ភ្នំពេញ៖ផ្នែកជំនាញកំពុងបន្តនីតិវិធី បន្ទាប់ពីអ្នកបើករថយន្ត ម៉ាកHummer បើកបុកម៉ូតូបណ្តាលឱ្យម្តាយកូនស្លាប់ និងប្តីរងរបួសធ្ងន់នាពេលកន្លងទៅ បានចូលសារភាពកំហុស នៅស្នងការដ្ឋាននគរបាលរាជធានីភ្នំពេញ កាលពីថ្ងៃទី២៩ ខែធ្នូ។លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញបានឱ្យដឹងថា ជនបង្កដែលជាអ្នកបើករថយន្ដ Hummer ឈ្មោះ យ៉េត ច័ន្ទគ្រិះស្នា អាយុ២៧ឆ្នាំ ស្នាក់នៅភូមិ/សង្កាត់អូរបែកក្អម ខណ្ឌសែនសុខ។ ក្រោយចូលមកសារភាពកំហុស នៅពេលនេះមន្ត្រីនគរបាលជំនាញ កំពុងកសាងសំណុំរឿងដើម្បីបញ្ជូនទៅតុលាការរាជធានីភ្នំពេញ ដើម្បីចាត់ការតាមច្បាប់។គួររំលឹកថា ករណីគ្រោះថ្នាក់ចរាចរណ៍ រវាងរថយន្តនិងម៉ូតូ កាលពីរំលងអធ្រាត្រចូលថ្ងៃទី២៥ ខែធ្នូនៅផ្លូវព្រះស៊ីសុវត្ថិ ស្ថិតក្នុងសង្កាត់ស្រះចក ខណ្ឌដូនពេញ ហើយរថយន្ដបានបើកគេចបាត់។ម៉ូតូជនរងគ្រោះម៉ាក NEX ផ្លាកលេខព្រៃវែង1Q-7635 ជិះគ្នា៣នាក់ ដោយមានប្ដីប្រពន្ធ និងកូនអាយុ២ឆ្នាំ។ចំណែករថយន្តបង្កសាក្សីស្គាល់ម៉ាកHummer បានបុកម៉ូតូចំពីខាងក្រោយពេញទំហឹង។គ្រោះថ្នាក់ចរាចរណ៍នេះ បណ្ដាលស្ត្រីម្នាក់ស្លាប់ឈ្មោះ គ្រួចសាមិត្ត អាយុ២០ឆ្នាំ កូនអាយុ២ឆ្នាំស្លាប់ជាមួយម្តាយ។រីឯប្តីត្រូវបានបញ្ជូនទៅមន្ទីរពេទ្យកាល់ម៉ែត ដើម្បីសង្គ្រោះបន្ទាន់។ជនរងគ្រោះនៅភូមិដីថុយ ឃុំដីថុយ ស្រុកបាភ្នំ ខេត្តព្រៃវែង៕
Related Articles
មន្ត្រីបរិស្ថានចុះចាប់សាច់សត្វព្រៃរឹបអូសបានជាច្រើនគីឡូក្រាម
ស្ទឹងត្រែង៖នៅព្រឹកថ្ងៃទី៨ ខែតុលាឆ្នាំ២០២២នេះមន្ត្រីបរិស្ថានបានចុះបង្ក្រាបនិងរឹបអូសសាច់សត្វព្រៃនៅផ្សារសាមគ្គីក្រុងស្ទឹងត្រែងបានជាច្រើនគីឡូក្រាម។មន្ត្រីចុះប្រតិបត្តិការបានឱ្យដឹងថា ករណីនោះចាប់បានតែសាច់សត្វព្រៃតែប៉ុណ្ណោះ។ចំណែកអ្នកលក់បានដឹងខ្លួនគេចបាត់ពេលឃើញមន្ត្រីបរិស្ថានចុះទៅក្នុងផ្សារ។គេគ្រាន់តែដឹងថាក្រុមអ្នកលក់សត្វព្រៃទាំងនោះគឺជាមុខសញ្ញាចាស់ដែលសមត្ថកិច្ចចុះបង្ក្រាបជាច្រើនដងកន្លងមក។ក្រោយពេលចុះបង្ក្រាបភ្លាមមន្ត្រីបរិស្ថានមិនទាន់បង្ហាញពីចំនួននៃការរឹបអូសសាច់សត្វនៅឡើយទេ។តែបានបញ្ជាក់ថានឹងយកទៅរៀបចំដុតកម្ទេចចោលដើម្បីជាការព្រមានកុំឱ្យមានអ្នកជួយដូរសត្វព្រៃខុសច្បាប់បន្តទៀត៕ដោយ:សុខុម
អាជ្ញាធរខេត្តចុះពិនិត្យស្ពានដែលរងការខូចខាតខ្ទេចអស់ដោយភ្លើងឆេះព្រៃ
ព្រះវិហារ៖កាលពីព្រឹកថ្ងៃទី២៣ខែកុម្ភៈឆ្នាំ២០២០លោកប្រាក់សុវណ្ណអភិបាលខេត្តអមដំណើរដោយលោកគោស៊ុប៊ុនសឿតអភិបាលរងខេត្ត,លោកទែនសារុំសមាជិកក្រុមប្រឹក្សាខេត្ត,លោកឧត្តមសេនីយ៍ទោសួសសុខដារ៉ាស្នងការនគរបាលខេត្ត។ លោកសំលាងទ្រីប្រធានមន្ទីរសាធារណការនិងដឹកជញ្ជូនខេត្ត។ព្រមទាំងអជ្ញាធរស្រុកសង្គមថ្មីនិងស្ថាបនពាក់ព័ន្ធនានាបានអញ្ជើញចុះពិនិត្យមើលដោយផ្ទាល់ដល់ទីតាំងស្ពានស្ទឹងស្តៅដែលរងការឆេះដោយសារភ្លើងឆេះព្រៃរាល។ អភិបាលខេត្តបានបញ្ជាទៅលោកប្រធានមន្ទីរសាធារណការនិងដឹកជញ្ជូនខេត្តត្រូវសាងសង់ស្ពាននេះជាបណ្តោះអាសន្នឡើងវិញជាបន្ទាន់។បន្ទាប់ពីទទួលបានបទបញ្ជាពីលោកអភិបាលខេត្តលោកសំលាងទ្រីបានចាត់ក្រុមការងារចុះមកសិក្សាដើម្បីសាងសង់ស្ពាននេះឡើងវិញឯឈើក៏ត្រូវបានដឹកជញ្ជូនមកកាន់ទីនេះដែរ។ សូមបញ្ជាក់ថាស្ពានស្ទឹងស្តៅនេះគឺជាស្ពានដែលមានសភាពចាស់ទ្រុឌទ្រោមណាស់ទៅហើយអជ្ញាធរខេត្តក៏គ្រោងនិងសាងសង់ស្ពានដែកបាឡេក្នុងពេលឆាប់ៗនេះ។ស្ពានស្ទឹងស្តៅនេះគឺជាស្ពានសហគមន៍របស់ប្រជាពលរដ្ឋមិនមែនជាស្ពានរបស់លោកបេនដេវីសនោះទេ។បើគិតពីស្ពាននេះទៅផ្ទះលោកបេនគឺមានចម្ងាយជាង១០គីឡូម៉ែត្រឯណោះ៕សៅវ៉ាន់ឌី
អតីតនិស្សិតកសិកម្មម្នាក់យកចំណេះដឹងមកអនុវត្តអាចរកចំណូលបានជាងមួយពាន់ដុល្លារក្នុងមួយខែ
កំពត៖ អតីតនិស្សិតសាកលវិទ្យាល័យភូមិន្ទកសិកម្មម្នាក់ក្រោយរៀនចប់បានយកចំណេះដឹង មកអនុវត្តនៅស្រុកកំណើតរបស់ខ្លួនរហូតទទួលបានជោគជ័យដោយអាចរកប្រាក់ចំណូលបានជាង១.០០០ដុល្លារក្នុងមួយខែៗ។ កញ្ញាណេត ស្រីនួន កសិកររស់ក្នុងឃុំបឹងនិមល ស្រុកឈូកបានឱ្យដឹងថា៖កញ្ញាជាអតីតនិស្សិតនៃសាកលវិទ្យាល័យភូមិកសិកម្មចម្ការដូងដែលបានបញ្ចប់ការសិក្សានៅ២០១៦។ ដោយមិនមានបំណងទៅធ្វើការឱ្យគេទេ កញ្ញាបានសម្រេចចិត្តវិលត្រឡប់មកស្រុកកំណើរវិញដើម្បីជួយបង្ហាត់បង្រៀនដល់អ្នកភូមិ និងអនុវត្តទ្រឹស្តីនៃការចិញ្ចឹមសត្វដូចដែលបានរៀននៅសាលា។ អតីតនិស្សិតរូបនេះបានបញ្ជាក់ថា ដំបូងឡើយ នាងបានចាប់ផ្តើមចិញ្ចឹមមាន់ចំនួន៥០ក្បាលជាការសាកល្បង។ ពីមួយខែទៅមួយខែការខិតខំប្រឹងប្រែងរបស់កញ្ញាបានលេចចេញជាលទ្ធផលដោយត្រឹមរយៈពេលពីរឆ្នាំនាងអាចពង្រីកការចិញ្ចឹមមាន់បានរហូតជាង៣.០០០ក្បាល។ ជាមួយនោះកញ្ញាក៏បានបន្ថែមការចិញ្ចឹមសត្វជាច្រើនប្រភេទទៀតដោយអាចរកប្រាក់ចំណូលបានសមរម្យសម្រាប់ក្រុមគ្រួសារ។ កញ្ញាណេត ស្រីនួនបានបន្តថា ការចិញ្ចឹមសត្វមិនត្រឹមអាចជួយទ្រទ្រង់ជីវភាពគ្រួសារឱ្យបានហូបចុកគ្រប់គ្រាន់ប៉ុណ្ណោះទេ។ ប៉ុន្តែនេះជា មុខរបរដែលធ្វើឱ្យគ្រប់គ្រួសារទទួលបានភាពរីកចម្រើនទៀតផង ប្រសិនបើមានការយកចិត្តទុកដាក់ចិញ្ចឹម ពិតប្រាកដនោះ។ អតីតិស្សិតដដែលបានបញ្ជាក់ថា ជាមួយនឹងការចិញ្ចឹមសត្វដោយខ្លួនឯង កញ្ញាក៏ ជួយបង្ហាត់បង្រៀនរហូតអ្នកភូមិមួយចំនួនអនុវត្តបានផលល្អប្រសើរនូវការចិញ្ចឹមមាន់ ទា ត្រី កង្កែប អាចរកប្រាក់ចំណូលគាប់ប្រសើរគ្រប់ក្រុមគ្រួសារផងដែរ។ តទៅ នាងនឹងពង្រីកការចឹញ្ចឹមសត្វឱ្យកាន់តែច្រើនតាមលទ្ធភាពដោយបច្ចុប្បន្នកញ្ញាអាចរកបា្រក់ចំណូលប្រចាំខែបានជាង១.០០០ដុល្លារជាទៀងទាត់។ កញ្ញា ណេត ស្រីនួន បានប្រាប់ឱ្យដឹងផងដែរថា៖ ក្រៅពីជំនាញចិញ្ចឹម នាងក៏អាចផលិតចំណី និងវ៉ាក់សាំងចាក់សត្វ ព្រមទាំងមានបច្ចេកទេសដាំដំណាំហូបផ្លែផ្សេងៗ ដូចជា ដូង ខ្នុរ ទុរេនជាដើម៕ឌីណា