បន្ទាយបានជ័យ៖អគ្គិភ័យបង្កពីការឆ្លងចរន្តអគ្គិសនីឆេះបំផ្លាញផ្ទះ២ខ្នងនិងទ្រព្យសម្បត្តិជាច្រើនពេលម្ចាស់មិននៅ។គ្រោះអគ្គិភ័យនេះបានកើតឡើងនៅនៅភូមិដូនឡីសង្កាត់ម្កាក់ ក្រុងសិរីសោភ័ណខេត្តបន្ទាយមានជ័យកាលពីល្ងាចថ្ងៃទី១០ ខែមេសាឆ្នាំ២០២២ ។
លោកវរសេនីយ៍ស៊ី ឌី អធិការនគរបាលក្រុងសិរីសោភ័ណបានឱ្យដឹងថា ភ្លើងឆេះផ្ទះចំនួន២ខ្នងម្ចាស់ឈ្មោះ សំ ភិរក្ស អាយុ៤៣ឆ្នាំប្រពន្ធឈ្មោះ ង៉ូវ លៀប អាយុ៣៦ឆ្នាំនៅភូមិ សង្កាត់ខាងលើ។ក្នុងហេតុការណ៍នេះបណ្ដាលឱ្យផ្ទះទំហំ២០ម៉ែត្រគុណ៦ម៉ែត្រ ប្រក់ស័ង្កសីជញ្ជាំងក្តារជាផ្ទះល្វេងឆេះអស់ទាំងស្រុង-ប្រាក់បាតចំនួន១៥.០០០បាត -ប្រាក់ខ្មែរចំនួន២០លានរៀល-ម៉ាស៊ីនបូមខ្យល់១គ្រឿង-ម៉ូតូកូនទា១គ្រឿងនិងសម្ភារប្រើប្រាស់ជាច្រើនទៀត។
ផ្ទះទី២ម្ចាស់ឈ្មោះដាត ម៉ូវ ភេទអាយុ៨៣ឆ្នាំនៅភូមិខាងលើបានឆាបឆេះរោលជញ្ជាំងមួយចំហៀង។ពេលកើតហេតុអភិបាលក្រុង មន្ត្រីអាជ្ញាធរ មាននគរបាលខេត្ត នគរបាលក្រុង កងរាជអាវុធហត្ថ យោធាតំបន់ប្រតិបត្តិការសឹករងខេត្ត។កម្លាំងបានចេញជួយពន្លត់ភ្លើងដោយប្រើរថយន្តបាញ់ទឹកចំនួន៣គ្រឿងមិនឱ្យភ្លើងឆេះរាលដាលដល់ផ្ទះអ្នកជិតខាងឡើយ៕
