ព្រះសីហនុ៖កម្លាំងនគរបាលក្រុងព្រះសីហនុ បានចាប់ជនសង្ស័យចំនួន៣នាក់ ពាក់ព័ន្ធករណីលួចម៉ូតូកាលពីថ្ងៃទី២ ខែកុម្ភ: ហើយបានរៀបចំសំណុំរឿងនឹងនាំទៅតុលាការនៅថ្ងៃនេះ។សមត្ថកិច្ចបានឱ្យដឹងថា កម្លាំងជំនាញបានឃាត់ខ្លួនជនសង្ស័យចំនួន៣នាក់ករណីលួចម៉ូតូនៅសង្កាត់លេខ១ក្រុង/ខេត្តព្រះសីហនុ។ ក្រុមជនសង្ស័យឈ្មោះ អ៊ុយ ផានិត អាយុ១៩ឆ្នាំជាអ្នកបើកម៉ូតូក្រោយពីលួចបានយកទៅផ្លុងចោលនៅក្បែរស្ពានកោះពស់ សង្កាត់៣។ ឈ្មោះឃួន លីហួរ អាយុ១៨ឆ្នាំនៅម្តុំស្ថានីយរថភ្លើងសង្កាត់លេខ៣ ក្រុងព្រះសីហនុ ចូលរួមលួច ។ឈ្មោះ ផល្លា វិច្ឆិកា ហៅវិច អាយុ១៧ឆ្នាំនៅម្តុំទំនប់រលក សង្កាត់លេខ១ ក្រុងព្រះសីហនុ ជាអ្នកលួចម៉ូតូ។វត្ថុតាងចាប់បានម៉ូតូម៉ាកSCOPY មួយគ្រឿង-ដាវចំនួន២និងកាំបិតផ្គាក់១។បន្ទាប់ពីសាកសួរកម្លាំងនគរបាលក្រុងបានកសាងសំណុំរឿងនឹងបញ្ជូនជនសង្ស័យទៅតុលាការដើម្បីចាត់ការតាមនីតិវិធី៕
Related Articles
បញ្ជូនក្រុមពាក់ព័ន្ធគ្រឿងញៀន៣នាក់ទៅតុលាការ
បន្ទាយមានជ័យ៖កម្លាំងនគរបាលក្រុងប៉ោយប៉ែតបានបញ្ជូនក្រុមពាក់ព័ន្ធករណីជួញដូរគ្រឿងញៀន៣នាក់ទៅតុលាការកាលពីរសៀលថ្ងៃទី៥ ខែកញ្ញាឆ្នាំ ២០២១។ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានឱ្យដឹងថា កម្លាំងនគរបាលក្រុងជាមួយនគរបាលប៉ុស្តិ៍ផ្សារកណ្តាលបានចាប់ជនសង្ស័យ៣នាក់នៅបន្ទប់ជួលរោងចក្រអូរនាង ស្ថិតក្នុងភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត ។ ជនសង្ស័យ ឈ្មោះ ភាព សូផាវ៉ាន់ អាយុ១៩ឆ្នាំ,ឈ្មោះស៊ី តូច អាយុ១៨ឆ្នាំនិងឈ្មោះចោមសុឃា ភេទស្រី អាយុ ២៥ឆ្នាំអ្នកទាំង៣ នៅភូមិអូរ ឃុំពេជ្រយាដារ ស្រុកភ្នំព្រឹក ខេត្តបាត់ដំបង។ សមត្ថកិច្ចរកឃើញក្នុងប្រអប់ឃើញមានគ្រឿងញៀនប្រភេទម្ស៉ៅក្រាមពណ៌សថ្លាចំនួន២កញ្ចប់ ជញ្ជីងថ្លឹងគ្រឿងញៀន១។បច្ចុប្បន្នជនសង្ស័យទាំង៣នាក់ ត្រូវបានកម្លាំង នគរបាលខេត្តបាន កសាងសំណុំរឿងបញ្ជូន ទៅតុលាការដើម្បីចាត់ការតាមច្បាប់៕ដោយ៖សិរីសោភ័ណ្ឌ
ផាកពិន័យយានយន្តជាង១៥ម៉ឺនគ្រឿងក្នុងការអនុវត្តច្បាប់ចរាចរណ៍១១៩ថ្ងៃ
ភ្នំពេញៈ លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងថាៈលទ្ធផលរឹតបន្តឹងការអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យលេខ៣៩ រយៈពេល ១១៩ថ្ងៃ គិតចាប់ពីថ្ងៃទី១ ខែឧសភា ដល់ថ្ងៃទី២៧ ខែសីហា ឆ្នាំ២០២០ ។ យានយន្តដែលត្រូវបានត្រួតពិនិត្យ និងផាកពិន័យ សរុបចំនួន ១៥១៩០៤គ្រឿង ក្នុងនោះម៉ូតូមានចំនួន ១១២៦០០គ្រឿង និងរថយន្តមានចំនួន ៣៩៣០៤គ្រឿង (រថយន្តតូច ៣៣.៨៨៨គ្រឿង និងរថយន្តធំ ៥.៤១៦គ្រឿង)។ លោកឧត្តមសេនីយ៍ឯក ឆាយ គឹមខឿន បញ្ជាក់ថា បទល្មើសភាគច្រើនសម្រាប់ម៉ូតូ និងរថយន្ត គឺអត់ពាក់មួកសុវត្ថិភាព ល្មើសសញ្ញា បត់ជែង លើសចំណុះ ស្រវឹង អត់ស្លាកលេខ ល្មើសល្បឿន អត់បណ្ណបើកបរ អត់ខ្សែក្រវ៉ាត់ គ្មានស្លាកលេខ និងនិយាយទូរស័ព្ទពេលបើកបរ៕សុភាព
នឹងនាំបុរសម្នាក់ទៅតុលាការរឿងប្រើកាំបិតផ្គាក់កាប់ពូសាច់ថ្លៃឱ្យរបួសធ្ងន់
បាត់ដំបង៖នគរបាលស្រុកថ្មគោល បានឃាត់ខ្លួនជនដៃដល់ម្នាក់ ករណីប្រើកាំបិតផ្គាក់កាប់ទៅលើពូសាច់ថ្លៃឱ្យរងរបួសធ្ងន់ ហើយនគរបាលខេត្តត្រៀមបញ្ជូនទៅតុលាការ។សមត្ថកិច្ចបានឱ្យដឹងថា កាលពីរសៀលថ្ងៃទី៣០ ខែមីនា នៅភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង មានករណីប្រើកាំបិតផ្គាក់កាប់មនុស្សឱ្យរងរបួសធ្ងន់។ ជនសង្ស័យឈ្មោះ ប៉ែល សាវ៉ើន អាយុ២៥ឆ្នាំនៅភូមិឃុំខាងលើ។ជនរងគ្រោះឈ្មោះ បុង វណ្ណៈអាយុ៤៣ឆ្នាំត្រូវជាពូសាច់ថ្លៃនៅភូមិឃុំជាមួយគ្នារងរបួសធ្ងន់ ត្រូវបាននាំទៅមន្ទីរពេទ្យភ្លាមៗ។បន្ទាប់ពីកើតហេតុកម្លាំងនគរបាលស្រុកថ្មគោល បានចុះឃាត់ខ្លួនជនសង័្សយនិងដកហូត កាំបិតផ្គាក់១។ក្រោយឃាត់ខ្លួនជនសង្ស័យបានសារភាពថា មូលហេតុមកពីមានទំនាស់ពាក្យសម្តីគ្នានាពេលកន្លងមក។ជនសង្ស័យត្រូវបាននគរបាលស្រុកកសាងសំណុំរឿងបញ្ជូនបន្តតាមនីតិវិធី៕