បាត់ដំបង:គ្រោះថ្នាក់ចរាចរណ៍រវាងរថយន្តនិងរថយន្តបណ្តាលឱ្យរបួសធ្ងន់៤នាក់ត្រូវបានដឹកទៅសង្គ្រោះនៅមន្ទីរពេទ្យខេត្ត។ហេតុការណ៍បានកើតឡើងនៅតាមបណ្តោយផ្លូវជាតិលេខ៥ត្រង់ចំណុចផ្លូវ កំពុងជួសជុលក្នុងភូមិកាច់រទេះឃុំកំពង់ព្រៀងស្រុកសង្កែខេត្តបាត់ដំបងកាលពីថ្ងៃទៅ១២ខែកញ្ញាឆ្នាំ២០២០។
មន្ត្រីនគរបាលស្រុកសង្កែបានឱ្យដឹងថាៈគ្រោះថ្នាក់ចរចរណ៍រវាងរថយន្តកូរេធុន២តោនកន្លះពាក់ ស្លាកលេខភ្នំពេញ2AT1196និងរថយន្តកូរេធុន៥តោនពាក់ស្លាកលេខព្រះសីហនុ3A0939ក្នុងទិសដៅបញ្ច្រាសទិសគ្នាកៀបជាប់រថយន្តទាំងពីរបណ្តាលឱ្យតៃកុងរថយន្តម្នាក់បាក់ជើងនិងអ្នករួមដំណើររបួសធ្ងន់៤នាក់។
បច្ចុប្បន្នរថយន្តទាំងពីរគ្រឿងត្រូវបានកម្លាំងនគរបាលស្រុកសង្កែស្ទូចយកមករក្សាទុកនៅអធិការដ្ឋានរង់ចាំធ្វើការដោះស្រាយជាក្រោយ៕
