មណ្ឌលគីរី៖អ្នកបើកគ្រឿងចក្រប្រភេទអាប៊ុលឈូសដីបានស្លាប់ភ្លាមៗ បន្ទាប់ពីអាប៊ុលរលត់តៃកុងបានចុះពិនិត្យ ហើយបុរសម្នាក់ទៀតកាច់សោបញ្ឆេះកិនស្លាប់តែម្តង។ហេតុការណ៍នេះកើតឡើងនៅក្រុមហ៊ុនចម្ការកៅស៊ូមួយក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរីកាលពីថ្ងៃទី៣ ខែកុម្ភៈ។ សមត្ថកិច្ចឱ្យដឹងថា បុរសដែលស្លាប់ឈ្មោះលន់ សុខលី អាយុ៤៤ឆ្នាំស្នាក់នៅភូមិសង្កាត់ខាងលើ។មុនកើតហេតុជនរងគ្រោះឈ្មោះលន់ សុខលី បានបើកអាប៊ុលឈូសដីចម្ការកៅស៊ូ ស្រាប់តែ អាប៊ុលក៏រលត់ម៉ាស៊ីន។ពេលនោះតៃកុងក៏បានចុះដើម្បីសប់ប្រេងដែលសង្ស័យរលត់មកពីស្ទះប្រេង។កំពុងសប់ប្រេងឈ្មោះលន់ សុខលី ក៏បានស្រែកហៅបុរសម្នាក់ទៀតមកជួយកាច់សោដើម្បីបញ្ឆេះហើយខ្លួនកំពុងសប់ប្រេង។បន្ទាប់មកបុរសរួបនោះបានឡើងបញ្ឆេះរួចម៉ាស៊ីនក៏ដំណើរការអាប៊ុលវិលកង់ទៅមុខកិនជនរងគ្រោះឈ្មោះលន់សុខលីស្លាប់ភ្លាមតែម្ដង។ក្រោយកើតហេតុនគរបាលក្រុងសែនមនោរម្យជាមួយនគរបាលប៉ុស្ដិ៍សុខដុមបានចុះពិនិត្យនិងប្រគល់សពជូនក្រុមគ្រួសារយកទៅធ្វើបុណ្យ៕
Related Articles
រកឃើញសពក្មេងប្រុស៣នាក់រអិលជើងធ្លាក់ទឹកនៅទំនប់បង្ហៀរក្នុងស្រុកស្ទោង
កំពង់ធំ៖បន្ទាប់ពីមានមនុស្ស៣នាក់រអិលជើងធ្លាក់ទឹកស្លាប់នៅទំនប់បង្ហៀរក្នុងស្រុកស្ទោង ត្រូវបានអាជ្ញាធរមានសមត្ថកិច្ចនិងក្រុមគ្រួសាររកឃើញហើយកាលពីថ្ងៃទី៨ ខែសីហា ។មន្ត្រីនគរបាលបានឱ្យដឹងថា កាលពីល្ងាចថ្ងៃទី៧ ខែសីហានៅទំនប់បង្ហៀរទឹកមួយ ក្នុងភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ មានមនុស្សចុះលេងទឹកហើយរអិលជើងធ្លាក់បណ្ដាលឱ្យលង់ស្លាប់៣នាក់។ ក្មេងប្រុសដែលស្លាប់ឈ្មោះនីសុថានិត អាយុ១៧ឆ្នាំនៅក្នុងភូមិកំពង់ក្តី ស្រុកស្ទោងខេត្តកំពង់ធំ។ឈ្មោះប៉ា វណ្ណារ័ត្ន អាយុ ១៦ឆ្នាំនៅភូមិត្នោត ស្រុកស្ទោង ខេត្តកំពង់ធំនិងឈ្មោះប៉ា បញ្ញាលាងសុផានិត អាយុ ១២ឆ្នាំនៅភូមិបឹងកុក ក្រុង/ខេត្តកំពង់ចាម ។អ្នកឃើញហេតុការណ៍បានឱ្យដឹងថា ដំបូងមានក្មេងប្រុសម្នាក់រអិលជើងធ្លាក់ទឹកនៅត្រង់ទំនប់បង្ហៀរ។ឃើញដូច្នេះក្មេងប្រុសមិត្តភក្តិបានចុះទៅជួយ។ពេលនោះមានក្មេងប្រុសម្នាក់ទៀត ក៏បានចុះទៅជួយដែរប៉ុន្តែត្រូវបានទឹកហូរកួចលិចបាត់ទាំង៣អ្នកតែម្ដង។ពេលទទួលបានដំណឹងនេះសមត្ថកិច្ចស្រុកស្ទោង និងសាច់ញាតិ ព្រមទាំងក្រុមជួយសង្គ្រោះក៏បានប្រឹងប្រែងស្វែងរក។រហូតដល់រសៀលថ្ងៃទី៨ ខែសីហាសពទាំង៣នាក់ត្រូវបានរកឃើញនៅម្តុំជិតកន្លែងកើតហេតុចម្ងាយប្រមាណ១០០ម៉ែត្រ៕ដោយ:សុខុម
ចាប់ជនទំនើង២នាក់ករណីជិះម៉ូតូវាយក្បាលជនបរទេស
ភ្នំពេញ៖កម្លាំងនគរបាលខណ្ឌជ្រោយចង្វាបានចាប់ជន២នាក់បន្ទាប់ពីជិះម៉ូតូឌុបគ្នារួចវាយក្បាលជនជាតិបរទេសម្នាក់ហើយបង្ហោះលើតិចតុកបាន១ថ្ងៃ ។ការចាប់ជនពីររូបនេះនៅម្តុំមាត់ទន្លេក្បែរសណ្ឋាគារសុខាក្នុងភូមិ ទី១សង្កាត់ជ្រោយចង្វាខណ្ឌជ្រោយចង្វាកាលពីថ្ងៃត្រង់ទី៨ខែមីនាឆ្នាំ២០២១ ។ សមត្ថកិច្ចបានឱ្យដឹងថាជនទំនើប រូបនោះឈ្នោះ លឹម ហុង ឡេង អាយុ ១៨ឆ្នាំជាសិស្សអ្នកបើកបរម៉ូតូនៅផ្ទះជួល ភូមិកៀនឃ្លាំងសង្កាត់ជ្រោយចង្វានិងឈ្មោះចាន់ តារា អាយុ១៧ឆ្នាំជាសិស្សជាជនដៃដល់វាយក្បាលជនបរទេស ស្នាក់នៅផ្ទះជួលនៅភូមិទី១សង្កាត់ជ្រោយចង្វាខណ្ឌជ្រោយចង្វា។ លោកឃ្លាំង ហួត អភិបាលខណ្ឌជ្រោយចង្វាបញ្ជាឱ្យកងរាជអាវុធហត្ថ និងនគរបាលខណ្ឌស្រាវជ្រាវហើយ ឈានទៅចាប់ក្រុមក្មេងទំនើងនោះបានទាំង២នាក់នោះ៕វិចិត្រ
ឆេះបំផ្លាញផ្ទះលក់គ្រឿងបន្លាស់ម៉ូតូមិនទាន់ដឹងពីមូលហេតុ
កំពង់ស្ពឺ៖ភ្លើងបានឆាបឆេះបំផ្លាញផ្ទះលក់គ្រឿងបន្លាស់ម៉ូតូនិងទ្រព្យសម្បត្តិជាច្រើនរហូតមកដល់ពេលនេះសមត្ថកិច្ចមិនទាន់រកឃើញពីមូលហេតុនៅឡើយ។មន្ត្រីអាជ្ញាធរបានឱ្យដឹងថា អគ្គិភ័យបានកើតនៅម្តុំរង្វង់មូល តារែកទឹកត្នោតភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺកាលពីយប់ថ្ងៃទី២៤រហូតដល់ព្រឹកថ្ងៃទី២៥ខែឧសភា សមត្ថកិច្ចនៅបន្តបាញ់ទឹកឱ្យរលត់ទាំងស្រុង។ ផ្ទះដែលឆាបឆេះម្ចាស់ឈ្មោះកៅ ផេង ភេទប្រុស អាយុ៥២ឆ្នាំជាអ្នកលក់គ្រឿងបន្លាស់ម៉ូតូ។ ផ្ទះនេះទំហំ៥ម៉ែត្រគុណ៥០ម៉ែត្រផ្ទុកសម្ភារនិងគ្រឿងបន្លាស់ម៉ូតូ។ភ្លើងបានឆេះតាំងពីម៉ោង១២យប់ថ្ងៃទី២៤រហូតដល់ព្រឹកថ្ងៃទី២៥ខែឧសភា មិនទាន់រលត់ទាំងស្រុងនៅឡើយដោយសមត្ថកិច្ចនៅបាញ់ទឹកបន្ត។ ប្រតិបត្តិការបាញ់ទឹកពន្លត់ភ្លើងឆេះផ្ទះដ៏វែងនេះផ្នែកជំនាញបានប្រើរថយន្តអន្តរាគមន៍ចំនួន៩គ្រឿង។ចំពោះទំហំនៃការខូចខាតទ្រព្យសម្បត្តិនិងមូលហេតុដែលផ្តើមឱ្យឆេះសមត្ថកិច្ចមិនទាន់រកឃើញពីមូលហេតុនៅឡើយទេ៕