ខេត្តកំពង់ឆ្នាំង៖រដ្ឋបាលខេត្តនិងស្ថាប័នតុលាការខេត្តកំពង់ឆ្នាំងបានដឹកនាំសិស្សចៅក្រមនៃរាជបណ្ឌិតសភាវិជ្ជាជីវៈតុលាការចុះកម្មសិក្សាអនុវត្តផ្ទាល់នៃបទល្មើសជាក់ស្តែង។ការចុះធ្វើកម្មសឹក្សានេះបានធ្វើឡើងកាលពីថ្ងៃទី៩ខែវិច្ឆិកាឆ្នាំ២០២០ដឹកនាំដោយលោកអ៊ិតសុធាព្រះរាជអាជ្ញាអមសាលាដំបូងខេត្តកំពង់ឆ្នាំង។ក្នុងនោះរួមមានលោកស្រ៊នសំរិទ្ធីអភិបាលរងខេត្តកំពង់ឆ្នាំង។
អភិបាលរងនិងព្រះរាជអាជ្ញាបានរួមគ្នាដឹកនាំចុះអនុវត្តផ្ទាល់ដល់សិស្សចៅក្រមកម្មសិក្សាជំនាន់ទី៩ដែលមាន៦នាក់និងសិស្សចៅក្រមផ្ទៃក្នុងនៃរាជបណ្ឌិតសភាវិជ្ជាជីវៈតុលាការចុះអនុវត្តនិងបង្ក្រាបបទល្មើសនេសាទខុសច្បាប់នៅតាមដងទន្លេរសាបនៅក្នុងស្រុកជលគីរីនៃខេត្តកំពង់ឆ្នាំង។ដើម្បីធ្វើយ៉ាងណាឱ្យកម្មសិក្សាចៅក្រមនៃរាជបណ្ឌិតសភាវិជ្ជាជីវៈតុលាការបានស្វែងយល់ឱ្យកាន់តែច្បាស់អំពីទិដ្ឋភាពនិងនីតិវិធីក្នុងការបង្រាបបទល្មើសជាក់ស្តែងថាតើមានបញ្ហាប្រឈមនិងផលវិបាកអ្វីខ្លះនៅក្នុងការអនុវត្តច្បាប់។
លោកអ៊ិតសុធាព្រះរាជអាជ្ញាអមតុលាការខេត្តកំពង់ឆ្នាំងបានបញ្ជាក់ឱ្យដឹងនៅថ្ងៃទី១០វិច្ឆិកា២០២០នេះថាៈចំពោះសិស្សកម្មសិក្សារបស់ចៅក្រមជំនាន់ទី៩ដែលមានរយៈពេល៦ខែនេះបានចុះអនុវត្តផ្ទាល់នៅលើទីតាំងនៃបទល្មើសជាក់ស្តែងបានធ្វើឡើង៣លើករួចមកហើយ៕សា ដាម
