កណ្ដាល៖បុរសម្នាក់ទំនងមានវិបត្តិផ្លូវចិត្តក្នុងគ្រួសារ ស្រាប់តែសម្រេចចិត្តលោតទឹក ពីលើស្ពានព្រែកសំរោងសម្លាប់ខ្លួន។ករណីនេះនេះនៅភូមិក្បាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល កាលពីថ្ងែទី៦ ខែធ្នូឆ្នាំ២០២៣។លុះដល់ថ្ងៃទី៨ ខែធ្នូ អ្នកនេសាទក៏ឃើញសពអណ្តែតលើទន្លេបាសាក់ ក្នុងភូមិក្បាលកោះ ក្រុងតាខ្មៅ។មន្ត្រីមូលដ្ឋានបានឱ្យដឹងថា សពបុរសធ្វើអត្តឃាតឈ្មោះ យិន ដារ៉ាវុធ អាយុ២៤ឆ្នាំជាយោធារៀនសាលាហ្វឹកហ្វឺនឬស្សីកែវ ទីលំនៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ។ ស្ត្រីឈ្មោះ នី ចាន់ថាវី ត្រូវជាម្តាយបានឱ្យដឹងថា កូនរបស់គាត់មានវិបត្តិផ្លូវចិត្តជាមួយគូដណ្តឹងជាច្រើនលើក។នៅថ្ងៃទី៦ខែធ្នូ ឪពុកបានជិះម៉ូតូឌុបកូនប្រុសរូបនេះដោយឱ្យអង្គុយ កណ្តាល។រីឯខ្លួនជាម្តាយអង្គុយក្រោយខណៈពួកគាត់ទើបចេញពីហូបអាហាររួចត្រឡប់ទៅផ្ទះវិញ។មកដល់ពាក់កណ្តាលស្ពានព្រែកសំរោង កូនប្រុសធ្វើជាជ្រុះស្បែកជើង ខ្លួនជាម្តាយក៏ចុះរើស។ស្រាប់តែកូនប្រុសបានរត់ទៅលោតពីលើស្ពានចុះទឹកលិចបាត់តែម្តង។ រហូតដល់ថ្ងៃទី៨ ខែធ្នូ២ថ្ងៃក្រោយ ទើបអ្នកនេសាទប្រទះឃើញ។ក្រោយទទួលព័ត៌មានករណីខាងលើ កម្លាំងនគរបាលក្រុងតាខ្មៅផ្នែកជំនាញបច្ចេកទេស បានចុះពិនិត្យរួចប្រគល់សពឱ្យក្រុមគ្រួសារយកទៅធ្វើបុណ្យ៕
Related Articles
កម្លាំងអាវុធហត្ថចាប់ខ្លួនជនម្នាក់យកពូថៅកាប់គេឱ្យរបួសធ្ងន់
បន្ទាយមានជ័យ៖គ្រាន់តែគេដើរជាន់ស្បែកជើងឱ្យប្រឡាក់ភក់ ជនសង្ស័យម្នាក់ក៏ខឹងយកពូថៅកាប់ទៅលើជនរងគ្រោះបណ្ដាលរងរបួសធ្ងន់ធ្ងន់ហើយរត់គេចខ្លួនបាត់។ហេតុការណ៍កើតឡើងតាំងពីយប់ ថ្ងៃទី៩ ខែសីហា ឆ្នាំ២០២០ នៅចំណុចភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ដោយអនុវត្តដីកាបង្គាប់ឱ្យចាប់ខ្លួនរបស់តុលាការកម្លាំងបានចាប់ខ្លួនជនសង្ស័យកាលពីម៉ោង១២ថ្ងៃត្រង់ ថ្ងៃទី១២ ខែសីហា ឆ្នាំ ២០២០។ គឺលោក វរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថ ក្រុងសិរីសោភ័ណ បានដឹកនាំកម្លាំងចុះស្រាវជ្រាវ និងឃាត់ខ្លួនជនសង្ស័យឈ្មោះ ឡៃ ឡុង ភេទប្រុស អាយុ២៦ឆ្នាំ។ លោកបានបន្តថា ៖ ជនរងគ្រោះឈ្មោះ ម៉ែន សំណាង រស់នៅភូមិឃុំខាងលើ ។ ក្រោយពីសាកសួរចម្លើយ ជនសង្ស័យបានឆ្លើយសារភាពថា ខ្លួនពិតជាបានយកពូថៅកាប់ទៅលើជនរងគ្រោះបណ្ដាលរងរបួសធ្ងន់ដោយសាខ្លួនខឹងជនរងគ្រោះជាន់ស្បែកជើងរបស់ខ្លួនបណ្ដាលឱ្យប្រឡាក់ភក់។អាវុធហត្ថក្រុងបញ្ជូនជនសង្ស័យទៅខេត្តហើយកម្លាំងជំនាញព្រហ្មទណ្ឌអាវុធហត្ថខេត្តកសាងសំណុំរឿងបញ្ជូនមកសាលាដំបូងខេត្តដើម្បីចាត់ការតាមនីតិវិធី ៕
បញ្ជូនមន្ត្រីយោធាម្នាក់សង្ស័យចាប់រំលោភសេពសន្ថវៈកូនស្រីដើមទៅតុលាការ
ក្រចេះ៖កម្លាំងកងរាជអាវុធហត្ថខេត្តក្រចេះកាលពីថ្ងៃទី២២ ខែកក្កដាបានបញ្ជូនមន្ត្រីយោធាស័ក្តិ៤ម្នាក់ទៅតុលាការបន្ទាប់ពីសង្ស័យចាប់រំលោភសេពសន្ថវៈកូនស្រីដើម។ មន្ត្រីអាវុធហត្ថបានឱ្យដឹងថា កាលពីថ្ងៃទី២០ ខែកក្កដាក្មេងស្រីរងគ្រោះអាយុ១៧ឆ្នាំបានរត់ទៅប្តឹងសមត្ថកិច្ចឱ្យជួយអន្តរាគមន៍ ដោយបានអះអាងថា ឱពុកក្រោយរបស់ខ្លួនជាមន្រ្តីយោធាបានចាប់រំលោភនាង។ ក្រោយពីទទួលបានបណ្តឹងកម្លាំងអាវុហត្ថក្រុងក្រចេះបានចុះចាប់បុរសជាឪពុកក្រោយនោះបានភ្លាមៗយកទៅសាកសួរ។ជនសង្ស័យ អាយុ៥០ឆ្នាំនៅក្រុងក្រចេះជាមន្រ្តីយោធាការិយាល័យទី២នៃកងទ័ពជើងគោក។ បន្ទាប់ពីសាកសួរអាវុធហត្ថផ្នែកជំនាញបានកសាងសំណុំរឿងបញ្ជូនជនសង្ស័យខាងលើទៅតុលាការខេត្តក្រចេះដើម្បីចាត់ការតាមនីតិវិធី៕
ស្ត្រីម្នាក់បំបៅកូនៗបន្តកន្ទុយគ្នាដល់អាយុ៥ឆ្នាំព្រោះជឿថាវាជួយឱ្យកូនឈ្នះជំងឺ
អន្តរជាតិ៖ស្ត្រីជាងផាត់មុខម្នាក់ដែលបំបៅកូនដោយទឹកដោះបន្តកន្ទុយគ្នាដោយកូនស្រីម្នាក់ទើបតែលែងដោះនៅអាយុ៥ឆ្នាំ និងកូនស្រីម្នាក់ទៀតអាយុ៤ឆ្នាំនៅបៅរហូតសព្វថ្ងៃនិយាយថាកូនៗ របស់គាត់មានសុខភាពរឹងមាំល្អណាស់ កម្រមានអ្នកណាឈឺណាស់គឺមានតែកូនស្រី ម្នាក់គត់ដែលធ្លាប់ចូលពេទ្យដោយសារបញ្ហាសត្វល្អិត។ អ្នកស្រី ណាតាសា ឃីន (Natasha Keane) វ័យ ៣៨ ឆ្នាំដែលធ្វើការជាមួយជនពិការសរសើរថា ការបំបៅកូនដោយទឹកដោះរយៈពេលវែងជួយឱ្យប្រព័ន្ធភាពសាំរបស់កូនៗគាត់រឹងមាំល្អ ហើយគាត់មិនផ្ដាច់ដោះកូនទេគឺទុកឱ្យកូនលែងដោះដោយខ្លួនឯង។ ដើម្បីសិក្សាស្វែងយល់បន្ថែមអំពីអត្ថប្រយោជន៍ នៃការបំបៅកូនដោយទឹកដោះ ស្ត្រីរូបនេះ បានចូលរួមជាមួយក្រុមស្ត្រីបំបៅកូនដោយទឹកដោះ និងពិគ្រោះយោបល់ជាមួយអ្នកម្ដាយ ផ្សេងទៀត។គាត់ក៏បានអានអត្ថបទផ្សេងៗស្ដីពីប្រធានបទនេះ រួមទាំងអត្ថបទសិក្សាអំពី ទម្លាប់បំបៅកូនដោយទឹកដោះរបស់ថនិកសត្វផ្សេងទៀតផងដែរ។ បូកបញ្ចូលលទ្ធផលស្រាវជ្រាវរបស់ខ្លួន រួមជាមួយព័ត៌មានលើគេហទំព័ររបស់ទីភ្នាក់ងារជាតិ សុខាភិបាលអង់គ្លេស NHS ដែលបញ្ជាក់ថាទឹកដោះម្ដាយជួយឱ្យកូនៗមានប្រព័ន្ធភាពសាំរឹងមាំ ឈ្នះជំងឺនានាផងនោះ គាត់កាន់តែមានភាពជឿជាក់ថា នេះជាវិធីដែលគាត់ត្រូវអនុវត្តបន្ត។ ទន្ទឹមនេះ គាត់ក៏បានរកឃើញដែរថា សូម្បីអង្គការសុខភាពពិភពលោក WHO ក៏បញ្ជាក់ថា ការបំបៅកូនដោយទឹកដោះអាចបន្តបានរហូតដល់កូនអាយុ២ឆ្នាំ ឬច្រើនជាងនេះ៕Rasmei nwes