ព័ត៌មានអន្តរជាតិ៖ព្រះរាជពិធីរៀបអភិសេករបស់ព្រះអង្គម្ចាស់ Abdul Mateen និងព្រះមហេសី Anisha Isa Kalebic បានបន្តជាមួយនឹងព្រះរាជពិធីប្រទានប្រេងម្សៅ royal powdering ceremony នៅព្រះវិហារ Sultan Omar Ali Saifuddien ក្នុ្ងងវិមានប្រណីត Nurul Iman រដ្ឋធានីប្រ៊ុយណេនៅថ្ងៃទី១១ ខែមករាឆ្នាំ២០២៤។ព្រះរាជពិធីមង្គលការរបស់ព្រះអង្គម្ចាស់ Mateen និងគូដណ្តឹងរបស់ព្រះអង្គត្រូវបានប្រារព្ធឡើងយ៉ាងឱឡារិក ដោយមានព្រះមហាក្សត្រធ្វើជាអធិបតី។ក្នុងពិធីនេះការសម្តែងនូវទំនៀមទម្លាប់ និងទំនៀមទម្លាប់របស់ស្តេចប្រ៊ុយណេ ដែលមានអាយុកាលរាប់សតវត្សមកហើយ។ ជាពិសេស ព្រះអង្គម្ចាស់ Mateen និងភរិយា បានបង្កការភ្ញាក់ផ្អើលក្រោយទ្រង់បានបង្ហាញខ្លួនក្នុងឈុតប្រពៃណីរបស់ប្រ៊ុយណេ ជាមួយនឹងរូបរាងដ៏ទាក់ទាញ។ យោងតាមសេចក្តីប្រកាសផ្លូវការ ព្រឹត្តិការណ៍ដ៏សំខាន់នេះរបស់ព្រះអង្គម្ចាស់នៃប្រទេសប្រ៊ុយណេ និងព្រះមហេសីនឹងបញ្ចប់ជាផ្លូវការនៅថ្ងៃទី១៦ ខែមករា៕ដោយ៖សហការី
Related Articles
អ៊ីស្រាអែលត្រៀមចរចា ដោះលែងចំណាប់ខ្មាំង ក្រោមការសម្របសម្រួល ពីប្រទេសទី៣
ព័ត៌មានអន្តរជាតិ៖នាយករដ្ឋមន្ត្រីអ៊ីស្រាអែលលោក Benjamin Netanyahu បានបញ្ជាក់ថា អ៊ីស្រាអែលកំពុងធ្វើការដើម្បីដោះលែង ចំណាប់ខ្មាំងទាំងអស់វិញ ដោយប្រទេសកាតា និងអេហ្ស៊ីប បានដាក់សំណើ២ដាច់ដោយឡែកពីគ្នា ដើម្បីជំរុញលើបញ្ហានេះ។លោកនាយករដ្ឋមន្ត្រីបាននិយាយថា យើងកំពុងរក្សាទំនាក់ទំនងនៅពេលនេះ ខណៈលោក បានប្រាប់ក្រុមគ្រួសារចំណាប់ខ្មាំងថា “ខ្ញុំមិនអាចលម្អិតអំពីស្ថានភាពនៃកិច្ចពិភាក្សានេះបានទេ។យើងកំពុងធ្វើការដើម្បីប្រគល់ពួកគេទាំងអស់ ហើយនេះជាគោលដៅរបស់យើង”។គួរបញ្ជាក់ថា កិច្ចប្រជុំជាមួយក្រុមគ្រួសារចំណាប់ខ្មាំង បានធ្វើឡើងមុនកិច្ចប្រជុំគណៈរដ្ឋមន្ត្រីសង្គ្រាម ដើម្បីពិភាក្សាលើសំណើរបស់កាតា និងអេហ្ស៊ីបដើម្បីសម្រុះសម្រួលក្នុងជម្លោះអ៊ីស្រាអែល-ហាម៉ាស់៕ដោយ៖សហការី
អ៊ីស្រាអែលផ្តើមបូមទឹកសមុទ្រ បញ្ចូលក្នុងផ្លូវក្រោមដីរបស់ក្រុមហាម៉ាស់ នៅតំបន់ហ្គាហ្សា
អន្តរជាតិ៖កងទ័ពអ៊ីស្រាអែលបានចាប់ផ្តើមបូមទឹកសមុទ្រ បញ្ចូលក្នុងផ្លូវក្រោមដីរបស់ក្រុម ហាម៉ាស់ក្នុងតំបន់ហ្គាហ្សាស្ទ្រីប។ តាមសារព័ត៌មាន The Telegraph កងកម្លាំងការពារអ៊ីស្រាអែល IDF បានបង្កើតម៉ាស៊ីនបូមទឹកចំនួន៥ ដើម្បីឱ្យជន់លិចបណ្តាញផ្លូវរូងក្រោមដី ដែលក្រុមហាម៉ាស់កំពុងលាក់ខ្លួន និងចាប់ចំណាប់ខ្មាំង។ កាលពីថ្ងៃទី១២ខែធ្នូ មន្ត្រីអាមេរិកបាននិយាយថា ប្រតិបត្តិការបានចាប់ផ្តើម ហើយអាជ្ញាធរអាមេរិកបានទទួលការជូនដំណឹងថា ដំណើរការបូមទឹកសមុទ្រអាចចំណាយពេលច្រើនសប្តាហ៍។ នៅពេលសួរអំពីព័ត៌មាននេះ ឧត្តមសេនីយ៍ឯក Herzi Halevi ប្រធានបុគ្គលិក IDF បាននិយាយនៅក្នុងសន្និសីទសារព័ត៌មានថា យុទ្ធសាស្ត្របែបនេះនឹងក្លាយជាគំនិតដ៏ល្អមួយ។លោក Halevi បានបន្ថែមថា “យើងកំពុងឃើញហេដ្ឋារចនាសម្ព័ន្ធក្រោមដីជាច្រើននៅហ្គាហ្សា យើងដឹងថានឹងមានច្រើន។ ផ្នែកមួយនៃគោលដៅគឺបំផ្លាញហេដ្ឋារចនាសម្ព័ន្ធនេះ។ យើងមានវិធីផ្សេងគ្នាជាច្រើនដើម្បីដោះស្រាយជាមួយផ្លូវរូងក្រោមដី។ ខ្ញុំនឹងមិននិយាយលម្អិតទេ។ ប៉ុន្តែវិធីមួយចំនួនរួមមានការប្រើគ្រឿងផ្ទុះសម្រាប់ការបំផ្លិចបំផ្លាញ និងមធ្យោបាយផ្សេងទៀតដើម្បីរារាំងសមាជិកក្រុមហាម៉ាស់ពីការប្រើផ្លូវរូងក្រោមដីដើម្បីធ្វើបាបទាហានរបស់យើង”។ តាមសារព័ត៌មាន Al Jazeera គ្មាននរណាម្នាក់លើកលែងតែក្រុម Hamas ដឹងច្បាស់អំពីរបៀបដែលផ្លូវរូងក្រោមដីត្រូវបានរៀបចំឡើង។ ប៉ុន្តែវីដេអូជាច្រើនបង្ហាញថា បណ្តាញនេះមានសោមិនជ្រាបទឹក។ ដូច្នេះវាអាចទៅរួចដែលក្រុមហាម៉ាស់អាចការពារផ្នែកខ្លះនៃបណ្តាញជាមួយនឹងវិធីបិទផ្នែកផ្លូវរូងក្រោមដី។ ផែនការបូមទឹកសមុទ្ររបស់អ៊ីស្រាអែលក៏មិនងាយស្រួលអនុវត្តដែរ។ វានឹងត្រូវការទឹកប្រហែល ២លានលីត្រដើម្បីជន់លិចផ្លូវរូងក្រោមដី១គីឡូម៉ែត្រ ដោយផ្អែកលើការសន្មត់ថា ផ្លូវរូងក្រោមដីមានកម្ពស់២ម៉ែត្រនិងទទឹង១ម៉ែត្រ៕ដោយ៖សហការី
រាជរដ្ឋាភិបាលគ្រោងបង្កើតតំបន់សេដ្ឋកិច្ចពិសេសនៅផ្លូវជាតិលេខ៦ស្រុកជើងព្រៃ
កំពង់ចាម៖រាជរដ្ឋាភិបាលគ្រោងនឹងបង្កើតតំបន់សេដ្ឋកិច្ចពិសេស ដែលមានឈ្មោះ“ជាំងស៊ូ”នៅផ្លូវជាតិលេខ៦ ក្នុងស្រុកជើងព្រៃ ខេត្តកំពង់ចាម។ លោកបណ្ឌិត ហ៊ុន ម៉ាណែត បានថ្លែងថា រាជរដ្ឋាភិបាលគ្រោងនឹងបង្កើតតំបន់សេដ្ឋកិច្ចពិសេសឈ្មោះ “ជាំងស៊ូ”នៅផ្លូវជាតិលេខ៦ ស្ថិតក្នុងស្រុកជើងព្រៃ។គម្រោងនេះនឹងអាចស្រូបកម្លាំងពលកម្មប្រមាណ៥ម៉ឺន នាក់នាពេលខាងមុខ។លោកបណ្ឌិតដែលជាតំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធ ប៊ុន រ៉ានី ហ៊ុន សែន បានថ្លែងដូច្នេះ នៅក្នុងឱ្យកាសដែលលោកបានអញ្ជើញចូលរួមជាអធិបតី ក្នុងពិធីបញ្ចុះខណ្ឌសីមា ពុទ្ធាភិសេក និងសម្ពោធដាក់ឱ្យប្រើប្រាស់នូវសមិទ្ធផលនានា ក្នុងវត្តសែនមនោរម្យ ហៅវត្តចាស់ ក្នុងស្រុកកងមាស និងនៅចំពោះមុខប្រជាពលរដ្ឋចូលរួមប្រមាណជាង៦.០០០ នាក់កាលពីថ្ងៃទី ២២ ឧសភា។លោកបណ្ឌិតបានបន្តថា បច្ចុប្បន្នគម្រោងពង្រីកផ្លូវជាតិលេខ៧ បាននិងកំពុងដំណើរការ។ ប៉ុន្តែនៅពេលខាងមុខ រាជរដ្ឋាភិបាលគ្រោងនឹងបង្កើតតំបន់សេដ្ឋកិច្ចពិសេស“ជាំងស៊ូ”នៅផ្លូវជាតិលេខ៦ ក្នុងស្រុកជើងព្រៃ នឹងបង្កើតនូវឱកាសឧស្សាហកម្មរោងចក្រ សហគ្រាសផ្សេងៗ។ក្នុងនោះនឹងបង្កើតជារោងចក្រកាត់ដេរ ដែលមានគុណភាពកម្រិតខ្ពស់ រោងចក្រដំឡើងរថយន្ត រោងចក្រផលិតអគ្គិសនី រោងចក្រផ្សេងៗ ជាច្រើនទៀត… ដែលអាចស្រូបយកកម្លាំងពលកម្មប្រមាណ៥ម៉ឺននាក់ ជាពិសេសស្រូបយកអ្នកខេត្តកំពង់ចាមនេះច្រើនជាងគេ៕ដោយ៖សម្បត្តិ