ភ្នំពេញ៖មានករណីផ្ទុះអាវុធចំនួន៣គ្រាប់ពីក្រុមស្លៀកពាក់ស៊ីវិល ដោយអះអាងថាជាកម្លាំងអគ្គស្នងការនគរបាលជាតិបង្ក្រាបបទល្មើសគ្រឿងញៀន បណ្តាលឱ្យពលរដ្ឋម្នាក់រងរបួសធ្ងន់។មន្ត្រីមូលដ្ឋានបានឱ្យដឹងថា មានក្រុមស្លៀកស៊ីវិលបានអះអាងថា ជាសមត្ថកិច្ចនៃមន្ទីរប្រឆាំងគ្រឿងញៀនបានបាញ់ចំនួន៣គ្រាប់ បណ្តាលឱ្យបុរសម្នាក់រងរបួសធ្ងន់ហើយពួកគេនាំគ្នាជិះរថយន្តគេចខ្លួនបាត់អស់។ហេតុការណ៍នោះបានកើតឡើងនៅភូមិដំណាក់សង្កែ សង្កាត់ព្រែកកំពិស ខណ្ឌដង្កោ កាលពីយប់ថ្ងៃទី១ ខែមីនា។ជនរងគ្រោះឈ្មោះ មុំ សុខមៀន អាយុ២៨ឆ្នាំមុខរបរដើរទិញលក់អេតចាយ។មន្ត្រីដដែលបានបន្តថា ការផ្ទុះអាវុធខាងលើពីកម្លាំងនៃមន្ទីរប្រឆាំងគ្រឿងអគ្គស្នងការដ្ឋាននគរបាលជាតិ បណ្តាលឱ្យពលរដ្ឋម្នាក់រងរបួសធ្ងន់ធ្ងរ។ប៉ុន្តែប្រភពនោះមិនបានបញ្ជាក់ថា មុនឈានការផ្ទុះអាវុធនេះផ្តើមចេញពីការបង្ក្រាបករណីអ្វីនោះទេគឺគ្រាន់ឱ្យដឹងថា បានកំណត់អត្តសញ្ញាណនិងសមត្ថកិច្ចដែលបានផ្ទុះអាវុធអស់ហើយ។ក្រោយមកកម្លាំងជំនាញកំពុងពិនិត្យកន្លែងកើតហេតុ និងសាកសួរប្រជាពលរដ្ឋប្រមូលព័ត៌មានបន្ថែមជុំវិញករណីខាងលើដើម្បីកំណត់មុខសញ្ញាឱ្យកាន់តែច្បាស់ដើម្បីបន្តនីតិវិធី៕
Related Articles
ប្រធានការិយាល័យម្នាក់ពាក់ព័ន្ធការគំរាមបាញ់សម្លាប់ម្ចាស់ហាងអង្គរជុំចូលបំភ្លឺនៅតុលាការ
ភ្នំពេញៈប្រធានការិយាល័យម្នាក់បម្រើការនៅនាយកដ្ឋានប្រឆាំងភេរវកម្មនៃក្រសួងមហាផ្ទៃនិងជាមេធាវីសុំមិនប្រកបវិជ្ជាជីវៈ ពាក់ព័ន្ធនឹងការជេរប្រមាថ គំរាមបាញ់សម្លាប់ម្ចាស់ហាងអង្គរជុំ និងភរិយា ដែលប្រព្រឹត្តកាលពីថ្ងៃទី២០ខែកញ្ញាឆ្នាំ២០២០កន្លងទៅបានចូលខ្លួនបំភ្លឺនៅតុលាការកាលពីរសៀលថ្ងៃទី៨ខែតុលាឆ្នាំ២០២០។ សំណុំរឿងនេះមានលោកប្លង់សុផលព្រះរាជអាជ្ញារងអមសាលាដំបូងរាជធានីភ្នំពេញទទួលបន្ទុកចាត់ការតាមរូបភាពជនសង្ស័យនៅក្រៅឃុំ។ចំពោះលទ្ធផលនៃការចូលបំភ្លឺនេះមិនមានប្រភពណាបញ្ជាក់ឱ្យដឹងជាផ្លូវការនោះទេគ្រាន់តែបង្ហើបដឹងថាៈក្រោយការសាកសួររួចហើយតុលាការនឹងធ្វើការសម្រេចោទប្រកាន់ឬមិនចោទប្រកាន់ប្រធានការិយាល័យរូបនេះ។ ជនសង្ស័យឈ្មោះថ្លាងភិនរ៉ាត្រូវនាយឧត្តមសេនីយ៍សន្ដិបណ្ឌិតនេតសាវឿនអគ្គស្នងការនគរបាលជាតិសម្រេចអនុវត្តវិន័យកងកម្លាំងនិងព្យួរការងារប្រធានការិយាល័យប្រឆាំងភេរវកម្មរួចហើយ។ចំណែកជនរងគ្រោះឈ្មោះ ជុយ សុខហេង ភេទប្រុស អាយុ៥៣ឆ្នាំ ទីលំនៅសព្វថ្ងៃផ្ទះលេខ៩១ ផ្លូវ៥៩២សង្កាត់បឹងកក់២ខណ្ឌទួលគោករាជធានីភ្នំពេញជាម្ចាស់ហាងគុយទាវអង្គរជុំសាខាទួលគោក។ លោកឧត្តមសេនីយ៍ឯក អ៊ី សុខឃីអគ្គស្នងការរងនគរបាលជាតិ បានបញ្ជាក់ថា ក្រោយកើតហេតុ នាយឧត្តមសេនីយ៍ នេត សាវឿន បានបញ្ជាឱ្យអនុវត្តវិន័យកងកម្លាំង និងដកកាំភ្លើងទុក។ ជាមួយគ្នានេះ នាយឧត្តមសេនីយ៍ បានណែនាំឱ្យសាកសួរសុខទុក្ខជនរងគ្រោះ។ លោកបានបន្តថា ជំហររបស់ជនរងគ្រោះ គឺមិនព្រមទទួលការសម្របសម្រួលបញ្ចប់រឿង ជាមួយភាគីជនបង្កដែលជាប្រធានការិយាល័យប្រឆាំងភេរវកម្មនោះទេ។ចំពោះមុខអគ្គស្នងការនគរបាលជាតិបានទុកសំណុំរឿងជូនតុលាការចាត់វិធានការតាមច្បាប់។ម្យ៉ាងជនរងគ្រោះក៏បានដាក់ពាក្យបណ្តឹង ទៅកាន់ស្ថាប័នតុលាការរួចរាល់ហើយដែរ។ លោកក៏បានអះអាងដែរថា ដោយមើលឃើញពីកំហុសឆ្គងរបស់កងកម្លាំង នាយឧត្តមសេនីយ៍ នេត សាវឿនបានណែនាំឱ្យលោកផ្ទាល់និងលោកឧត្តមសេនីយ៍ទោធូសារឿនប្រធាននាយកដ្ឋានប្រឆាំងភេរវកម្មទៅជួបសួរសុខទុក្ខនិងសុំទោសជនរងគ្រោះនូវអ្វីដែលកងកម្លាំងរបស់ខ្លួនបានធ្វើខុសឆ្គងនៅក្នុងហេតុការណ៍នេះ។ គួររំលឹកថាជនរងគ្រោះបានប្ដឹងលោកថ្លាងភិនរ៉ាទៅកាន់ស្ថាប័នចំនួន៣គឺ៖ប្តឹងទៅសម្តេចក្រឡាហោម សខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ។ប្តឹងទៅអយ្យការអមសាលាដំបូងរាជធានីភ្នំពេញនិងប្តឹងទៅគណៈមេធាវីនៃព្រះរាជាណាចក្រកម្ពុជា។ការប្ដឹងនេះបានធ្វើឡើងបន្ទាប់ពីមន្ត្រីនគរបាលខាងលើបានជេរប្រមាថនិងគំរាមបាញ់សម្លាប់ជនរងគ្រោះនិងភរិយាដោយដកកាំភ្លើងពីចង្កេះអាម៉េបញ្ចូលគ្រាប់តម្រង់ទៅលើជនរងគ្រោះនិងភរិយា។ ជនរងគ្រោះកំពុងហូបអាហារថ្ងៃត្រង់នៅក្នុងហាងគុយទាវអង្គរជុំសាខាទួលគោកផ្ទាល់តែម្ដង។ក្នុងពាក្យបណ្ដឹងដដែលនេះជនរងគ្រោះបានទាមទារសំណងជំងឺចិត្ត១០ម៉ឺនដុល្លារអាមេរិកនិងបានស្នើសូមឱ្យច្បាប់ផ្តន្ទាទោសលើមន្ត្រីនគរបាលនោះធ្ងន់ធ្ងរជាទីបំផុត ៕សា រិទ្ធ
ដាក់ឱ្យប្រើកុដិបណ្ណាល័យនិងសមិទ្ធផលក្នុងវត្តកងត្រង់ណឹង
កំពង់ចាម៖កាលពីថ្ងៃទី៩ ខែមីនា ឆ្នាំ២០២២ ឯកឧត្ដម អ៊ុន ចាន់ដា អភិបាលខេត្តកំពង់ចាម ឯកឧត្ដម ខ្លូត ផន ប្រធានក្រុមប្រឹក្សាខេត្ត អញ្ជើញចូលរួមក្នុងការដាក់ឱ្យប្រើប្រាស់កុដិបណ្ណាល័យ និងសមិទ្ធផលក្នុងវត្តកងត្រង់ណឹង ស្ថិតក្នុងឃុំកងតាណឹង ស្រុកកងមាស ខេត្តកំពង់ចាម។ ពិធីនេះក្រោមអធិបតីភាពឯកឧត្ដមឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោពលខេមរភូមិន្ទ និងជាមេបញ្ជាការកងទ័ពជើងគោក តំណាងដ៏ខ្ពង់ខ្ពស់ សម្តេចអគ្គមហាសេនាបតីជោហ៊ុន សែននាយករដ្ឋមន្ត្រីនៃកម្ពុជានិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ ឯកឧត្តម អ៊ុន ចាន់ដា អភិបាលខេត្តកំពង់ចាម ថ្លែងថា រាជរដ្ឋាភិបាលកម្ពុជា ក្រោមការដឹកនាំប្រកបដោយកិត្តិបណ្ឌិត និងឈ្លាសវៃបំផុតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឱ្យប្រទេសជាតិយើងទទួលបាននូវសុខសន្តិភាពយ៉ាងពេញលេញ មានស្ថិរភាពនយោបាយល្អ និងមានការអភិវឌ្ឍន៍រីកចំរើនលើគ្រប់វិស័យទាំងផ្នែកពុទ្ធចក្រនិងអាណាចក្រ។ ឯកឧត្តម អភិបាលខេត្ត បានបញ្ជាក់ឱ្យដឹងថា សម្រាប់ខេត្តកំពង់ចាម មានប្រជាពលរដ្ឋចំនួន ៩៧.៦ភាគរយ កំពុងប្រតិបត្តិតាមគន្លងព្រះពុទ្ធសាសនា។ ក្នុងនោះវត្តអារាមមានចំនួនសរុប ៣៧៨វត្ត (ធម្មយុត្តិ១២វត្ត) មានព្រះសង្ឃសរុប ៥.៨០១អង្គ (ធម្មយុត្តិ ១៦៤អង្គ)៕ញ៉ែម […]
ឆេះបំផ្លាញផ្ទះ១ខ្នងនិងទ្រព្យសម្បត្តិអស់ប្រមាណជាង៣ម៉ឺនដុល្លារ (មានវីដេអូ)
ក្រចេះ៖អគ្គិភ័យឆាបឆេះផ្ទះឈើប្រក់ក្បឿង១ខ្នង និងទ្រព្យសម្បត្តិជាច្រើនអស់ទាំងស្រុង និងរថយន្តមួយគ្រឿង គិតជាទឹកប្រាក់ប្រមាណជាង៣ម៉ឺនដុល្លារ។ហេតុការណ៍នោះបានកើតឡើងនៅក្រោយបន្ទាយយោធាខេត្ដ ស្ថិតក្នុងភូមិអូរប្ញស្សី៣ សង្កាត់អូរប្ញស្សី ក្រុង/ខេត្តក្រចេះ នាថ្ងៃទី១៩ ខែកុម្ភៈនេះ។មន្ត្រីនគរបាលក្រុងក្រចេះបានឱ្យដឹងថា គ្រោះអគ្គិភ័យនេះបានបំផ្លាញផ្ទះនិងទ្រព្យសម្បត្តិរបស់ម្ចាស់ឈ្មោះ ជាន សុធី អាយុ៣៧ឆ្នាំ។ប្រពន្ធឈ្មោះ វ៉ា ហ៉ាវ អាយុ ៣៥ឆ្នាំនៅភូមិ សង្កាត់ខាងលើ ។ក្នុងហេតុការណ៍នេះបានបាត់បង់ខូចខាតទ្រព្យសម្បត្តិ-ផ្ទះធ្វើពីឈើប្រក់គ្បឿងទំហំ៦មគុណ១២ម៉ែត្រនិងទ្រព្យសម្បត្តិជាច្រើនឆេះអស់ទាំងស្រុង។ជាមួយនោះមានរថយន្ដមួយគ្រឿងម៉ាក កាម៉ារីឆ្លាម ខូចខាតផ្នែកខាងមុខពាក់កណ្តាល។គ្រោះមហន្តរាយនេះតាមការវាយតម្លៃគិតជាទឹកប្រាក់ប្រហែល៣០.០០០ដុល្លារ។ពេលភ្លើងកំពុងឆេះសមត្ថកិច្ចបានចេញរថយន្តពន្លត់អគ្គិភ័យចំនួន៤គ្រឿង បាញ់ទឹកអស់៤រថយន្ត ទើបភ្លើងរលត់ទាំងស្រុង។តែមិនមានគ្រោះថ្នាក់ដល់ជីវិតមនុស្សទេ។ករណីខាងលើសមត្ថកិច្ចបានបញ្ជាក់ថា មូលហេតុបណ្តាលមកពីឆ្លងចរន្តអគ្គិសនី៕