កណ្ដាល៖បុរសម្នាក់ទំនងមានវិបត្តិផ្លូវចិត្តក្នុងគ្រួសារ ស្រាប់តែសម្រេចចិត្តលោតទឹក ពីលើស្ពានព្រែកសំរោងសម្លាប់ខ្លួន។ករណីនេះនេះនៅភូមិក្បាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល កាលពីថ្ងែទី៦ ខែធ្នូឆ្នាំ២០២៣។លុះដល់ថ្ងៃទី៨ ខែធ្នូ អ្នកនេសាទក៏ឃើញសពអណ្តែតលើទន្លេបាសាក់ ក្នុងភូមិក្បាលកោះ ក្រុងតាខ្មៅ។
មន្ត្រីមូលដ្ឋានបានឱ្យដឹងថា សពបុរសធ្វើអត្តឃាតឈ្មោះ យិន ដារ៉ាវុធ អាយុ២៤ឆ្នាំជាយោធារៀនសាលាហ្វឹកហ្វឺនឬស្សីកែវ ទីលំនៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ។ 
ស្ត្រីឈ្មោះ នី ចាន់ថាវី ត្រូវជាម្តាយបានឱ្យដឹងថា កូនរបស់គាត់មានវិបត្តិផ្លូវចិត្តជាមួយគូដណ្តឹងជាច្រើនលើក។នៅថ្ងៃទី៦ខែធ្នូ ឪពុកបានជិះម៉ូតូឌុបកូនប្រុសរូបនេះដោយឱ្យអង្គុយ កណ្តាល។រីឯខ្លួនជាម្តាយអង្គុយក្រោយខណៈពួកគាត់ទើបចេញពីហូបអាហាររួចត្រឡប់ទៅផ្ទះវិញ។
មកដល់ពាក់កណ្តាលស្ពានព្រែកសំរោង កូនប្រុសធ្វើជាជ្រុះស្បែកជើង ខ្លួនជាម្តាយក៏ចុះរើស។ស្រាប់តែកូនប្រុសបានរត់ទៅលោតពីលើស្ពានចុះទឹកលិចបាត់តែម្តង។ រហូតដល់ថ្ងៃទី៨ ខែធ្នូ២ថ្ងៃក្រោយ ទើបអ្នកនេសាទប្រទះឃើញ។ក្រោយទទួលព័ត៌មានករណីខាងលើ កម្លាំងនគរបាលក្រុងតាខ្មៅផ្នែកជំនាញបច្ចេកទេស បានចុះពិនិត្យរួចប្រគល់សពឱ្យក្រុមគ្រួសារយកទៅធ្វើបុណ្យ៕
