ភ្នំពេញ៖អគ្គិភ័យបានឆាបឆេះផ្ទះលក់ទំនិញមួយកន្លែង យ៉ាងសន្ធោសន្ធៅនិងបំផ្លាញទ្រព្យសម្បត្តិអស់ជាច្រើន ត្រូវបានកម្លាំងអាជ្ញាធរចុះជួយបាញ់ទឹកពន្លត់។គ្រោះអគ្គិភ័យនេះបានកើតឡើងនៅជិតស្ពានដែកចម្ការដូង តាមផ្លូវលេខ២១៧ ក្នុងសង្កាត់ស្ទឹងមានជ័យទី៣ ខណ្ឌមានជ័យ កាលពីវេលាទៀបភ្លឺថ្ងៃទី១៤ ខែមីនា។ មន្ត្រីនគរបាលប៉ុស្តិ៍បានឱ្យដឹងថា ម្ចាស់ផ្ទះឈ្មោះ សៀប នី ភេទស្រីអាយុ៦០ឆ្នាំមុខរបរលក់ដូរ។ផ្ទះដែលភ្លើងឆេះប្រភេទសំណង់លែ្វងថ្មបេងតុងទំហំ៥មគុណ៣០ម៉ែត្រ។ក្នុងនោះមានម៉ូតូម៉ាកYamaha FZ មួយគ្រឿង-អីវ៉ាន់ចាប់ហួយជាច្រើន-និងទ្រព្យសម្បត្តិសម្ភារប្រើប្រាស់ជាច្រើនខូចខាតទាំងស្រុង។អគ្គិភ័យឆេះផ្ទះលក់ទំនិញខាងលើ មន្ត្រីអាជ្ញាធរបានសន្និដ្ឋានថា អាចមកពីឆ្លងចរន្តអគ្គិសនី។តែក្នុងហេតុការណ៍ភ្លើងមិនឆេះរាលដាលដល់ផ្ទះអ្នកជិតខាង និងបង្កឱ្យមានអ្នករងគ្រោះថ្នាក់ឡើយ។ពេលកំពុងឆេះកម្លាំងជំនាញបានចេញរថយន្តបង្ការពន្លត់អគ្គិភ័យនិងសង្គ្រោះចំនួន៦ គ្រឿងដើម្បីអន្តរាគមន៍ក្នុងហេតុការណ៍នេះ៕
Related Articles
ផាកពិន័យយានយន្តជាង១៥ម៉ឺនគ្រឿងក្នុងការអនុវត្តច្បាប់ចរាចរណ៍១១៩ថ្ងៃ
ភ្នំពេញៈ លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងថាៈលទ្ធផលរឹតបន្តឹងការអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យលេខ៣៩ រយៈពេល ១១៩ថ្ងៃ គិតចាប់ពីថ្ងៃទី១ ខែឧសភា ដល់ថ្ងៃទី២៧ ខែសីហា ឆ្នាំ២០២០ ។ យានយន្តដែលត្រូវបានត្រួតពិនិត្យ និងផាកពិន័យ សរុបចំនួន ១៥១៩០៤គ្រឿង ក្នុងនោះម៉ូតូមានចំនួន ១១២៦០០គ្រឿង និងរថយន្តមានចំនួន ៣៩៣០៤គ្រឿង (រថយន្តតូច ៣៣.៨៨៨គ្រឿង និងរថយន្តធំ ៥.៤១៦គ្រឿង)។ លោកឧត្តមសេនីយ៍ឯក ឆាយ គឹមខឿន បញ្ជាក់ថា បទល្មើសភាគច្រើនសម្រាប់ម៉ូតូ និងរថយន្ត គឺអត់ពាក់មួកសុវត្ថិភាព ល្មើសសញ្ញា បត់ជែង លើសចំណុះ ស្រវឹង អត់ស្លាកលេខ ល្មើសល្បឿន អត់បណ្ណបើកបរ អត់ខ្សែក្រវ៉ាត់ គ្មានស្លាកលេខ និងនិយាយទូរស័ព្ទពេលបើកបរ៕សុភាព
ម្ចាស់អរគុណសម្តេចតេជោហ៊ុន សែន បានអនុញ្ញាតឱ្យយកតោទៅចិញ្ចឹមវិញ
ភ្នំពេញ៖ម្ចាស់តោដែលមានគណនីហ្វេសប៊ុកឈ្មោះ «Qi Xiao» កាលពីថ្ងៃទី៤ខែកក្កដា ឆ្នាំ២០២១ បានបង្ហាញនូវភាពសប្បាយរីករាយ និងថ្លែងអំណរគុណយ៉ាងជ្រាលជ្រៅជូនចំពោះនាយករដ្ឋមន្ត្រីកម្ពុជាសម្តេចតេជោ ហ៊ុន សែន ដែលបានសម្រេចឱ្យតោមកខ្លួនចិញ្ចឹមវិញ។ លោក Qi Xiao បានរៀបរាប់ក្នុង Facebook របស់ខ្លួនថា “ខ្ញុំបាទសូមថ្លែងអំណរគុណយ៉ាងខ្ពង់ខ្ពស់ដល់សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាដែលបានយកចិត្តទុកដាក់ចំពោះបញ្ហានេះ។ក៏សូមអរគុណដល់ថ្នាក់ដឹកនាំគ្រប់ជាន់ថ្នាក់ផងដែរ និងពុកម៉ែបងប្អូនប្រជាជនកម្ពុជាទាំងអស់ ដែលបានជួយ និងគាំទ្រដល់ ហ៊ីម៉ា (ឈ្មោះតោ) របស់យើងខ្ញុំ ធ្វើឱ្យខ្ញុំបាទរស់នៅក្នុងប្រទេសកម្ពុជាយ៉ាងមានអារម្មណ៍កក់ក្តៅ។ ជាចុងក្រោយសុំជូនពរឱ្យកម្ពុជា និងចិនជាមិត្តដែកថែបជារៀងរហូត”។ ជាមួយការអរគុណនេះ សម្តេចតេជោ ហ៊ុន សែន ក៏បានតបលើទំព័រហ្វេសប៊ុកទៅវិញផងដែរថា៖នេះជាករណីពិសេសដោយសារម្ចាស់តោបានចិញ្ចឹមវាតាំងពីតូចមក ប្រៀបដូចជាសមាជិកគ្រួសារទៅហើយទើបអនុញ្ញាតឱ្យយកទៅចិញ្ចឹមឡើងវិញ។ សម្តេចតេជោហ៊ុនសែននាយករដ្ឋមន្រ្តីសម្រេចឱ្យបុរសជនជាតិចិនអាចយកសត្វតោរបស់ខ្លួនមកចិញ្ចឹមនៅផ្ទះវិញបាន បន្ទាប់ពីសមត្ថកិច្ចដកហូតកន្លង។មកសម្តេចតេជោ ហ៊ុន សែន នៅយប់ថ្ងៃទី៤ ខែកក្កដា ឆ្នាំ២០២១ បានសម្រេចឱ្យតោទៅជនជាតិចិននេះវិញ បន្ទាប់ពីមន្ត្រីរដ្ឋបាលព្រៃឈើដកហូតកាលពីចុងខែមិថុនា។ជាមួយការអនុញ្ញាតឱ្យជនជាតិចិនយកតោត្រឡប់ទៅចិញ្ចឹមវិញនេះ សម្តេចតេជោ បានណែនាំឱ្យម្ចាស់ធ្វើទ្រុងឱ្យបានត្រឹមត្រូវ ដើម្បីធានាសុវត្ថិភាពទាំងមនុស្សក្នុងផ្ទះ និងអ្នករស់នៅជិតខាង។ សម្តេចតេជោ ហ៊ុន សែន ក៏បានបានអរគុណជនរួមជាតិទាំងក្នុង និងក្រៅប្រទេសដែលបានផ្តល់យោបល់ និងអាណិតដល់សត្វតោ។ជាមួយការអនុញ្ញាតឱ្យយកតោត្រឡប់ទៅចិញ្ចឹមវិញនេះ សម្តេចតេជោ […]
យុវជនម្នាក់ជិះម៉ូតូលឿនជ្រុលទៅបុកចូលក្រោមកង់ត្រូវរថយន្តកិនស្លាប់
ខេត្តកំពង់ឆ្នាំង៖យុវជនម្នាក់បានជិះម៉ូតូក្នុងល្បឿនលឿនជ្រុលទៅបុកចូលក្រោមកង់ត្រូវរថយន្តនោះកិនស្លាប់។ហេតុការណ៍នេះបានកើតឡើងនៅខាងមុខសាលាខេត្តកំពង់ឆ្នាំងលើកំណាត់ផ្លូវជាតិលេខ៥ចន្លោះបង្គោលគីឡូម៉ែត្រលេខ៩០និង៩១ស្ថិតក្នុងភូមិទី១សង្កាត់ខ្សាមក្រុងកំពង់ឆ្នាំងកាលពីយប់ ថ្ងៃទី២៦ខែធ្នូឆ្នាំ២០២០។ លោកវរសេនីយ៍ឯកឆាយខេមរ័ត្នអធិការនគរបាលក្រុងកំពង់ឆ្នាំងបានឱ្យដឹងនៅព្រឹកថ្ងៃទី២៧ធ្នូថា៖ករណីនេះបានកើតឡើងរវាងម៉ូតូជិះបើកក្នុងល្បឿនលឿននៅពេលយប់ចាប់ហ្វ្រាំងមិនជាប់ជ្រុលទៅបុកនឹងរថយន្តដែលបណ្ដាលឱ្យម្ចាស់ម៉ូតូបានស្លាប់នៅក្រោមរថយន្តធំអូសជាប់ជាមួយកង់រថយន្ត ។ លោកអធិការនគរបាលក្រុងកំពង់ឆ្នាំងបានឱ្យដឹងទៀតថា៖រថយន្តម៉ាកហ៊ីណូពណ៌សពាក់ផ្លាកលេខព្រះសីហនុ3A0007អ្នកបើបរមិនស្គាល់អត្តសញ្ញាណក្រោយកើតហេតុបានចុះរត់គេចខ្លួនបាត់។ដោយឡែកជនរងគ្រោះជិះម៉ូតូម៉ាកនិចពាក់ផ្លាកលេខកំពង់ឆ្នាំង1H9397បើកបរដោយឈ្មោះទូចម៉េងលីភេទប្រុសអាយុ២៣ឆ្នាំនៅឃុំស្វាយឃ្លាំងខេត្តកំពង់ចាម(ស្លាប់)៕វិចិត្រ