ពស់ជីវភាពគ្រួសារឱ្យបានកាន់តែល្អប្រសើរឡើងពីមួយថ្ងៃទៅមួយថ្ងៃ។ពិសេសទប់ស្កាត់បញ្ហាខ្វះខាតដោយឥទ្ធិពលនៃជំងឺកូវីដ-១៩ដែលកំពុងផ្ទុះឡើងបច្ចុប្បន្ន។
លោកផាន់ចាន់ធុលបានបន្តថាៈដើម្បីសម្រេចបាននូវគោលដៅលើការងារចិញ្ចឹមកង្កែបនិងត្រីនេះកសិករអ្នកផលិតត្រូវមានកិច្ចសហការគ្នាល្អជាបណ្តុំនៅតាមមូលដ្ឋាននីមួយៗ។ក្រៅពីនេះត្រូវចេះរៀបចំផែនការផលិតឱ្យត្រូវច្បាស់លាស់តាមរដូវកាលតម្រូវការទីផ្សារ។ទន្ទឹមនេះកសិករយើងក៏ត្រូវតែមានឆន្ទៈតស៊ូលើការចិញ្ចឹមឬថែទាំឱ្យបានត្រឹមត្រូវតាមការណែនាំផ្តល់លក្ខណៈបច្ចេកទេសដោយមន្ត្រីជំនាញ។
ចំណែកឯលោក មាស ពិសិដ្ឋ អនុរដ្ឋលេខាធិការ និងជានាយកកម្មវិធី ASPIRE ក្រសួងកសិកម្ម រុក្ខាប្រមាញ់និងនេសាទបានដឹងដែរថាៈគម្រោងASPIREគឺជាឧបករណ៍មួយសម្រាប់ចូលរួមចំណែកជាមួយរាជរដ្ឋាភិបាលជួយបណ្តុះបណ្តាលផ្តល់បច្ចេកទេសធនធានថវិកាសម្ភារដល់ប្រជាពលរដ្ឋទាំងអស់ឱ្យមានមុខរបរការងារ។ដើម្បីបង្កើនផលិតផលនានាសម្រាប់ផ្គត់ផ្គង់ទីផ្សារនៅតាមតំបន់ផ្សេងៗឱ្យបានគ្រប់គ្រាន់។
ជាពិសេសមានគោលបំណងផ្សព្វផ្សាយផែនការយុទ្ធសាស្ត្ររបស់ម្រោងASPIREដែលកំពុងផ្តោតជួយដល់ប្រជាកសិករតាមគោលដៅក្រោមរូបភាពទាំងឡាយដូចជាការផ្តល់ពូជត្រីមាន់ទាកង្កែបនិងចំណីជាដើម។ទិសដៅសំខាន់ផ្តោតលើការចូលរួមចំណែកបង្កើនការងារមុខរបរបង្កើននូវសេដ្ឋកិច្ចគ្រួសារឬសង្គមជាតិឱ្យមានការរីកចម្រើនស្របតាមគោលនយោបាយរបស់រាជរដ្ឋាភិបាល។
សូមរំលឹកថាៈបណ្តុំអាជីវកម្មវារីវប្បកម្មចិញ្ចឹមត្រីកង្កែបមានសរុបចំនួន៩បណ្តុំនៅក្នុងឃុំគោលដៅចំនួន៣របស់ស្រុកសាលាក្រៅខេត្តប៉ៃលិនដែលស្មើនឹងសិករមានចំនួន១៣០នាក់។ក្នុងនោះកសិករចិញ្ចឹមត្រីមានចំនួន៦៣នាក់ និងកសិករចិញ្ចឹមកង្កែបមានចំនួន៦៧នាក់។សម្រាប់កសិករម្នាក់ៗទទួលបានមេ បាពូជកង្កែបសរុបចំនួន២៤គូPH២គ្រឿងស៊ីរាំង៥CCអកម៉ូនចំណីចំនួន៥គីឡូកូនត្រីចំនួន៤១.២០០ក្បាល និងកូនកង្កែបចំនួន២០.០០០ក្បាលផងដែរ៕ខុម