អន្តរជាតិ៖កងកម្លាំងអ៊ីស្រាអែល បានបង្កើនការវាយលុកយ៉ាងសម្បើម លើទីក្រុង KhanYounis ជាទីក្រុងធំជាងគេបំផុតនៃភាគខាងត្បូងហ្កាហ្សា កាលពីថ្ងៃអង្គារទី៥ខែវិច្ឆិកា។ខណៈជនជាតិប៉ាឡេស្ទីនជាច្រើននាក់ត្រូវបានសម្លាប់និងរងរបួស។ នេះបើតាមការចេញផ្សាយដោយទីភ្នាក់ងារសារព័ត៌មាន Reutersថ្ងៃពុធ ទី៦ ខែធ្នូឆ្នាំ២០២៣។ដោយចាត់ទុកថាជាថ្ងៃប្រយុទ្ធគ្នាដ៏ខ្លាំងបំផុត ក្នុងសង្រ្គាមជើងគោកប្រឆាំងនឹងក្រុមហាម៉ាស់ ចាប់តាំងពីបទឈប់បាញ់ដួលរលំកាលពីសប្ដាហ៍មុនមក។ អ៊ីស្រាអែលបាននិយាយថា កងទ័ពរបស់ខ្លួនដោយមានការគាំទ្រពីយន្ដហោះចម្បាំង បានវាយសម្រុកចូលដល់កណ្ដាលបេះដូងនៃទីក្រុង Khan Younisហើយ និងកំពុងឡោមព័ទ្ធទីក្រុងមួយនេះ។កងទ័ពអ៊ីស្រាអែល ក៏កំពុងប្រយុទ្ធផងដែរជាមួយក្រុមហាម៉ាស់ នៅឯជំរុំជនភៀសខ្លួន Jabaliaទីក្រុងហ្កាហ្សា និងទីក្រុងស៊ូចាយយ៉ា។ ចំណែកកងពលតូច អាល់កសឹម (al Qassam) របស់ក្រុមហាម៉ាស់វិញបានអះអាងថា អ្នកប្រយុទ្ធរបស់ខ្លួនបានកម្ទេច និងធ្វើឱ្យខូចខាតយានយោធាអ៊ីស្រាអែលចំនួន២៤គ្រឿង។ រីឯក្រុម snipers បានបាញ់ទាហានអ៊ីស្រាអែលស្លាប់ និងរបួស៨នាក់ក្នុងការប្រយុទ្ធគ្នានៅទីតាំងជាច្រើនក្នុងទីក្រុង Khan Younis។គួរបញ្ជាក់ថា បើតាមក្រុមមន្ត្រីសុខាភិបាលក្នុងតំបន់ហ្កាហ្សា មនុស្សជាច្រើននាក់ត្រូវបានសម្លាប់នៅក្នុងការវាយប្រហារតាមផ្លូវអាកាសរបស់អ៊ីស្រាអែល លើទីក្រុងដៃអាល់បាឡាស (Deir al-Balah) ស្ថិតនៅភាគខាងជើងទីក្រុង Khan Younis។ជាមួយនោះប្រធានមន្ទីរពេទ្យស៊ូហាដា អាល់អឹកស (Shuhada Al-Aqsa Hospital) ក្នុងទីក្រុងដៃអាល់បាឡាស បានប្រាប់ Reutersថា មនុស្សយ៉ាងហោច៤៥នាក់ត្រូវបានសម្លាប់ ក្នុងការវាយប្រហារ របស់អ៊ីស្រាអែល៕ដោយ៖សហការី
Related Articles
អំពាវនាវដល់កងទ័ពត្រូវចូលរួមការពារសន្តិសុខពេលបោះឆ្នោតនាថ្ងៃខាងមុខ
ឧត្តរមានជ័យ៖អភិបាលខេត្តកំពង់ចាម បានអំពាវនាវដល់កងទ័ពក្នុងអង្គភាពកងពលតូចអន្តរាគមន៍លេខ៦ទាំងអស់ ត្រូវចូលរួមការពារសន្តិសុខ ក្នុងការបោះឆ្នោតនាថ្ងៃខាងមុខ ដើម្បីឱ្យដំណើរការបានទៅដោយរលូន។លោក អ៊ុន ចាន់ដា អភិបាលខេត្តកំពង់ចាម បានថ្លែងក្នុងឱកាស ចុះជួបសំណេះសំណាលសួរសុខទុក្ខជាមួយកងទ័ពសមរភូមិមុខជាអង្គភាពសម្ព័ន្ធមេត្រីក្នុងឱកាសបុណ្យចូលឆ្នាំថ្មីប្រពៃណីជាតិ កាលពីព្រឹកថ្ងៃទី២៦ ខែមីនា។ ក្នុងនោះប្រតិភូក៏បាននាំយកអំណោយចែកជូនកងទ័ពអង្គភាពកងពលតូចអន្តរាគមន៍លេខ៦ ស្ថិតនៅភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ប្រចាំសមរភូមិមុខទិសទី២ព្រំដែនខ្មែរ-ថៃ។អភិបាលខេត្តកំពុងចាមបានបន្តថា វត្តមានថ្នាក់ដឹកនាំខេត្តនាពេលនេះ យោងតាមសេចក្តីសម្រេចរបស់រាជរដ្ឋាភិបាល ក្នុងការរៀបចំឱ្យមានសម្ព័ន្ធមេត្រីភាព រវាងខេត្តកំពង់ចាម ជាមួយកងពលតូចអន្តរាគមន៍លេខ៦ ។ជាមួយនោះបានចុះកិច្ចព្រមព្រៀងតាំងពីសម័យសម្តេចទេពញាណ ហ៊ុន ណេង អតីតអភិបាលខេត្តកំពង់ចាមក្នុងឆ្នាំ២០១០។ លោកអ៊ុន ចាន់ដា បានប្តេជ្ញានឹងបន្តរក្សាប្រពៃណីដ៏ល្អផូរផង់នេះឱ្យនៅគង់វង្ស ក្នុងន័យផ្សារភ្ជាប់រវាងសមរភូមិមុខនិងសមរភូមិក្រោយ។សូមបញ្ជាក់ថា អំណោយដែលនាំមកចែកជូនកងទ័ពក្នុងអង្គភាពកងតូចអន្តរាគមន៍លេខ៦នាពេលនេះ សម្រាប់កសាងអគារមន្ទីរពេទ្យ ជាថវិកាចំនួន៥ម៉ឺនដុល្លារ- ជូនមេបញ្ជាការកងពលធំអន្តរាគមន៍លេខ២ថវិកា១០លានរៀល។ ជូនមេបញ្ជាការកងពលតូចអន្តរាគមន៍លេខ៦ថវិកា៥លានរៀល-មេបញ្ជាការរងកងពលតូចចំនួន១២នាក់ក្នុងម្នាក់ៗថវិកា៤០ម៉ឺនរៀល-ជូននាយទាហាន នាយទាហានរង និងពលទាហានចំនួន១.៤៣១នាក់ក្នុងម្នាក់ៗទទួលបានថវិកា៥ម៉ឺនរៀល។លោក ឌិត ទីណា រដ្ឋមន្ត្រីក្រសួងកសិកម្មបានឧបត្ថម្ភស្រូវពូជ២០តោន និងលោករដ្ឋមន្ត្រីក្រសួងពាណិជ្ជកម្មឧបត្ថម្ភស្រូវពូជ៥តោន។ក្នុងនោះ ឧបត្ថម្ភភេសជ្ជៈចំនួន៤០០កេស-មី៤០០កេស-ម៉ាស់ក្រណាត់៦ម៉ឺនម៉ាស់។ ឧកញ៉ា ហេងឡុង ឧបត្ថម្ភចេកអំបូងលឿង២០០កេស-ឧបត្ថម្ភថ្នាំពេទ្យមួយចំនួន-ស្ករស២០គីឡូក្រាម-ត្រីខ២០កេស-ឆៃប៉ូវ៣០០គីឡូក្រាមនិងពងទាចំនួន២.០០០គ្រាប់៕ញ៉ែម សុផល
គ្រូពេទ្យចិន៦នាក់ស្លាប់និង១.៧០០នាក់ឆ្លងវីរុស
ព័ត៌មានអន្តជាតិ៖មន្ត្រីសុខាភិបាលចិនបាននិយាយកាលពីថ្ងៃសុក្រទី១៤កុម្ភៈថា បុគ្គលិកពេទ្យចិន៦នាក់បានស្លាប់និងជា១.៧០០នាក់បានឆ្លងកូរ៉ូណាវីរុស។នេះវាបង្ហាញពីការប្រឈមខ្ពស់សម្រាប់ពួកវេជ្ជបណ្ឌិតនិងគិលានុបដ្ឋាកគិលានុបដ្ឋាកយិការចំពេលមានរបាយការណ៍អំពីការខ្វះខាតគ្រឿងប្រដាប់ការពារខ្លួនទល់នឹងវីរុសឆ្លងនៅតាមបណ្តាមន្ទីរពេទ្យជួរមុខ។ ការបញ្ចេញតួលេខនេះបានកើតឡើងក្រោយពីសាធារណជនបញ្ចេញកំហឹងតាមបណ្តាញផ្សព្វផ្សាយចំពោះការស្លាប់វេជ្ជបណ្ឌិតម្នាក់ដែលបានចេញការព្រមានមុនគេអំពីវីរុសនេះ។តែត្រូវបានអាជ្ញាធរហៅទៅព្រមានកាលពីខែធ្នូឆ្នាំមុន។ លោកហ្សេង យីស៊ីន អនុប្រធាននៃគណៈកម្មាធិការសុខាភិបាលជាតិចិន បាននិយាយនៅសន្និសីទកាសែតមួយថាបុគ្គលិកវេជ្ជសាស្ត្រ៦នាក់បានស្លាប់និង១.៧១៦នាក់បានឆ្លងនៅក្នុងប្រទេសចិន គិតមកត្រឹមថ្ងៃ១៣កុម្ភៈ។ លោកហ្សេងបានឱ្យដឹងថា ភាគច្រើន ប្រមាណ១.១០០នាក់ ចេញជាជំងឺដែលគេដាក់ឈ្មោះផ្លូវការថាCovid-19 នៅក្រុងវូហាន ដែលជាស្នូលនៃការផ្ទុះវីរុសនេះ។ប្រមាណ៤០០នាក់ទៀត ឆ្លងនៅកន្លែងផ្សេងៗនៅក្នុងខេត្តហ៊ូប៉ី។ ក្នុងពេលជាមួយគ្នា អាជ្ញាធរចិនកំពុងប្រញឹកដៃជើងបញ្ជូនឧបករណ៍ការពារទល់នឹងវីរុសនេះទៅកាន់បណ្តាមន្ទីរពេទ្យក្នុងក្រុងវូហាន កន្លែងដែលវេជ្ជបណ្ឌិតនិងពួកគិលានុបដ្ឋាក គិលានុបដ្ឋាកយិការ ទទួលអ្នកជំងឺហូរចូលដូចទឹកទាំងថ្ងៃទាំងយប់។ពួកគេខ្លះទទួលនិងព្យាបាលអ្នកជំងឺទាំងមិនមានប្រដាប់ការពារខ្លួនត្រឹមត្រូវ ។ កាលពីថ្ងៃព្រហស្បតិ៍រដ្ឋាភិបាលកណ្តាលចិនបានបញ្ជូនបុគ្គលិកពេទ្យយោធាជិត៣ពាន់នាក់ទៀតទៅកាន់មន្ទីរពេទ្យដែលទលបសាងសង់ហើយដើម្បីទទួលអ្នកជម្ងឺCovid-19នៅក្រុងវូហាន។ សូមបញ្ជាក់ថា មនុស្សជាង៦៤.០០០នាក់ហើយបានឆ្លងវីរុសនេះនៅចិន និងជិត១.៥០០នាក់ត្រូវវីរុសនេះសម្លាប់ គិតមកត្រឹមថ្ងៃសុក្រទី១៤កុម្ភៈឆ្នាំ២០២០៕រស្មីកម្ពុជា
បញ្ជូន២នាក់ករណីចែកចាយគ្រឿងញៀនក្នុងបន្ទប់KTVទៅតុលាការ
ភ្នំពេញ៖រសៀលថ្ងៃទី៥ខែមីនា ផ្នែកជំនាញបានបញ្ជូនខ្លួនជនសង្ស័យ២នាក់ ករណីចែកចាយគ្រឿងញៀន ក្នុងបន្ទប់ខារ៉ាអូខេទៅតុលាការដើម្បីអនុវត្តតាមច្បាប់។សមត្ថកិច្ចបានឱ្យដឹងថា កាលពីយប់ថ្ងៃទី២ ខែមីនាឆ្នាំ២០២៣ កម្លាំងនគរបាលរាជធានីភ្នំពេញបានចាប់ជនសង្ស័យ២នាក់។បុរស២នាក់នោះពាក់ព័ន្ធករណី-រក្សាទុក-ដឹកជញ្ជូន-និងចែកចាយដោយខុសច្បាប់នូវសារធាតុញៀន។ពួកគេប្រព្រឹត្តនៅក្លិបKTV J សង្កាត់បឹងត្របែក ខណ្ឌចម្ការមន។ជនសង្ស័យឈ្មោះ ស៊ុន ហេង ហៅធ្មេញ អាយុ១៨ឆ្នាំជាបុគ្គលិកខារ៉ាអូខេ ស្នាក់នៅផ្ទះជួល ភូមិឬស្សី សង្កាត់ស្ទឹងមានជ័យ៣ ខណ្ឌមានជ័យ។ឈ្មោះ នី វិសាល ហៅបែន អាយុ១៨ឆ្នាំជាអ្នកដឹកអីវ៉ាន់អនឡាញ ស្នាក់នៅសង្កាត់ដង្កោ ខណ្ឌដង្កោ។វត្ថុតាងដកហូត-ម៉ូតូម៉ាកហុងដាឌ្រីមផ្លាកលេខភ្នំពេញ 1JF-3567 -សារធាតុញៀនម៉ាក Blue Raspberries ចំនួន២៥កញ្ចប់-ម៉ាកStawberry ចំនួន១៥កញ្ចប់-និងម៉ាក Grape ចំនួន៣៥កញ្ចប់។ក្រោយពីឃាត់ខ្លួននិងសាកសួររួចសមត្ថកិច្ចបានកសាងសំណុំរឿងបញ្ជូនជនសង្ស័យនិងវត្ថុតាងបន្តទៅតុលាការរាជធានីភ្នំពេញ៕