កំពង់ចាម៖ព្រឹកថ្ងៃទី៦ ខែមិថុនា ឆ្នាំ២០២៣នេះ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមខេត្តបាននាំយកអំណោយ សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា។អំណោយនេះចែកជូនជនងាយរងគ្រោះ ចាស់ជរា ជនមានពិការភាព ស្ត្រីមេម៉ាយក្រីក្រ អ្នកមានជំងឺប្រចាំកាយ ទ័លលំបាក និងកុមារកំព្រាចំនួន៣០០គ្រួសារ មកពីឃុំផ្តៅជុំ និងឃុំខ្នុរដំបង ក្នុងស្រុកជើងព្រៃ ខេត្តកំពង់ចាម ។ក្នុងឱកាសនោះ អភិបាលខេត្តកំពង់ចាមបានពាំនាំនូវបណ្តាំផ្ញើសួរសុខទុក្ខ ពី សម្ដេចតេជោ ហ៊ុន សែន និងសម្តេចកិត្ដិព្រឹទ្ធបណ្ឌិត ប្រធានកាកបាទក្រហមកម្ពុជា ជូនដល់ប្រជាពលរដ្ឋ ដោយក្តីនឹករលឹក និងអាណិតអាសូរជាទីបំផុត។ដែលជានិច្ចកាល សម្ដេចទាំងទ្វេ តែងតែខ្វល់ខ្វាយគិតគូរ ចំពោះសុខទុក្ខប្រជាពលរដ្ឋគ្រប់រូប។ ពិសេសជនរងគ្រោះ និងជនងាយរងគ្រោះ ដោយមិនរើសអើងប្រកាន់និន្នាការនយោបាយឬសាសនាឡើយ ។សម្តេចតែងបានចាត់តំណាង ឱ្យចុះអន្តរាគមន៍ ជួយសម្រាល ទុក្ខលំបាក បានទាន់ពេលវេលា ស្របតាមទិសស្លោក “កាកបាទក្រហមមាននៅគ្រប់ទីកន្លែង សម្រាប់យើងគ្រប់ៗគ្នា ដោយមិនទុកនរណាម្នាក់ចោលឡើយ”។ឯកឧត្តម អ៊ុន ចាន់ដា បានក្រើនរំលឹកដល់ ប្រជាពលរដ្ឋទាំងអស់សូមបន្តអប់រំណែនាំកូនចៅឱ្យបានយល់ដឹងអំពីសារសំខាន់នៃសន្តិភាព ដែលសម្ដេចតេជោ ហ៊ុន សែន បានខិតខំប្រឹងប្រែងរកបានមកដោយលំបាក។ ដូច្នេះយើងត្រូវអរគុណសន្តិភាព អរគុណសម្ដេចតេជោ ហ៊ុន សែន ។គឺត្រូវប្តេជ្ញាថែរក្សាការពារ មរតកសន្តិភាពសម្ដេចតេជោ ឱ្យបានគង់វង្ស ហើយប្រឆាំងដាច់ខាត រាល់ការប៉ុនប៉ងទាំងឡាយណា ដែលនាំកម្ពុជា វិលទៅរកគ្រោះមហន្តរាយ សារជាថ្មីទៀតនោះ ។គួរបញ្ជាក់ថា អំណោយមនុស្សធម៌ដែលបានផ្តល់ជូនប្រជាពលរដ្ឋ ងាយរងគ្រោះទាំង៣០០គ្រួសារ នាពេលនេះក្នុង១គ្រួសារទទួលបាន-អង្ករ២៥គីឡូក្រាម-ទឹកត្រី១យួរ-មី១កេស-ទឹកស៊ីអ៊ីវ១យួរ-ត្រីខ១០កំប៉ុង ឃីត១កញ្ចប់និងថវិកា៣០.០០០រៀល ។ ក្នុងឱកាសនោះ ឯកឧត្តម អ៊ុន ចាន់ដា ក៏បានអញ្ជើញប្រគេនព្រះចៅអធិការវត្តផ្តៅជុំ នូវអង្ករ១០០គីឡូក្រាម-មី៤កេស-ត្រីខ៤យួរនិងបច្ច័យមួយចំនួន៕ញ៉ែម សុផល
Related Articles
បុរសម្នាក់ខ្យល់គស្លាប់ក្នុងកន្លែងម៉ាស្សានៅស្រុកប្រាសាទបាគង
សៀមរាប៖នៅកន្លែងម៉ាស្សាយីហោឈ្មោះដើមឬស្សីស្រុកស្ថិតនៅឃុំរលួសលិចស្រុកប្រាសាទបាគងមានបុរសម្នាក់បានស្លាប់នៅក្នុងកន្លែងម៉ាស្សាបង្កឱ្យមានការភ្ញាក់ផ្អើលដល់សមត្ថកិច្ចមូលដ្ឋានកាលពីថ្ងៃទី២ខែមីនាឆ្នាំ២០២០។ សមត្ថកិច្ចនគរបាលស្រុកប្រាសាទបាគងបាននិយាយថានៅវេលាម៉ោង៨និង៤០នាទីមានបុរសម្នាក់ឈ្មោះទ្រីឆេងអាយុ៦៥ឆ្នាំរស់នៅភូមិទឹកលិចឃុំបឹងមាលាស្រុកស្វាយលើបានចូលមកម៉ាស្សានៅហាងម៉ាស្សាមួយកន្លែង ស្ថិតនៅឃុំរលួសលិច ស្រុកប្រាសាទបាគងមានយីហោឈ្មោះ ដើមឬស្សីស្រុក ដោយប្រាប់ថាមិនសូវស្រួលខ្លួន។ សមត្ថកិច្ចបានបន្តថាក្រោយពីចូលម៉ាស្សាបានបន្តិចស្រាប់តែជនរងគ្រោះបានបាត់មាត់បាត់កលែងកំរើកខ្លួនតែម្តងបណ្តាលឱ្យភ្ញាក់ដល់សមត្ថកិច្ច។ក្រោយពីកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ ហើយធ្វើកោសល្យវិច្ឆ័យ បានសន្និដ្ឋានថា ជនរងគ្រោះបានស្លាប់ដោយសារខ្យល់គ និងដាច់សរសៃឈាមខួក្បាល៕
នៅខេត្តសៀមរាបរថយន្តជាង២០០គ្រឿងក្នុង១ថ្ងៃចូលត្រួតពិនិត្យលក្ខណៈបច្ចេកទេស
សៀមរាប៖មានរថយន្តជាង២០០គ្រឿងក្នុងមួយថ្ងៃបានចូលមកត្រួតពិនិត្យលក្ខណៈបច្ចេកទេសយានយន្តស្របពេលមានការអនុវត្តការរឹតបន្តឹងច្បាប់ចរាចរណ៍ផ្លូវគោកខណ:អគ្គស្នងការរងនគរបាលជាតិណែនាំកុំទាន់ពិន័យលើករណីលើសសុពលភាព(ឆៀក)។ លោកប៉ែនសូនីប្រធានការិយាល័យដឹកជញ្ជូនផ្លូវគោកនៃមន្ទីរសាធារណការនិងដឹកជញ្ជូនខេត្តសៀមរាបបានបញ្ជាក់ឱ្យដឹងនៅថ្ងៃទី៤ខែឧសភាឆ្នាំ២០២០នេះថាក្នុងមួយថ្ងៃមានរថយន្តជាង២០០គ្រឿងត្រូវបានត្រួតពិនិត្យលក្ខណៈបច្ចេកទេសយានយន្ត នៅមណ្ឌលត្រួតពិនិត្យលក្ខណៈបច្ចេកទេសយានយន្ត ឬហៅថា ឆៀក ស្ថិតក្នុងភូមិជ្រៃឃុំកណ្ដែក ស្រុកប្រាសាទបាគង ខេត្តសៀមរាប ។ លោកបានបន្តថា ចំនួននេះបានកើតមានឡើងចាប់ពីថ្ងៃទី២៧ ខែមេសា រហូតដល់ថ្ងៃទី២ ខែឧសភា ឆ្នាំ២០២០នេះបានបង្កឱ្យរថយន្តមានការកកស្ទះរង់ចាំធ្វើការត្រួតពិនិត្យលក្ខណៈបច្ចេកទេសហើយក្រៅពីប្រជាពលរដ្ឋរស់នៅក្នុងខេត្តសៀមរាបក៏មានប្រជាពលរដ្ឋមកពីតាមបណ្ដាខេត្តនិងរាជធានីភ្នំពេញផងដែរ ។ លោកគីវីរិន្ទប្រធានមន្ទីរសាធារណការនិងដឹកជញ្ជូនខេត្ដសៀមរាបមានប្រសាសន៍ថាស្របពេលនៃការររឹតបន្តឹងច្បាប់ស្ដីពីចរាចរណ៍ផ្លូវគោក ដែលចាប់ផ្ដើមអនុវត្តន៍កាលពីថ្ងៃទី១ ខែឧសភា ឆ្នាំ២០២០នេះ មន្ទីរសាធារណការខេត្ត ក៏ដូចជាមន្ទីររាជធានីខេត្តនៅទូទាំងប្រទេស នឹងខិតខំឱ្យអស់ពីលទ្ធភាព ។ដើម្បីជួយសម្រួលដល់ប្រជាពលរដ្ឋដែលគោរពច្បាប់និងចូលមកទទួលសេវានៅមណ្ឌលត្រួតពិនិត្យលក្ខណៈបច្ចេកទេសយានយន្តខេត្តសៀមរាបនេះ ។ សូមបញ្ជាក់ថា តាមខ្លឹមសារនៃអនុក្រឹត្យលេខ៣៩ អនក្រ.បក ត្រង់ជំពូកទី៣ មាត្រា៧ថ្មី ចំណុចទី៤ បានបញ្ជាក់ថាត្រូវពិន័យអ្នកបើកបររថយន្តធុនស្រាលទឹកប្រាក់ចំនួន១៨០.០០០រៀលនិងអ្នកបើកបររថយន្តធុនធ្ងន់ទឹកប្រាក់ចំនួន៣៧៥.០០០រៀលចំពោះអំពើល្មើសបើកបរដោយគ្មានវិញ្ញាបនបត្រត្រួតពិនិត្យលក្ខណៈបច្ចេកទេសយាន ឬ ប្រើវិញ្ញាបនបត្រត្រួតពិនិត្យលក្ខណៈបច្ចេកទេសហួសសុពលភាព ៕
ភ្ញៀវទេសចរអន្តរជាតិមកកម្ពុជាប្រាំខែបានតែជាង១លាននាក់
ភ្នំពេញ៖តាមតួរលេខជាផ្លូវការពីមន្ត្រីទេសចរណ៍បានឱ្យដឹងនៅថ្ងៃទី៨ខែកក្កដាឆ្នាំ២០២០នេះថាទេសចរអន្តរជាតិមកកម្ពុជាក្នុងសម័យកូវីដ១៩នេះគឺបានតែជាង១លាននាក់ប៉ុណ្ណោះ។ថយចុះជាង៥៩ភាគរយបើធៀបទៅនឹងរយៈពេលដូចគ្នាទៅនឹងឆ្នាំទៅមិញ។ លោកតុបសុភ័ក្រអនុរដ្ឋលេខាធិការក្រសួងទេសចរណ៍និងជាអ្នកនាំពាក្យបានឱ្យដឹងថាទោះបីជាយើងនៅតែបើកចំហរជើងមេឃបើកឱ្យភ្ញៀវអន្តរជាតិមកលេងកម្ពុជាយ៉ាងណាក៏ដោយក៏គ្មានសញ្ញាណាមួយមានភ្ញៀវបរទេសមកដែរ។ អ្វីដែលជាសញ្ញាថាគេអត់មកគឺដោយសារយើងបានចងល័ក្ខណជាប់ទៅលើបញ្ហាកូវីដ១៩ដោយឱ្យគេមក។តែតម្រូវឱ្យគេយកលុយមកដំកល់ទុកក្នុងធនាគាររាប់ពាន់ដុល្លារសម្រាប់ព្យាបាលជំងឺកូវីដ១៩ពេលកើតជំងឺនេះជាយថាហេត្។ត្រូវចូលតាមដានជំងឺនេះ១៤ថ្ងៃថែមទៀត។ នេះជាឧបសគ្គធំដែលគេមិនមកបើជើងមេឃបើកចំហរធំយ៉ាងណាក៏ដោយ។ក៏ប៉ុន្តែមន្ត្រីរូបនេះបានបង្ហើបប្រាប់ថាក្រសួងកំពុងតែរិៈរកវិធីផ្សេងទៀតដើម្បីដោះស្រាយឱ្យភ្ញៀវអន្តរជាតិមកកម្ពុជាបានក្នុងកំរឹតធូស្រាលជាងល័ក្ខណនេះ។ អ្នកនាំពាក្យរូបនេះបានលើកឡើងថាយើងកំពុងរកច្រកមួយទាក់ទងទ្វេរភាគីឫត្រីភាគីរវាងប្រទេសណាមួយដើម្បីឱ្យប្រជាជនគេមកលេងកម្ពុជាហើយប្រជាជនកម្ពុជាអាចទៅលេងប្រទេសនោះបានវិញក្នុងកំរឹតមិនតឹងតែងឫរឹតត្បឹតទៅវិញទៅមក។ បញ្ហានេះក្រសួងកំពុងសិក្សានិងពិចារណាដោះស្រាយក្នុងពេលឆាប់ៗនេះ។ក៏ប៉ុន្តែមន្ត្រីរូបនេះបានសរសើរដល់ទេសចរក្នងស្រុកនិងជនបរទេសដែលបានរស់នៅកម្ពុជាមានសកម្មភាពបានដើរលេងកម្សាន្តនៅតាមរមណីយដ្ឋាននានាជាច្រើនជួយលើកស្ទួយជីវភាពសហគមន៍ទេសចរណ៍បានមួយកម្រិតផងដែរ។ ទោះជាយ៉ាងណាការធ្លាក់ចុះវិស័យទេសចរណ៍និងឱនភាពសេដ្ឋកិច្ចដែលបណ្តាលមកពីវិបត្តិកូវីដនេះមិនមែនមានតែកម្ពុជាជាអត្តនោម័តនោះទេ។វាជាសត្យានុម័តលើសកលលោកទាំងមូលគ្មានប្រទេសណាថាមិនរងផលប៉ះពាល់នោះទេ។ពិសេសផ្នែកឯកជនក្នុងវិស័យនេះបានបាត់ផលប្រយោជន៍យ៉ាងធ្ងន់ធ្ងរ៕ជ.ជឿន