ភ្នំពេញ៖កម្លាំងនគរបាលភ្នំពេញកាលពីថ្ងៃទី២៨ ខែមេសាបានបញ្ជូនជនសង្ស័យ២នាក់ទៅតុលាការ ក្រោយចាប់ខ្លួនករណីឆក់ទ្រព្យសម្បត្ដិ និងសម្ភារតាមផ្លូវចំនួន១៨លើក។មន្ត្រីនគរបាលបានឱ្យដឹងថា បន្ទាប់មានអំពើឆក់នៅកន្លែងលេងហ្គេមបាញ់ត្រីមួយ ម្តុំផ្សារចិន សង្កាត់ទន្លេបាសាក់ ខណ្ឌចម្ការមនកាលពីយប់ថ្ងៃទី២៥ ខែមេសានោះមកកម្លាំងបានចេញប្រតិបត្តិការស្រាវជ្រាវឈានដល់ការឃាត់ខ្លួន២នាក់។ជនសង្ស័យឈ្មោះ យ៉ាន់ សាន់ដេ ហៅកែវសាន់ដេ អាយុ២១ឆ្នាំស្នាក់នៅស្នាក់ក្នុងវត្តថាន់ ផ្លូវព្រះនរោត្តម សង្កាត់ទន្លេបាសាក់ ខណ្ឌចម្ការមន។ឈ្មោះ បាំងលេងហ៊ួរ អាយុ១៨ឆ្នាំស្នាក់នៅផ្ទះជួលផ្លូវហាណូយ សង្កាត់គោកឃ្លាង ខណ្ឌសែនសុខ។ តាមការសាកសួរពីផ្នែកជំនាញ ពួកគេបានសារភាពថា បានប្រព្រឹត្តអំពើឆក់សម្ភារនិងទ្រព្យសម្បត្តិមានតម្លៃតាមផ្លូវចំនួន១៨លើរួចមកហើយ។បច្ចុប្បន្នជនសង្ស័យទាំង២ នាក់កំពុងស្ថិតនៅក្រោមចំណាត់ការរបស់តំណាងអយ្យការអមសាលាដំបូងរាជធានីភ្នំពេញ៕
Related Articles
សមាគមសភាពាណិជ្ជកម្មកម្ពុជា-ចិនឧបត្ថម្ភ៣ពាន់ដុល្លារដល់ជនរគ្រោះពីការបាក់អគារ
ភ្នំពេញ៖អគារកម្ពស់៧ជាន់ដែលកំពុងសាងសង់នៅក្នុងខេត្តកែបបានបាក់រលំនៅវេលាម៉ោងប្រមាណ៥៖០០នាទីល្ងាចថ្ងៃទី៣ខែមករាឆ្នាំ២០២០បណ្តាលឱ្យជនរងគ្រោះច្រើននាក់បានរងរបួសនិងស្លាប់។ពេលទទួលបានព័ត៌មានដ៏ក្រៀមក្រំនេះសមាជិកសមាគមសភាពាណិជ្ជកម្មកម្ពុជា-ចិននៅខេត្តព្រះសីហនុមានអារម្មណ៍សោកស្តាយជាខ្លាំង។ កាលពីថ្ងៃទី៤ខែមករាលោកLIGUANZHAOអនុប្រធាននៃសមាគមសភាពាណិជ្ជកម្មកម្ពុជា-ចិននៅខេត្តព្រះសីហនុនិងលោកJIANGKEXINGអគ្គលេខាធិការនៃសមាគមពាណិជ្ជកម្មកម្ពុជា-ចិននៅខេត្តព្រះសីហនុបានអនុវត្តតាមផ្តាំផ្ញើរបស់លោកប្រធានCHENJIANGANGឆ្ពោះទៅកាន់កន្លែងកើតហេតុ។ ដើម្បីឧបត្ថម្ភថវិកាសរុប៣.០០០ដុល្លារដល់ជនរងគ្រោះនិងបានឧទ្ទិសសូមវិញ្ញាណក្ខន្ធជនរងគ្រោះដែលទទួលមរណភាពបានទៅកាន់សុគតិភពកុំបីខាននិងសួរសុខទុក្ខអ្នករងរបួសទាំងអស់ជូនពរឱ្យពួកគាត់ឆាប់ជាសះស្បើយ។ តាំងនាមជាសមាគមសង្គមរបស់សហគ្រាសចិននៅក្រុងព្រះសីហនុសមាគមសភាពាណិជ្ជកម្មកម្ពុជា-ចិននៅខេត្តព្រះសីហនុក្រោមការដឹកនាំរបស់អង្គភាពប្រធានគឺក្រុមហ៊ុនតំបន់សេដ្ឋកិច្ចពិសេសក្រុងព្រះសីហនុតែងតែប្រកាន់ខ្ជាប់នូវគំនិតឈ្នះ-ឈ្នះប្រាំបីភាគីយ៉ាងសកម្មនិងអំពាវនាវក្រុមហ៊ុនចិននៅខេត្តព្រះសីហនុត្រូវចាក់ឬសក្នុងតំបន់និងបំពេញទំនួលខុសត្រូវសង្គមយ៉ាងសកម្មចាប់តាំងពីសមាគមបានបង្កើតឡើងមក ។ បន្ទាប់ពីករណីបាក់រលំអគារនៅខេត្តកែបនោះមកសមាគមសភាពាណិជ្ជកម្មកម្ពុជា-ចិននៅខេត្តព្រះសីហនុបានយកចិត្តទុកដាក់លើករណី និងឆ្លើយតបយ៉ាងសកម្មចំពោះការអំពាវនាវរបស់សម្តេចតេជោ ហ៊ុន សែន នាយករដ្ធមន្ត្រី ឧបត្ថម្ភថវិកាតាមកម្លាំងស្តួចស្តើងរបស់ខ្លួនឯងយ៉ងទៀងទាត់ ដើម្បីចូលរួមសោកស្តាយ និងរំលែកទុក្ខដ៏ក្រៀមក្រំបំផុតជាមួយក្រុមគ្រួសារជនរងគ្រោះទាំងអស់ សង្ឃឹមថាអាចផ្តល់ការលើកទឹកចិត្តនិងសេចក្តីស្រឡាញ់អាណិតអាសូរដល់ពួកគាត់។ ប្រធានការិយាល័យសាលាខេត្តកែប លោក ING VUTHY ដែលបានទទួលយកថវិកាឧបត្ថម្ភនេះ បានថ្លែងអំណរគុណចំពោះការមកដល់ដោយផ្ទាល់និងការបរិច្ចាគថវិការបស់សមាគមសភាពាណិជ្ជកម្មកម្ពុជា-ចិននៅខេត្តព្រះសីហនុនិងកោតសរសើរថាសកម្មភាពភ្លាមៗនេះបានបង្ហាញពីមិត្តភាពជាក់ស្តែងរវាងប្រទេសចិននិងប្រទេសកម្ពុជា។ លោកបន្តប្រកាសថាថវិកាឧបត្ថម្ភទាំងនេះនឹងជូនដល់ជនរងគ្រោះ ដើម្បីសម្រាលការលំបាក។ គិតដល់បច្ចុប្បន្នករណីខាងលើនេះគឺជាករណីបាក់រលំអគារជាន់ខ្ពស់លើកទី២នៅក្នុងប្រទេសកម្ពុជាក្នុងរយៈពេលប៉ុន្មានឆ្នាំចុងក្រោយនេះ។នៅថ្ងៃទី២២ខែមិថុនាឆ្នាំ២០១៩អគារមួយដែលកំពុងសាងសង់នៅក្រុងព្រះសីហនុក៏បានដួលរលំបណ្តាលឲ្យមនុស្សជាច្រើននាក់ស្លាប់និងរបួសផងដែរហើយកន្លែងករណីមានចម្ងាយប្រមាណ២០គីឡូម៉ែត្រពីតំបន់សេដ្ឋកិច្ចពិសេសក្រុងព្រះសីហនុ ។ នៅពេលនោះលោកCHENJIANGANGប្រធានក្រុមប្រឹក្សាភិបាលនៃក្រុមហ៊ុនតំបន់សេដ្ឋកិច្ចពិសេសក្រុងព្រះសីហនុ និងជាប្រធាននៃសមាគមសភាពាណិជ្ជកម្មកម្ពុជា-ចិននៅខេត្តព្រះសីហនុ បានរៀបចំសកម្មភាពបរិច្ចាគនៅក្នុងតំបន់សេដ្ឋកិច្ចពិសេសបន្តាប់មកបានប្រញាប់ទៅកន្លែងកើតហេតុឧបត្ថមថ្នាំឱសថជាមួយអនុប្រធានគណៈកម្មធិការសុខភិបាលក្រុងហ្វូស៊ីដែលកំពុងធ្វើទស្សនាកិច្ចនៅខេត្តព្រះសីហនុ អំពើនេះបានបង្ហាញនូវមេត្តារបស់សហគ្រាស ៕សុផល
សមត្ថកិច្ចចុះបង្ក្រាបបទល្មើសនេសាទក្នុងក្រុងក្រចេះ
ក្រចេះ៖សមត្ថកិច្ចចុះបង្ក្រាបឧបករណ៍បទល្មើសនេសាទមួយចំនួនធំ ដែលជនខិលខូចលួចដាក់ ចាប់យកត្រីនៅក្នុងបឹងធម្មជាតិក្នុងក្រុងក្រចេះកាលពីព្រឹកថ្ងៃទី១២ ខែសីហា។ មន្ត្រីសម្ថកិច្ចបានឱ្យដឹងថា នគរបាលប៉ុស្តិ៍រដ្ឋបាលរកាកណ្តាលជាមួយកម្លាំងចម្រុះបានចុះបង្ក្រាបបទល្មើសជលផល នៅព្រែកគង្វាល និងបឹងផ្តៅក្នុងសង្កាត់រកាកណ្ដាល ក្រុងក្រចេះ ។ក្នុងការបង្ក្រាបនេះ កម្លាំងសមត្ថកិច្ចបានដកហូតនូវសម្ភារ និងឧបករណ៍ល្មើសច្បាប់មួយចំនួនដូចជារបាំងស្បៃមុងសាច់ប៉ាក់៣៩ខ្សែ ប្រវែង ១.៥៦០ម៉ែត្រ,លូស្បៃមុង ៤០ម៉ាត់លូ , បង្គោល៥៦០ដើម និងលែងកូនត្រីចម្រុះចូលទៅក្នុងបឹងធម្មជាតិវិញមួយចំនួន។ដោយឡែក ឧបករណ៍នេសាទខុសច្បាប់ខាងលើត្រូវក្រុមការងារដុតបំផ្លាញចោលនៅលើខ្នងទំនប់បឹងរំលាចតែម្តង៕ដោយ៖កាំពី
ឃុំបុរសចិន២នាក់លួចគាស់ទូរដែកលួចសម្ភារនិងលុយជាង២៣ម៉ឺនដុល្លារ
ភ្នំពេញ៖តុលាការភ្នំពេញកាលពីថ្ងៃទី១ ខែតុលាបានឃុំខ្លួណបុរសចិន២នាក់ពីបទលួចគាស់ទូរដែកក្រុមហ៊ុនលក់មាសពេជ្រ“ជីដាយមិន”យកសម្ភារមានតម្លៃនិងលុយជាង២៣ម៉ឺនដុល្លារ។មន្ត្រីអាវុធហត្ថភ្នំពេញបានឱ្យដឹងថា អំពើលួចនេះបានប្រព្រឹត្តក្នុងទីតាំងក្រុមហ៊ុនមួយស្ថិតនៅអគារលេខ B43-B46 កោះពេជ្រ សង្កាត់ទន្លេបាសាក់ ខណ្ឌចម្ការមន កាលពីថ្ងៃទី៥ ខែកញ្ញា កន្លង ។បុរសសង្ស័យឈ្មោះ LIU YANPING អាយុ២៧ ឆ្នាំនិងឈ្មោះ LI ZHANWU អាយុ២៨ ឆ្នាំជា ជាងជួសជុលរថយន្ត។ពួកគេជនជាតិចិនស្នាក់នៅ ខុនដូរម្តុំស៊ូល សង្កាត់ទន្លេបាសាក់ ខណ្ឌចម្ការមន ។ក្រោយស្រាវជ្រាវអស់៣សប្តាហ៍ ទើបចាប់ជនសង្ស័យទាំង២នាក់ជាមួយគ្រឿងអលង្ការខ្សែក មានបណ្តោងដាំត្បូង១ខ្សែ-ក្រវិលដាំត្បូងមួយគូ,-ចិញ្ចៀនដាំត្បូងជុំវិញ១វង់-ចិញ្ចៀន ដាំត្បូង១វង់និងបណ្តោងខ្សែកដាំត្បូងចំនួនទៀត។ក្នុងនោះមានរថយន្ត ម៉ាកហាយឡែនឌ័រ ពណ៌សផ្លាកលេខ ភ្នំពេញ 2AG-9838 -ម៉ាស៊ីនកាត់ដែក១គ្រឿង-ដែកគាស់២ដើម-ម៉ូទ័រកាត់១ -ទូរសព្ទ១គ្រឿងរបស់ជនសង្ស័យដោយមានរូបថតគ្រឿងអលង្កាមួយកញ្ចប់ធំ របស់ជនរងគ្រោះ ដែលរកមិនទាន់ឃើញ៕