កំពង់ស្ពឺ៖គ្រួសារមួយមានសមាជិក៤នាក់ឪពុកម្តាយនិងកូនបានដេកលើគ្រែដែកស្រាប់តែឆ្លងចរន្តអគ្គិសនីបណ្តាលឱ្យឆក់ស្លាប់៣នាក់ឪពុកម្តាយនិងកូនស្រីរីឯកូនប្រុសរងរបួស។ហេតុការណ៍ដ៏តក់ស្លុតនោះបានកើតឡើងនៅម្តុំការដ្ឋានបូមខ្សាច់មួយកន្លែង ភូមិរកាកោះ ស្រុកគងពិសី ខេត្តកំពង់ស្ពឺកាលពីថ្ងៃទី១២ ខែមករា។ មន្ត្រីមូលដ្ឋានបានឱ្យដឹងថា ជនរងគ្រោះដែលស្លាប់ទាំង៣នាក់ឈ្មោះ ប៊ុត វុទ្ធី អាយុ៤៣ឆ្នាំជាប្តីអ្នកកាន់ម៉ាស៊ីនបូមខ្សាច់។ឈ្មោះ ជីបសុខុន អាយុ ៤២ឆ្នាំប្រពន្ធជាមេចុងភៅ-និងឈ្មោះសេង ធីប អាយុ១១ឆ្នាំកូនស្រី។ចំណែកកូនប្រុសឈ្មោះសេង សុខម៉េងអាយុ៨ឆ្នាំរងរបួសដៃនិងក្បាល។ក្រុមគ្រួសាររងគ្រោះនៅភូមិកំណប់ ឃុំរលាំងគ្រើល ស្រុកសំរោងទង ខេត្តកំពង់ស្ពឺ។មន្ត្រីដដែលបានបន្តថា បណ្តាលឱ្យគ្រួសារមួយស្លាប់និងរបួសយ៉ាងរន្ធត់នោះ មូលហេតុមកពីឆ្លងចរន្តអគ្គិសនីជាមួយនឹងគ្រែដែកដែលពួកគេដេកទាំងអស់គ្នា។ក្រោយកើតហេតុសពទាំង៣នាក់ឪពុកម្តាយនិងកូនស្រី ត្រូវបានសមត្ថកិច្ចប្រគល់ឱ្យក្រុមសាច់ញាតិយកទៅធ្វើបុណ្យនៅឯភូមិដ្ឋានរបស់ជនរងគ្រោះ៕
Related Articles
ឆេះរថយន្តដឹកសំណាកវិភាគជំងឺកូវីដ១៩នៅខេត្តស្ទឹងត្រែង
ស្ទឹងត្រែង៖មានករណីឆេះរថយន្តសម្រាប់ដឹកសំណាកវិភាគជំងឺកូវិដ១៩ពីខេត្តស្ទឹងត្រែងទៅរាជធានីភ្នំពេញដោយការឆេះនោះបើតាមការពារប៉ាន់ស្មានឆេះអស់ពី៧០ទៅ៨០ភាគរយ។ លោកទន់វុទ្ធីអនុប្រធានមន្ទីរសុខាភិបាលខេត្តស្ទឹងត្រែងបានឱ្យដឹងថា៖នៅវេលាជិតភ្លឺចូលថ្ងៃទី១០ខែ មីនាឆ្នាំ២០២១រថយន្តសម្រាប់ដឹកសំណាកវិភាគនៅផ្ទះរបស់លោកឡុចសេងអ៊ាងប្រធានការិយាល័យរដ្ឋបាលមន្ទីរសុខាភិបាលខេត្តស្ថិតនៅភូមិព្រែកសង្កាត់ស្ទឹងត្រែងក្រុងស្ទឹងត្រែងខេត្តស្ទឹងត្រែង។ ក្រោយពីមានហេតុការណ៍កើតឡើងកម្លាំងមានសមត្ថកិច្ចកំពុងចុះស្រាវជ្រាវរកមូលហេតុនៃការឆេះរថយន្តនេះ៕សុខុម
រមណីយដ្ឋានជើងភ្នំត្បែងបង្កឱ្យមានមនុស្សលង់ទឹកស្លាប់ទៀតហើយ
ព្រះវិហារ៖គេនៅចាំបានថា កាលពីខែមេសាឆ្នាំ២០២០កន្លងទៅរមណីយដ្ឋាន ប៊ុន ហឿងយ៉ាគូសាដែលមានទីតាំងស្ថិតនៅជើងភ្នំត្បែងភូមិមហាផលឃុំឈានមុខស្រុកត្បែងមានជ័យ ខេត្តព្រះវិហារ។បានធ្វើឱ្យបុរសម្នាក់ស្លាប់ដោយសារបើករថយន្តចូលក្នុងអាងហែលទឹក។ ក្រោយពីមានការរិះគន់យ៉ាងចាស់ដៃពីអ្នកប្រើប្រាស់បណ្តាញសង្គមក្រុមការងារចម្រុះថ្នាក់ខេត្តដឹកនាំដោយមន្ទីរទេសចរណ៍បានចុះទៅបិទរមណីយដ្ឋាននេះមិនឱ្យដំណើរការឡើយ។ដោយសារក្រុមការងារបច្ចេកទេសពិនិត្យឃើញថាការសាងសង់អាងលេងទឹកខុសបច្ចេកទេសដោយពុំមានរបងឬបង្គោលការពារសុវត្ថិភាព។ ក្រោយពីបិទបានរយៈពេលខ្លីម្ចាស់រមណីយដ្ឋាននេះនៅតែលួចបើកឱ្យភ្ញៀវទេសចរឆ្ងាយជិតចេញចូលហូហែរទៅលេងរមណីយដ្ឋាននេះដដែលដោយល្មើសទៅនឹងការហាមឃាត់របស់ក្រុមចម្រុះរបស់ខេត្តបង្កឱ្យមានមនុស្សស្លាប់ម្នាក់ទៀតកាលពីព្រឹកថ្ងៃទី១២ខែកក្តដាឆ្នាំ២០២០។ ជងរងគ្រោះឈ្មោះកែវខានភេទប្រុសអាយុ៤១ឆ្នាំនៅភូមិមហាផលឃុំឈានមុខស្រុកត្បែងមានជ័យខេត្តព្រះវិហារស្លាប់នៅមន្ទីរពេទ្យក្រោយពីប្រជាពលរដ្ឋជួយជនរងគ្រោះពីក្នុងអាងហែលទឹកបញ្ជូនមកមន្ទីរពេទ្យ។ករណីនេះមានសំណួរថាតើអ្នកណាជាអ្នកទទួលខុសត្រូវលើជីវិតប្រជាជនដែលបានស្លាប់ដោយសាលង់ទឹកជាបន្តបន្ទាប់?តើម្ចាស់រមណីយដ្ឋាននេះមានទោសដែរឬទេ?បើម្ចាស់រមណីយដ្ឋាននេះមិនគោរពតាមការហាមប្រាមរបស់ក្រុមជំនាញផងនោះ ។ តាមព័ត៌មានបញ្ជាក់ថា ក្រោយពីមានករណីមនុស្សលង់ទឹកស្លាប់ប៉ុស្តិ៍នគរបាលរដ្ឋបាលឃុំឈានមុខ បានហៅម្ចាស់រមណីយដ្ឋាននោះយកមកសួរនាំ។ក្រោយមកបានឱ្យត្រឡប់ទៅវិញតែជីវិតមនុស្សស្លាប់២នាក់ប្រហែលជាអត់ន័យហើយ។យើងរង់ចាំមើលតទៅទៀតតើមានមនុស្សប៉ុន្មានអ្នកទៀតស្លាប់ដោយសារការធ្វេសប្រហែសរបស់រមណីយដ្ឋាននេះអាជ្ញាធរខេត្តស្រុកមានវិធានការបែបណាចំពោះរឿងនេះ? ៕វ៉ាន់ឌី
អង្គការWCSរកឃើញស្វាកន្ទុយ ស ដែលស្ថិតក្នុងបញ្ជីក្រហមIUCNចំនួន៦.៧៥៦ក្បាលនៅដែនជម្រកសត្វព្រៃកែវសីមា
ភ្នំពេញៈនៅថ្ងៃទី១ខែវិច្ឆិកាឆ្នាំ២០២០អង្គការWCSបានចេញផ្សាយព័ត៌មានរបស់ខ្លួនថាបានរកឃើញសត្វស្វាកន្ទុយសជាប្រភេទសត្វជិតផុតពូជនៅលើពិភពលោកតែមានវត្តមាននៅក្នុតំបន់ការពារធម្មជាតិកម្ពុជា។ យោងតាមការអង្កេត សត្វស្វាកន្ទុយស នៅក្នុងដែនជម្រកសត្វព្រៃកែវសីមា មានចំនួន ៦.៧៥៦ក្បាល ក្រុមវាមានចំនួនថេរក្នុងរយៈពេល១០ឆ្នាំចុងក្រោយនេះ ខណៈសត្វស្វាកន្ទុយស លើពិភពលោកមាននិន្នាការថយចុះ។ ជារឿយៗវាចូលចិត្តរស់នៅជាក្រុមតាមដើមឈើខ្ពស់ៗ នៅក្នុងព្រៃស្រោង និងព្រៃពាក់កណ្តាលស្រោង។ វារស់នៅជាក្រុមដែលមានចំនួនរហូតដល់ជាង ១០ក្បាល ដោយមានបាមេ និងកូន ជួនកាលក្រុមរបស់វាមានច្រើនរហូតដល់៣០ក្បាល។ សត្វស្វាកន្ទុយស ស្ថិតក្នុងក្រុមប្រភេទមានដោយកម្រ។សត្វស្វាប្រភេទនេះត្រូវបានចុះក្នុងបញ្ជីក្រហម IUCN (CR) ជាប្រភេទជិតផុតពូជបំផុតនៅលើពិភពលោក និងត្រូវបានចាត់ថ្នាក់ក្នុងបញ្ជីឧបសម្ព័ន១ នៃអនុសញ្ញា CITIES។ ចំនួនស្វាកន្ទុយស មានការថយចុះ ដោយសារការបាត់បង់ទីជម្រក និងការបរបាញ់ ៕ប្រភពៈWCSសម្រួលផ្សាយ៖ ធូកុសល