ភ្នំពេញ៖ព្រឹកថ្ងៃទី២០ ខែតុលាឆ្នាំ២០២៣នេះស្ថានភាពទឹកស្ទឹងព្រែកត្នោតបានជន់លិចផិ្ទះពលរដ្ឋ ក្នុងខណ្ឌដង្កោជាង៩០០ខ្នង ត្រូវកម្លាំងអាជ្ញាធរចុះជួយអន្តរាគមន៍។មន្ត្រីអាជ្ញាធរខណ្ឌដង្កោបានឱ្យដឹងថា ស្ថានភាពទឹកជំនន់តាមសណ្តរស្ទឹងព្រែកត្នោត ក្នុង ខណ្ឌ ដង្កោរាជធានីភ្នំពេញគិតត្រឹមព្រឹកថ្ងៃទី២០ ខែតុលានេះបានធ្វើឱ្យសង្កាត់ចំនួន៩មាន៤១ភូមិរងផលប៉ះពាល់។ក្នុងនោះបានជន់លិចផ្ទះ៩៣៣ខ្នងមាន១.០០៥គ្រួសារមនុស្សចំនួន៣.៧២៦នាក់។ប៉ះពាល់ផ្លូវចំនួន១០ខ្សែ-សាលារៀនចំនួន២-មណ្ឌលសុខភាពចំនួនមួយ-វត្ត៣-សាលាសង្កាត់២ និងប៉ុស្តិ៍រដ្ឋបាល២។ប្រភពដដែលបានបន្តថា ទំនប់៧មករានៅខាងមុខទ្វារទឹកមានកម្ពស់៥,៨៥ម៉ែត្រ ខ្ពស់ជាង ទំនប់បង្ហៀរ១,០៥ម៉ែត្រ។កម្ពស់ទឹកខាងក្រោយទ្វារមានកម្ពស់៨,៦៨ម៉ែត្រកើនឡើង០,៩៣ ម៉ែត្រ។កម្ពស់ទឹកក្រោយទ្វារ៧.០០ម៉ែត្រកម្ពស់ទឹកមុខនិងក្រោយទ្វាខុសគ្នា០,១៧ម៉ែត្រ ។ជាមួយនោះកម្លាំងអាជ្ញាធរ-មន្ត្រីជំនាញពាក់ព័ន្ធបានចុះជួយអន្តរាគមន៍ ហើយត្រៀមជម្លៀសប្រជាពលរដ្ឋ-សត្វពាហនៈនិងទ្រព្យសម្បត្តិទៅទីទួលសុវត្ថិភាព បើទឹកនៅតែបន្តហក់ឡើងខ្លាំងទៀត៕
Related Articles
ម៉ូតូបុកគ្នាពេញទំហឹងបណ្តាលឱ្យរបួសធ្ងន់២នាក់ម្នាក់ផុងលលាដ៍ក្បាល
ភ្នំពេញ៖ម៉ូតូបុកជាមួយម៉ូតូពេញទំហឹងបណ្តាលឱ្យមនុស្ស២នាក់រងរបួសធ្ងន់នៅលើផ្លូវជាតិលេខ៦អារ ក្នុងភូមិបាក់ខែង សង្កាត់បាក់ខែង ខណ្ឌជ្រោយចង្វារកាលពីព្រឹកថ្ងៃទី៥ ខែសីហា ។ គ្រោះថ្នាក់ចរាចរណ៍នេះរវាងម៉ូតូម៉ាកហុងដាឌ្រីមអ្នកបើកបរមិនស្គាល់អត្តសញ្ញាណបានបុកជាមួយម៉ូតូម៉ាកនិចបើកបរមានឈ្មោះ ថា មករា ភេទប្រុសអាយុ ១៧ ឆ្នាំនៅ ស្រុកខ្សាច់កណ្តាល ខេត្តកណ្តាល ។មុនពេលកើតហេតុ ម៉ូតូម៉ាកនិចជិះម្នាក់ឯង តាមផ្លូវជាតិលេខ ៦អារ ។មកដល់កន្លែងកើតហេតុមានម៉ូតូម៉ាកហុងឌ្រី ជិះឆ្លងផ្លូវ ស្របពេលនោះម៉ូតូនិច បានវ៉ារថយន្តខាងមុខ ជ្រុលទៅបុក ម៉ូតូឌ្រីមពេញទំហឹង បណ្ដាលឱ្យយុវជនជិះម៉ូតូនិច រងរបួសផុងលលាដ៍ក្បាល។ចំណែកអ្នកជិះម៉ូតូម៉ាកហុងដាឌ្រីម រងរបួសធ្ងន់ ។ ក្រោយកើតហេតុ ជនរងគ្រោះដែលរងរបួសធ្ងន់ធ្ងរ ត្រូវបានសមត្ថកិច្ច ហៅរថយន្ត ដឹកយកទៅសង្គ្រោះបន្ទាន់។ ចំណែកឯម៉ូតូទាំងពីរ គ្រឿងយកទៅរក្សាទុក នៅឯផ្នែកចរាចរណ៍ផ្លូវគោកខណ្ឌជ្រោយចង្វា ដើម្បីរង់ចាំភាគីម្ចាស់ម៉ូតូទាំងសងខាង ចូលខ្លួនដោះស្រាយ ៕ដោយៈយាយពេញ
បញ្ជូនស្រ្តីម្នាក់ទៅតុលាការសង្ស័យបន្លំលួចលុយក្រុមហ៊ុនរាប់សិបម៉ឺនដុល្លារ
ភ្នំពេញ៖កម្លាំងអាវុធហត្ថបានបញ្ជូនស្រ្តីម្នាក់ទៅតុលាការ ករណីសង្ស័យបន្លំលួចលុយរាប់សិបម៉ឺនដុល្លារពីក្រុមហ៊ុនលក់ផ្ទះល្វែង ក្រោមរូបភាពដាក់បន្លំ QR code ។ មន្ត្រីប៉េអឹមក្រុងភ្នំពេញបានឱ្យដឹងថា ស្ដ្រីម្នាក់ជាបុគ្គលិកក្រុមហ៊ុន“បុរីដាយមិនហូម”ត្រូវបាន ចាប់បញ្ជូនទៅតុលាការភ្នំពេញ ពាក់ព័ន្ធករណីសង្ស័យលួចលុយក្រុមហ៊ុនលក់ផ្ទះល្វែងរាប់សិបម៉ឺនដុល្លារ ក្រោមរូបភាពដាក់បន្លំ QR code របស់ខ្លួនពីលើQR code ទម្រង់ដើមរបស់ក្រុមហ៊ុន។ស្ដ្រីសង្ស័យឈ្មោះ ឌឿន ពេជ្ររ៉ា អាយុ៣១ឆ្នាំ ត្រូវកម្លាំងអាវុធហត្ថភ្នំពេញឃាត់ខ្លួនតាមបណ្ដឹងរបស់ជនរងគ្រោះឈ្មោះ កែវ សុម៉ាលីនៅថ្ងៃទី១៩ ខែឧសភាឆ្នាំ២០២៣។ក្នុងបណ្ដឹងជនរងគ្រោះបានបញ្ជាក់ថា កាលពីអំឡុងខែតុលា ឆ្នាំ២០២១ ជនសង្ស័យបានចូលបម្រើការជាបុគ្គលិកផ្នែកលក់នៅក្នុងក្រុមហ៊ុន។ក្រោយមកក្រុមហ៊ុនបានប្រគល់ការងារលក់ផ្ទះចំនួន២ទីតាំង មានប្រមាណជាង៧០០ផ្ទះតម្លៃចាប់ពីជាង៣ម៉ឺនដុល្លារទៅដល់ជាង១០ម៉ឺនដុល្លារឱ្យស្រ្តីសង្ស័យជាអ្នកគ្រប់គ្រង និងលក់ផ្ទាល់ជាមួយអតិថិជន។បន្ទាប់ពីលក់ផ្ទះអស់ជាច្រើនឈ្មោះ ឌឿន ពេជ្ររ៉ា បានប្រមូលលុយពីអតិថិជនអស់ដោយមិនបានប្រគល់ជូនក្រុមហ៊ុនឡើយ ថែមទាំងអនុញ្ញាតឱ្យម្ចាស់ផ្ទះ៥គ្រួសារ ចូលនៅក្នុងបុរីដោយមិនមានការដឹងឮពីម្ចាស់បុរីទៀតផង។ល្បិចប្រមូលលុយពីអតិថិជននោះ ស្ត្រីរូបនេះបានធ្វើវិក័្កយបត្រ័ឯកសារក្លែងនិងដាក់QR code របស់ខ្លួនលើទម្រង់ឯកសារដើមរបស់ក្រមហ៊ុន លើឯកសារក្លែងទើបបន្លំលួចលុយក្រុមហ៊ុនរាប់សិបម៉ឺនដុល្លារបាន។ដោយសារតែទង្វើរបស់ជនសង្ស័យនេះ បានធ្វើឱ្យខូចប្រយោជន៍របស់ជនរងគ្រោះធ្ងន់ធ្ងរ ទើបខាងក្រុមហ៊ុនប្ដឹងសុំឱ្យសមត្ថកិច្ចអនុវត្តតាមច្បាប់តែម្តង៕
រថយន្តបើកលឿនក្រឡាប់នៅស្រុកព្រៃនប់បណ្តាលឱ្យ៤នាក់រងរបួស
ខេត្តព្រះសីហនុ៖រថយន្តលឿនជ្រុលក្រឡាប់ធ្លាក់ផ្លូវជ្រុលទៅបុកដើមឈើបណ្តាលឱ្យមនុស្សប្រុស ស្រី ចំនួន៤នាក់បានរងរបួសធ្ងន់ស្រាល។ករណីនេះកើតឡើងតាមផ្លូវជាតិលេខ៤ចន្លោះគីឡូម៉ែត្រ១៧០និង១៧១ស្ថិតនៅភូមិត្រពាំងគាឃុំជើងគោស្រុកព្រៃនប់ខេត្តព្រះសីហនុ នៅវេលាថ្ងៃត្រង់ថ្ងៃទី ៨ ខែមិថុនា ឆ្នាំ២០២០។ មន្ត្រីនគរបាលបានឱ្យដឹងថា៖រថយន្តបង្កម៉ាកSEINAពណ៌សពាក់ស្លាកលេខភ្នំពេញ2AZ-1169 អ្នកបើកបរ មិនទាន់ស្គាល់អត្តសញ្ញាណមានទិសដៅពីខេត្តព្រះសីហនុ ឆ្ពោះទៅ ភ្នំពេញមានអ្នករួមដំណើរចំនួន៤នាក់ស្រី២នាក់។គ្រោះថ្នាក់នេះបណ្តាលឱ្យរងរបួសមនុស្សចំនួន៤នាក់ស្រី២នាក់។ក្នុងនោះបុរសម្នាក់របួសធ្ងន់ក្រោយកើតហេតុជនរងគ្រោះទាំងអស់បានបញ្ជូនទៅសង្គ្រោះនៅគ្លីនិកមួយនៅផ្សារវាលរេញ ។ ចំណែកអ្នកបើកបររថយន្តរត់គេចខ្លួនបាត់ក្រោយពេលកើតហេតុ។បច្ចុប្បន្នរថយន្តនេះសមត្ថកិច្ចបានយកមករក្សាទុកនៅអធិការដ្ឋាននគរបាលស្រុកព្រៃនប់៕