កំពង់ស្ពឹ៖រថយន្តម៉ាកALPHARD ២គ្រឿងបានបើកបុកគ្នានៅលើផ្លូវល្បឿនលឿនភ្នំពេញ-ខេត្តព្រះសីហនុបណ្តាលឱ្យមនុស្សជាច្រើននាក់រងរបួសធ្ងន់។មន្ត្រីនគរបាលខេត្តកំពង់ស្ពឺបានឱ្យដឹងថា គ្រោះថ្នាក់ចរាចរណ៍ដ៏រន្ធត់នេះបានកើតឡើងនៅចន្លោះគីឡូម៉ែត្រលេខ៦៦-៦៧ត្រង់ភូមិកុមារពេទ្យ ឃុំអូរ ស្រុកភ្នំស្រួច ខេត្តកំពង់ស្ពឹកាលពីរសៀលថ្ងៃទី១១ កក្កដាឆ្នាំ២០២២។
មុនកើតហេតុរថយន្ត ALPHARD លេខភ្នំពេញ2BQ-7666 អ្នកបើកបរមិនស្គាល់អត្តសញ្ញាណ មានស្ត្រីម្នាក់អ្នករួមដំណើរបើកពីលិចទៅកើត។មកដល់កន្លែងកើតហេតុបាន បុកជាមួយរថយន្តម៉ាកALPHARD ដូចគ្នាផ្លាកលេខព្រះសីហនុ2D-9666 អ្នកបើកបរមិនស្គាល់អត្តសញ្ញាណ។
ក្នុងហេតុការណ៍ខាងលើរថយន្តទំនើបទាំង២គ្រឿងបើកក្នុងទិសដៅបញ្រ្ចាស់គ្នាបណ្តាលឱ្យគ្រោះថ្នាក់អ្នកបើកបរនិងអ្នករួមដំណើរច្រើននាក់ជាមួយជនបរទេសមិនទាន់ស្គាល់ឈ្មោះ។ក្រោយកើតហេតុនគរបាលចរាចរណ៍បានបញ្ជូនជនរងគ្រោះទៅមន្ទីរពេទ្យសង្គ្រោះបន្ទាន់។រីឯរថយន្តទាំង២គ្រឿងបានស្ទូចយកទៅរក្សាទុកបណ្ដោះអាសន្ននៅអធិការដ្ឋាននគរបាលស្រុកភ្នំស្រួចដើម្បីដោះស្រាយពេលក្រោយ៕
