បាត់ដំបង៖នគរបាលប្រឆាំងគ្រឿងញៀនខេត្តកាលពីព្រឹកថ្ងៃទី៣០ខែមករាឆ្នាំ២០២០បានបញ្ជូនជនសង្ស័យចំនួន៣នាក់ទៅតុលាការពីបទរក្សាទុកនូវសារធាតុញៀននិងបានបើកទីតាំងឱ្យប្រើប្រាស់នូវសារធាតុញៀនទៀត។ជនទាំងនេះត្រូវនគរបាលស្រុកសង្កែសហការជាមួយនឹងកម្លាំងផ្នែកយុត្តិធម៌ឃាត់ខ្លួនបាននៅចំណុចភូមិកំពង់ឆ្លងឃុំវត្តតាមិមស្រុកសង្កែកាលពីរសៀលថ្ងៃទី២៨ខែមករាឆ្នាំ២០២០ ។
មន្ត្រីនគបាលស្រុកសង្កែបានឱ្យដឹងថាជនសង្ស័យប្រុសទាំងបីនាក់មាន១ឈ្មោះឡាត់ចាន់រិតអាយុ២៥ឆ្នាំ.២ឈ្មោះឡាត់រស្មីអាយុ១៩ឆ្នាំ(ជាមុខសញ្ញាចាស់ទើបនឹងចេញពីគុក)ទាំង២នាក់រស់នៅត្រង់ចំណុចខាងលើនិង.៣ឈ្មោះងួនស៊ីណាអាយុ២៣ឆ្នាំរស់នៅភូមិកំពង់ ឆ្លងឃុំ ឈើទាល ស្រុកបាណន់ ។
សមត្ថកិច្ចបានដកហូតនូវវត្ថុតាងមួយចំនួនរួមមានថ្នាំញៀនប្រភេទមេតំហ្វេតាមីន(ម៉ាទឹកកកICE)ចំនួន១៩ថង់ទម្ងន់២០,៤៤ក្រាមទូរស័ព្ទដៃ២គ្រឿងកាំបិតច្នៃ៤ដើមកាំភ្លើងខ្យល់២ដើមនិងសម្ភារៈសម្រាប់វេចខ្ចប់ថ្នាំញៀនមួយចំនួន។ក្រោយពេលពួកវាឆ្លើយសារភាពរួចលោកស្នងករខេត្តបានបញ្ជាឱ្យកម្លាំងជំនាញកសាងសំណុំរឿងព្រមទាំងវត្ថុតាងបទល្មើសទាំងអស់ទៅតុលាការ៕