ព្រះវិហារ៖នៅថ្ងៃទី១៥ខែសីហាឆ្នាំ២០២២នេះប្រជាពលរដ្ឋជាច្រើនគ្រួសារនៅតាមជនបទបាននាំគ្នាជួសជុលផ្លូវលំមួយខ្សែប្រវែង១៧គីឡូម៉ែត្រដើម្បីសម្រួលការធើ្វដំណើរចេញចូលនៅភូមិព្រៃវែងឃុំស្រយង់ស្រុកគូលែនខេត្តព្រះវិហារ។ប្រជាពលរដ្ឋបានប្រាប់ឱ្យដឹងថា ដោយសារផ្លូវនេះពិបាកចេញចូលពីភូមិព្រៃវែងមកស្រុកគូលែនដឹកជញ្ជូនផលដំណាំនិងអ្នកជំងឺនិងអ្នកមានផ្ទៃពោះមករកសេវាមណ្ឌលសុខភាព។ព្រោះនៅឯភូមិមិនមានមណ្ឌលសុខភាពទេតាមជនបទមានការំបាកទើបពួកគាត់សម្រេចចិត្តជួសជុលផ្លូវលំមួយខ្សែនិងធ្វើស្ពាន៣កន្លែងសម្រាប់ឆ្លងកាត់។ប្រជាពលរដ្ឋបានបន្តថា ការងារនជដឹកនាំដោយលោកមេភូមិព្រៃវែងរ៉ៃអង្គាសលុយដើម្បីទិញប្រេងចាក់គ្រឿងចក្រមួយចំនួនទិញម្ហូបសម្រាប់បងប្អូនមកជួយធើ្វ។ក្នុងនោះប្រជាពលរដ្ឋសូមណូមពរដល់សម្តេចតេជោហ៊ុនសែននិងសប្បុរសជនជួយធ្វើផ្លូវបានមួយខ្សែផង។ដើម្បីសម្រួលប្រជាពលរដ្ឋភូមិនេះបានដឹកជញ្ជូនផលដំណាំព្រោះនៅទីនេះមានការលំបាកខ្វះខាតយ៉ាងខ្លាំងពេលរដូវភ្លៀងពិបាកធ្វើដំណើរចេញចូលមកស្រុកម្តងៗ៕សៅវ៉ាន់ឌី
Related Articles
តុលាការកោះហៅជនបីនាក់ពាក់ព័ន្ធកាប់រុក្ខរានព្រែយកដីលក់ឱ្យឈ្មួញ
ព្រះវិហារ៖លោកទីសុវិនថាល់ព្រះរាជអាជ្ញាអមតុលាការខេត្តព្រះវិហារបានចេញដីកាកោះជនជាប់ចោទ៣នាក់ពាក់ព័ន្វក្នុងសំណុំរឿងព្រហ្មទណ្ឌលេខ៥២ចុះថ្ងៃទី៧ខែកុម្ភៈឆ្នាំ២០២០នៃអយ្យការអមសាលាដំបូងខេត្តព្រះវិហារ។ បានឃើញដីកាសម្រេចដាក់រឿងជំនុំជំរះលេខ២០១ចុះថ្ងៃទី៨ខែកុម្ភៈឆ្នាំ២០២១ទៅលើជនជាប់ចោទទាំង៣នាក់ មន្ត្រីបានឱ្យដឹងថា៖ទាំង៣នាក់ដែលតុលាការកោះហៅមានឈ្មោះដឿនជាតិភេទប្រុសអាយុ៣៣ឆ្នាំ,ឈ្មោះហាយទន់ភេទប្រុសអាយុ៦១ឆ្នាំនិងឈ្មោះជឹមគឿនភេទប្រុសអាយុ៤៤ឆ្នាំ។ជនជាប់ចោទទាំង៣នាក់បច្ចុប្បន្នស្នាក់នៅភូមិលំឡេងឃុំរណសិរ្យស្រុកសង្គមថ្មីខេត្តព្រះវិហារ។ មន្ត្រីដដែលបានបន្តថា៖ករណីកាប់គាស់រុក្ខរានដីព្រៃឆ្កាដុតនឹងឈួសឆាយដីព្រៃរបស់រដ្ឋដើម្បីយកមកធ្វើជាកម្មសិទ្ធដែលពួកគេបានប្រព្រឹត្តនៅភូមិរលំស្លែងឃុំរណសិរ្យស្រុកសង្គមថ្មីខេត្តព្រះវិហារកាលពីថ្ងៃទី៦ខែកុម្ភៈឆ្នាំ២០២០កន្លងទៅ។ លោកទីសុវិនថាល់ព្រះរាជអាជ្ញាបានឱ្យដឹងថា៖ជនជាប់ចោទទាំង៣នាក់នេះគឺបានប្រព្រឹត្តបទល្មើសព្រហ្មទណ្ឌដែលបានចែងឱ្យផ្តន្ទាទោសតាមបញ្ញតិមាត្រាលេខ៦២ចំនុច១នៃច្បាប់ស្ដីពីតំបន់ការពារធនធានធម្មជាតិ។ លោកមាសញឹមអនុប្រធានមន្ទីរបរិស្ថានខេត្តព្រះវិហារបានបញ្ជាក់ថា៖ក្នុងចំណោមបក្ខពួកទាំង៣នាក់នោះគឺឈ្មោះហាយទនជាមេខ្លោងបំផុសបំផុលរពឹសដៃខាងដើរកាប់រុករានដីព្រៃធម្មជាតិយកលក់បន្តឱ្យទៅអ្នកមានលុយនៅឯខេត្តកំពង់ធំ៕សៅវ៉ាន់ឌី
កង់បីបុកជាមួយម៉ូតូឆ្លងផ្លូវជ្រុលធ្លាក់ប្រឡាយទឹកស្អុយ
ភ្នំពេញ៖ម៉ូតូកង់បីបុកជាមួយម៉ូតូកំពុងបើកឆ្លងផ្លូវហើយកង់បីជ្រុលធ្លាក់ប្រឡាយទឹកស្អុយរងការខូចខាតសងខាងនៅផ្លូវជាតិលេខ៤ ខណ្ឌពោធិ៍សែនជ័យកាលពីរសៀលថ្ងៃទី២៦ ខែសីហាឆ្នាំ២០២១។ មុនកើតហេតុគេបានឃើញបុរសម្នាក់ជិះម៉ូតូហុងដាឌ្រីមសេ១២៥ តាមបណ្តោយផ្លូវជាតិលេខ៤ ក្នុងទិសដៅពីកើតទៅលិច។មកដល់កន្លែងកើតហេតុក៏បត់ឆ្លងផ្លូវស្របពេលនោះក៏មានម៉ូតូកង់បី មកដល់ជាន់ហ្វ្រាំងមិនទាន់ក៏ជ្រុលទៅបុកម៉ូតូបណ្តាលឱ្យរងការខូចខាត ហើយកង់បីបានជ្រុលធ្លាក់ចូលទៅក្នុងប្រឡាយទឹកស្អុយ តែមិនមានបង្កគ្រោះថ្នាក់ដល់មនុស្សទេ។ក្រោយកើតហេតុភាគីទាំងសងខាងបានសម្របសម្រួលគ្នាដោយព្រមយកទៅជួសជុលរៀងៗខ្លូនក៏បញ្ចប់រឿង៕ដោយ៖យាយពេញ
ទន្លេសាបមានទឹកដូចក្នុងរដូវប្រាំង
ភ្នំពេញ៖ទោះបីជាភ្លៀងបានធ្លាក់រាយប៉ាយជាបន្តបន្ទាប់ហើយយ៉ាងណាក៏ដោយក៏ទឹកបឹងទន្លេសាបពេលនេះនៅតែទាបជាងកម្ពស់ទឹកមធ្យមច្រើនឆ្នាំដល់ទៅ២,១៧ម៉ែត្រ។ឯទឹកទន្លេមេគង្គនៅចតុមុខទាបជាងកម្ពស់ទឹកមធ្យមច្រើនឆ្នាំ២,៧៩ម៉ែត្របើធៀបរយៈពេលដូចគ្នា។កម្ពស់ទឹកទាបបែបនេះបានធ្វើឱ្យប៉ះពាល់ដល់ការដាំដុះនៅតាមវាលទំនាបនិងតាមដងទន្លេជាពិសេសការពងកូន របស់មច្ឆជាតិនៅបឹងទន្លេ សាប។ លោកចាន់យុត្ថាអ្នកនាំពាក្យនិងជារដ្ឋលេខាធិការក្រសួងធនធានទឹកនិងឧតុនិយមបានប្រាប់ឱ្យរស្មីកម្ពុជាដឹងនៅថ្ងៃទី១៤ខែកក្កដាឆ្នាំ២០២០ថា៖ទឹកទន្លេមេគង្គក៏ដូចជាទឹកនៅបឹងទន្លេសាបមកដល់ពេលនេះ(១៤កក្កដា)នៅតែមិនទាន់សញ្ញាជន់ឡើង។ ដោយសារភ្លៀងដែលបានធ្លាក់ជាបន្តបន្ទាប់កន្លងទៅបានត្រឹមតែសើមដីចិញ្ចឹមដំណាំមិនឱ្យស្វិតងាប់គឺមិនទាន់មានសល់ហូរធ្លាក់ចូលដល់ក្នុងស្ទឹងទន្លេនៅឡើយទេ។ទឹកទន្លេនៅទាបនិងជន់ឡើងយឺតពេលបែបនេះអ្នកនាំពាក្យក្រសួងជំនាញខាងលើនិយាយដោយសម្តែងការព្រួយបារម្ភថាវាបានធ្វើឱ្យប៉ះពាល់ដល់ការដាំដុះនៅតាមដងទន្លេនិងវាលទំនាបជាពិសេសគឺការពងកូននិងការធំធាត់របស់ មច្ឆា ជាតិ។