ស្វាយរៀង៖កម្លាំងអាវុធហត្ថខេត្តបានចាប់ក្រុមប្រើហិង្សាដោយចេតនា៧នាក់ដកហូតកាំភ្លើងខ្លី១ដើមនិងសម្ភារប្រព្រឹត្តបទល្មើសមួយចំនួនហើយបានបញ្ជូនទៅតុលាការ។ មន្ត្រីអាវុធហត្ថខេត្តស្វាយរៀងបានឱ្យដឹងថា ការឃាត់ខ្លួនជនសង្ស័យ៤នាក់ធ្វើឡើងនៅភូមិថ្មី ឃុំអណ្ដូងពោធិ៍ ស្រុករមាសហែក ខេត្តស្វាយរៀងកាលពីយប់ ថ្ងៃទី១៦ ខែមេសា។ ក្រុមនេះមានឈ្មោះ ហ៊ុន រស្មី អាយុ២១ឆ្នាំ-ឈ្មោះ ស៊ុត សំណាំង អាយុ១៩ឆ្នាំ-ឈ្មោះ សុខ បូរ៉ា អាយុ១៨ឆ្នាំនិងឈ្មោះ កាន សំអុល អាយុ១៨ឆ្នាំ។ពួកគេនៅភូមិក្រញូង ឃុំដូង ស្រុករមាសហែក ខេត្តស្វាយរៀង។ជាមួយនោះដកហូតវត្ថុតាងមាន-កាំបិតផ្គាក់១ដើម-ម៉ូតូ៣គ្រឿង-ទូរសព្ទ៣គ្រឿង ។ មកដល់ថ្ងៃទី១៧ ខែមេសាសមត្ថកិច្ចអាវុធហត្ថខេត្តបន្តចាប់ជនសង្ស័យ៣នាក់ទៀត-ឈ្មោះ ផុន សុភ័ក្រ្ត អាយុ២២ឆ្នាំ-ឈ្មោះ ឃួន សុខបូរ៉ាន់ អាយុ១៨ឆ្នាំនិងឈ្មោះ ទិត្យ សំអាន អាយុ២១ឆ្នាំ។ពួកគេនៅភូមិថ្មី ឃុំអណ្ដូងពោធិ៍ ស្រុករមាសហែក ខេត្តស្វាយរៀង។ដកហូតវត្ថុតាងមាន កាំភ្លើងខ្លី១ដើមម៉ាកCF 98-9 7236 បង់ចំនួន២-គ្រាប់ចំនួន៤គ្រាប់-ទូរសព្ទ២គ្រឿង។ក្រុមជនសង្ស័យទាំង៧នាក់ជាមួយវត្ថុតាងត្រូវបានសមត្ថកិច្ចរៀបចំសំណុំរឿងបញ្ជូនទៅតុលាការដើម្បីចាត់ការតាមច្បាប់៕
បន្ទាយមានជ័យ៖កម្លាំងអាវុធហត្ថ កាលពីរសៀលថ្ងៃទីថ្ងៃទី៦ ខែមករាបានចុះបង្ក្រាបករណីគ្រឿងញៀន និងឃាត់ខ្លួនជនសង្ស័យចំនួន៥នាក់ ហើយបានបញ្ជូនទៅតុលាការនៅរសៀលថ្ងៃទី៨ខែមករានេះ។ មន្ត្រីអាវុធហត្ថបានឱ្យដឹងថា ការឃាត់ខ្លួនជនសង្ស័យនៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ពេលឃាត់ខ្លួនសមត្ថកិច្ចបានដកហូតវត្ថុតាង-គ្រឿងញៀនប្រភេទម៉ាទឹកកកចំនួន៧កូនថង់-ម៉ូតូ៣គ្រឿង-ទូរសព្ទ៤គ្រឿង-ជញ្ជីងសម្រាប់ថ្លឹងគ្រឿងញៀន ១គ្រឿង និងសម្ភារពាក់ព័ន្ធបទល្មើសមួយចំនួនទៀត។ជនសង្ស័យទាំង៥នាក់-ឈ្មោះ សួនិធិ-ឈ្មោះ ខានគឹមហេង ហៅ ម៉ាប់-ឈ្មោះ ជាលាភហេង ហៅ ខ្លែងស្រាក-ឈ្មោះ ខេង រ៉ាដូ ហៅពៅ និង-ឈ្មោះ សៀង សិរី ហៅជួង។ពួកគេមានអាយុពី១៧ដល់៣៥ឆ្នាំនៅសង្កាត់ព្រះពន្លា-សង្កាត់កំពង់ស្វាយ ក្រុងសិរីសោភ័ណបន្ទាយមានជ័យ។ ក្រោយពីឃាត់ខ្លួននិងសាកសួររួច ជនសង្ស័យទាំង៥នាក់រួមជាមួយវត្ថុតាង ត្រូវបានកម្លាំងជំនាញអាវុធហត្ថខេត្ត បញ្ជូនទៅតុលាការដើម្បីចាត់ការតាមច្បាប់៕
កណ្ដាល៖កាលពីថ្ងៃទី១៦ខែមេសាឆ្នាំ២០២១កម្លាំងសមត្ថកិច្ចដឹកនាំដោយលោកវរសេនីយ៍ឯកមានសំណាងអធិការនគរបាលស្រុកអង្គស្នួលសម្របសម្រួលពីលោកលាវស្រេងព្រះរាជអាជ្ញាអមសាលាដំបូងខេត្តកណ្ដាល។ប្រតិបត្តិការនេះក្រោមការបញ្ជាដោយផ្ទាល់ពីលោកឧត្តមសេនីយ៍ទោឈឿនសុចិត្តស្នងការនគរបាលខេត្តកណ្ដាលបានស្រាវជ្រាវឈានដល់ការចាប់ស្ត្រីម្នាក់ក្នុងចំណោមបក្ខពួក៤នាក់។ សមត្ថកិច្ចចាប់ជនសង្ស័យជាមួយអាវុធ៣ដើម,អាវុធកែច្នៃ១ដើមនិងគ្រឿងញៀនមួយចំនួន។ការចាប់ខ្លួនជនសង្ស័យបានធ្វើឡើងនៅផ្ទះជនសង្ស័យឈ្មោះពែលមីក្នុងភូមិត្រពាំងកក់ឃុំសំរោងលើស្រុកអង្គស្នួល ខេត្តកណ្តាល។ មន្ត្រីនគរបាលបានឱ្យដឹងថា៖ក្រុមជនសង្ស័យទី១ឈ្មោះពែលមីភេទប្រុសអាយុ២០ឆ្នាំនៅភូមិត្រពាំងត្បែងឃុំសំរោងលើស្រុកអង្គស្នួលជាមេខ្លោងកាន់កាប់អាវុធម៉ាកAkស្វាយបត់១ដើមលេខ1744ផលិតឆ្នាំ១៩៦៧មានបង់ចំនួន១និងគ្រាប់ចំនួន២៧គ្រាប់(គេចខ្លួន)។ទី២ឈ្មោះធីមឌឿន(ហៅពែក)ភេទប្រុសអាយុ២១ឆ្នាំជាមេខ្លោងកាន់កាប់អាវុធម៉ាកAKគ្មានលេខមានបង់១គ្រាប់ចំនួន៣០គ្រាប់និងអាវុធខ្លីម៉ាកប្រាស់ហាចំនួន១ដើមលេខZ518368បង់ចំនួន១គ្រាប់៦គ្រាប់និងស្រោមកាំភ្លើងខ្លីចំនួន(គេចខ្លួន)។ ឈ្មោះធីមឌឿនហៅពែកនេះមានដីកាបង្គាប់ឱ្យចាប់ខ្លួនចំនួន៥ពីបទជួញដូរដោយខុសច្បាប់នូវសារធាតុញៀន។ទី៣ឈ្មោះសល់រស្មីភេទប្រុសអាយុ២១ឆ្នាំនៅភូមិត្រពាំងត្បែងឃុំសំរោងលើស្រុកអង្គស្នួល។ចំណែកជនសង្ស័យទី៤ដែលឃាត់ខ្លួនឈ្មោះសាឡយវិច្ឆិកាភេទស្រីអាយុ១៦ឆ្នាំនៅភូមិត្រពាំងត្បែងឃុំសំរោងលើស្រុកអង្គស្នួល។ វត្ថុតាងដកហូតបានមាន៖ ១-អាវុធម៉ាក AK ១ដើម ស្វាយបត់ចំហៀង១ដើម លេខ1744 ផលិតឆ្នាំ១៩៦៧ (បង់១ គ្រាប់២៧គ្រាប់) , ២-អាវុធម៉ាកAK កាត់ស្វាយ១ដើម(គ្មានស្វាយ) គ្មានលេខ បង់១ គ្រាប់៣០គ្រាប់ , ៣-អាវុធខ្លីម៉ាក ប្រាហាចំនួន១ដើម លេខZ518368 បង់ចំនួន១ គ្រាប់៦គ្រាប់និងស្រោមកាំភ្លើងចំនួន១,៤អាវុធច្នៃប្រើខ្យសល់បាញ់គ្រាប់កង់ចំនួន៣ដើម,៥ដាវ១ដើម,ពូថៅដៃដងឈើ១,កាំបិតប៉័ងតោ១និងកន្ត្រៃ១,៦ថ្នាំញៀនម៉ាទឹកកក១កញ្ចប់ធំ,គ្រឿងញៀនWY២គ្រាប់និងឧបករណ៍ ប្រើប្រាស់វេចខ្ចប់ថ្នាំញៀនមួយចំនួន។ នៅចំពោះសមត្ថកិច្ចស្រ្តីឈ្មោះសាឡយវិច្ឆិកាសារភាពថា៖ខ្លួនជាអ្នកលក់គ្រឿងញៀន។ចំណែកអាវុធនេះត្រូវបានឈ្មោះពែលមីយកមកលាក់ទុកក្នុងផ្ទះខ្លួននៅព្រឹកថ្ងៃទី១៦ខែមេសាឆ្នាំ២០២១។ចំពោះវត្ថុតាងត្រូវបាននាំយកមកកាន់អធិការដ្ឋាននគរបាលស្រុកនិងកសាងសំណុំរឿងតាមនីតិវិធី។សមត្ថកិច្ចបានតាមចាប់បក្ខពួកបន្ថែមទៀតដើម្បីយកមកផ្តន្ទាទោសតាមច្បាប់៕ដោយ៖វិចិត្រ
កម្លាំងនគរបាលបានអនុវត្តតាមដីការបញ្ជាឱ្យចូលខ្លួនរបស់តុលាការភ្នំពេញលើឈ្មោះ ពៅ កាល់ម៉ែត បន្ទាប់ពីមានបណ្ដឹងរបស់ឈ្មោះសេង សុធារ៉ា ភេទស្រី ដែលមានមេធាវី លឹម លីណាំ ជាតំណាង។បណ្តឹងចូលមកសមត្ថកិច្ចពាក់ព័ន្ធករណីឈ្មោះ ពៅកាល់ម៉ែតជំពាក់ប្រាក់ចំនួន២៦៦.៣០០ដុល្លារហើយចេញសែកមួយសន្លឹកសងមកវិញតែសែកនោះគ្មានប្រាក់ទេ។
យោងតាមបណ្ដឹងរបស់មេធាវីម្ចាស់បំណុលបានបញ្ជាក់ថា កាលពីឆ្នាំ២០២១ ឈ្មោះពៅកាល់ម៉ែត បានមកខ្ចីប្រាក់ពីកូនក្ដីរបស់ខ្លួនចំនួន២៦៦.៣០០ដុល្លារ។លុះដល់ថ្ងៃកំណត់សងប្រាក់ឈ្មោះ ពៅ កាល់ម៉ែត បានចេញមូលប្បទានប័ត្របស់ធនាគារអភិវឌ្ឍអាស៊ីចំកាត់មានលេខ៥១៥៥៥០ ចុះថ្ងៃទី ២៧កញ្ញាឆ្នាំ២០២២មានទឹកប្រាក់ចំនួន២៦៦.៣០០ដុល្លារប្រគល់មកឱ្យ ឈ្មោះសេងសុធារ៉ាលើបំណុលដែលបានខ្ចី ។លុះថ្ងៃទៅបើកប្រាក់ស្រាប់តែខាងធនាគារប្រាប់ថា សែកនោះគ្មានលុយទេទើបម្ចាស់បំណុលសម្រេចប្ដឹងតែម្ដង៕
