ក្រចេះ៖កម្លាំងនគរបាលស្រុកព្រែកប្រសព្វបានឡោមព័ទ្ធចាប់បានជនសង្ស័យចំនួនពីរនាក់ជិះឡានហាយឡែនឌ័រលួចកាត់ជញ្ជាំងផ្ទះពលរដ្ឋលួចយកទ្រព្យសម្បត្តិ។ករណីនេះបានកើតឡើងនៅក្នុងភូមិរហាឃុំសោបស្រុកព្រែកប្រសព្វខេត្តក្រចេះ កាលពីយប់ថ្ងៃទី២៥ ខែកញ្ញា ឆ្នាំ២០២០។
មន្ត្រីនគរបាលបានបញ្ជាក់ថា៖ជនរងគ្រោះឈ្មោះស៊ាងបូរ៉ាភេទប្រុសអាយុ៣០ឆ្នាំនៅភូមិរហាឃុំសោបស្រុកព្រែកប្រសព្វខេត្តក្រចេះ។ត្រូវបានចោរលួចគាស់យកសម្ភារមួយចំនួនរួមមាន:ទូរស័ព្ទចំនួនពីរគ្រឿង,ប្រាក់ដុល្លារជាងមួយពាន់ដុល្លារ,ប្រាក់រៀលជាងពីរលានរៀល,។ភេសជ្ជខារ៉ាបាវចំនួន២កេស។
មន្ត្រីនគរបាលបានឱ្យដឹងថាៈក្រោយពីទទួលបានដំណឹងមានករណីប្រព្រឹត្តបទល្មើសភ្លាមៗនោះកម្លាំងនគរបាលស្រុកព្រែកប្រសព្វបានចុះស្រាវជ្រាវនិងឃាត់ខ្លួនជនសង្ស័យចំនួន២នាក់និងរថយន្ត១គ្រឿងម៉ាកហាយឡែនឌ័រព័ណ៌សរពាក់ស្លាកលេខភ្នំពេញ2AB0357។ជនសង្ស័យ២នាក់ឈ្មោះ៖
១/ឈ្មោះហ៊ឹមហ៊ាបភេទប្រុសអាយុ៣៦ឆ្នាំនៅភូមិក្រញ៉ូងឃុំវាលម្លូរស្រុកពញាក្រែកខេត្តត្បូងឃ្មុំ។២/ឈ្មោះ សេង ថាវី ភេទប្រុសអាយុ២៥ឆ្នាំនៅភូមិស្រែតានង ឃុំចាន់មូល ស្រុកមេមត់ ខេត្តត្បូងឃ្មុំ។
បច្ចុប្បន្នជនសង្ស័យទាំងពីរនិងរថយន្តជាមួយវត្ថុតាងកំពុងឃាត់ខ្លួនបណ្តោះអាសន្ននៅអធិការដ្ឋានស្រុកព្រែកប្រសព្វដើម្បីសាកសួរនិងចាត់វិធានការតាមនីតិវិធីច្បាប់បន្ត៕