បន្ទាយមានជ័យៈមានមានមតិចម្រុះពីអតីតមេខ្មែរក្រហមចំពោះការស្លាប់របស់កាំងហ្គិចអ៊ាវហៅឌុច មេគុកទួលស្លែងឬស២១ ។លោកនាយឧត្តសេនីយ៍អ៊ី ឈានរដ្ឋលេខាធិការក្រសួងការពារជាតិ អតីតមេខ្មែរក្រហមតំបន់ប៉ៃលិនសព្វថ្ងៃរស់នៅប៉ៃលិននិងភ្នំពេញបានប្រាប់នៅថ្ងៃទី៣ខែកញ្ញាឆ្នាំ២០២០ថា៖ការស្លាប់របស់ឌុចគឺជារឿងធម្មជាតិដោយសារគាត់ចាស់។លោកមានការសោកស្តាយចំពោះយុទ្ធមិត្តខ្មែរក្រហម ។
តែរឿងយុត្តិធម៌ចំពោះជនរងគ្រោះជាដំណើរការរបស់សាលាក្តីខ្មែរក្រហមដែលចាំបាច់សម្រាប់ប្រជាជាតិយើង។ប៉ុន្តែសម្រាប់លោកព្រំស៊ូអតីតមេបញ្ឫការកងពលតូចលេខ៥១៩នៃសមរភូមិស៊ីសូផុនខាងជើងសព្វថ្ងៃរស់នៅខេត្តឧត្តរមានជ័យ ។
នាយឧត្តមសេនីយ៍សុខ ភាព ទើបឡើងជា រដ្ឋលេខាធិការល្រសួងការពារជាតិសព្វថ្ងៃរស់នៅខេត្តបន្ទាយមានជ័យបានគេចវេសមិនព្រមមឆ្លើយតបការសម្ភាសន៍របស់យើងឡើយ បើទោះបីជាបានលើកទូរស័ព្ទហៅចូលក៏ដោយលោកថា មិនមានអ្វីត្រូវនិយាយទេ ។
ទោះយ៉ាងណាលោកញ៉ែម អេន អតីតអ្នកថតរូបឯកសារមេដឹកនាំជាន់ខ្ពស់របបកម្ពុជាប្រជាធិបតេយ្យ សព្វថ្ងៃរស់នៅអន្លង់វែងខេត្តឧត្តរមានជ័យបាននិយាយថា៖លោកមានការសោកស្តាយណាស់ចំពោះការស្លាប់របស់ឌុចព្រោះជាការបាត់បង់សាក្សីនិងជាអ្នកទទួលខុសត្រូវជាន់ខ្ពស់ខ្មែរក្រហមចំពោះសាលាក្តីខ្មែរក្រហម ។
លោកញ៉ែមអេនបន្តថា៖ឌុចមិនបានឆ្លើយអស់ហើយត្រង់(ការពិត)ឡើងនៅពេលកាត់ក្តីនៅសាលាក្តីខ្មែរក្រហម(អង្គជំនំជម្រះវិសាមញ្ញាក្នុងតុលាការកម្ពុជាឬអវតក)។លោកបន្តថាកាលលោកជាអ្នកថតរូបឯកសារនៅស ២១ដែលលោកដឹងដែរថា ឌុចជាមនុស្សហ្មត់ចត់ច្បាស់លាស់និងសាហាវខ្លាំងណាស់ ។
ក្នុងនោះ ឌុចបានបញ្ជាឱ្យគេសម្លាប់បន្តបន្ទាប់នូវឆ្មាំសន្តិសុខស២១តែម្តងចំនួន៥០០នាក់ ដោយបក្សកុំមុយនីស្តីកម្ពុជាបានចោទថាជាខ្មាំង ជាភ្នាក់ងារសេអ៊ីអារបស់អាមេរិក ។
សូមរំលឹកថា ទណ្ឌិតឌុចបានស្លាប់កាលពីរំលងអាធ្រាត្រចូលថ្ងៃទី២ខែកញឆ្នាំ២០២០ ក្នុងអាយុ៧៨ឆ្នាំ ៕សហការី