កំពង់ស្ពឺ៖គ្រោះថ្នាក់ចរាចរមួយបានកើតឡើងដោយបុរសម្នាក់ជិះម៉ូតូលឿនជ្រុលចង្កូតទៅបុកអ្នកលក់ចេកអាំងនៅចិញ្ចើមផ្លូវបណ្តាលឱ្យរងរបួសធ្ងន់ទាំងពីរនាក់។ហេតុការណ៍នេះបានកើតឡើងលើផ្លូវជាតិលេខ៤ចន្លោះគីឡូម៉ែត្រលេខ១០០និង១០១ត្រង់ចំណុចភូមិទី៦ឃុំត្រែងត្រយឹងស្រុកភ្នំស្រួចខេត្តកំពង់ស្ពឺ កាលពីព្រឹកថ្ងៃទី២៥ ខែកក្កដាឆ្នាំ២០២០។
សមត្ថកិច្ចបានឱ្យដឹងថាៈបុរសម្នាក់ឈ្មោះទេសស៊ីដារ៉ារិទ្ធ អាយុ២៤ឆ្នាំ រស់នៅភូមិសន្ទូច ឃុំស្រែថ្មី ស្រុករលាប្អៀរខេត្តកំពង់ឆ្នាំង។ជិះម៉ូតូម៉ាកស៊ុយស៊ូគីGFXពណ៌ខៀវពាក់ស្លាកលេខក្រចេះ1D1010បើកបរក្នុងល្បឿនលឿន។
ម៉ូតូបានជ្រុលទៅបុកមនុស្សម្នាក់ឈ្មោះសុខស្រីដាភេទស្រីអាយុ១៦ឆ្នាំមានទីលំនៅភូមិទី៦ឃុំត្រែងត្រយឹងស្រុកភ្នំស្រួចដែលកំពុងលក់ចេកអាំងក្នុងតូបលើចិញ្ចើមផ្លូវបណ្តាលឱ្យរងរបួសធ្ងន់ និងអ្នកបើកម៉ូតូក៍រងរបួសធ្ងន់ដែរ៕