មណ្ឌលគិរី៖កម្លាំងនគរបាលខេត្តមណ្ឌលគិរីសហការជាមួយនគរបាលខេត្តក្រចេះកាលពីរសៀលថ្ងៃទី២ខែមិថុនាឆ្នាំ២០២១បានចាប់ជនសង្ស័យ២នាក់តាមដីកាបញ្ជាឱ្យចូលខ្លួនរបស់តំណាងអយ្យការអមសាលាដំបូងខេត្តមណ្ឌលគិរី ។
មន្ត្រីនគរបាលបានឱ្យដឹងថា៖កម្លាំងសមត្ថកិច្ចបានចាប់ជនសង្ស័យ២នាក់នៅត្រង់រមណីយដ្ឋានកាំពីខេត្តក្រចេះឈ្មោះសារីគ្រីយ៉ាភេទប្រុស អាយុ៤៣ឆ្នាំនិងឈ្មោះហាំប៉ូលីភេទប្រុស អាយយុ៤១ឆ្នាំ។សមត្ថកិច្ចចាប់ជនេះពីបទ “ប៉ុនប៉ងធ្វើឃាតនិងបំផ្លិចបំផ្លាញទ្រព្យសម្បត្តិ” ប្រព្រឹត្តិកាលពីថ្ងៃទី២៣ខែមេសាឆ្នាំ២០២១កន្លងទៅនៅភូមិពូគង់ឃុំស្រែព្រះស្រុកកែវសីមា ខេត្តមណ្ឌលគិរី។
បច្ចុប្បជនសង្ស័យទាំងពីរនាក់ បាននាំខ្លួនយកមកកាន់ស្នងការដ្ឋាននគរបាលខេត្តមណ្ឌលគិរី ដើម្បីប្រគល់ជូនតំណាងអយ្យការអមតុលាការខេត្តមណ្ឌលគិរីដើម្បីចាត់ការទៅតាមច្បាប់៕ដោយ៖សៅវ៉ាន់ឌី
