បន្ទាយមានជ័យៈប្រពន្ធឈ្លោះនឹងប្តីដែលមកពីផឹក ហើយប្រតាយប្រតប់គ្នា ក៏ត្រូវក្មួយស្រីបានយកកាំបិតចិតបន្លែចាក់ពូជាច្រើនកាំបិតបណ្ដាលឱ្យស្លាប់។ហេតុការណ៍កើតឡើងកាលពីម៉ោង៨យប់ថ្ងៃទី២ ខែ កញ្ញា ឆ្នាំ ២០២០ក្នុងភូមិក្បាលស្ពាន២សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ។
មន្ត្រីអាវុធហត្ថក្រុងប៉ោយប៉ែតបានប្រាប់ឱ្យដឹងថា៖ មុនពេលកើតហេតុនោះជនសង្ស័យឈ្មោះ ជិន ណារី ភេទស្រី អាយុ២២ឆ្នាំ បានចេញពីកន្លែងធ្វើការហើយមកដល់ផ្ទះស្ថិតក្នុងភូមិក្បាលស្ពាន២ សង្កាត់សង្កាត់ប៉ោយប៉ែត ក្រុងប៉ោយប៉ែត ។
ពេលមកដល់ផ្ទះបានឃើញពូវាយធ្វើបាបប្រពន្ធ ព្រមទាំងជេរប្រមាថ។ពេលនោះក្មួយស្រីបានឃើញពូធ្វើសកម្មភាពវាយធ្វើបាបមីងរបស់ខ្លួនយ៉ាងខ្លាំង។ដូច្នេះក៏ចូលទៅឃាត់បង្កឱ្យមានជម្លោះឈ្លោះឈានដល់ការប្រតាយប្រតប់គ្នារហូតដល់ជនសង្ស័យបានយកកាំបិតចាក់ស្លាប់។
មន្ត្រីដដែលបានឱ្យដឹងទៀតថា៖ ក្រោយពីទទួលបានពាក្យបណ្ដឹងលោកបានដឹកនាំកម្លាំងចុះធ្វើការស្រាវជ្រាវដល់កន្លែងកើតហេតុ និងឃាត់ខ្លួនជនសង្ស័យឈ្មោះពេជ្រសុភាព។ដកហូតកូនកាំបិតចិតបន្លែបានមួយដើមរួចបញ្ជូនមកមូលដ្ឋាន អាវុធហត្ថក្រុងដើម្បីធ្វើការសាកសួរ ៕
