មណ្ឌលគិរី៖បុរសជនជាតិដើមភាគតិចព្នងម្នាក់ បានចុះជួយយកបាល់ដែលក្មេងៗលេងធ្លាក់ចូលក្នុងទឹក បណ្តាលឱ្យលង់ស្លាប់ខ្លួនឯង។ហេតុការណ៍បានកើតឡើងនៅម្តុំទំនប់សែនសុខដុម ហៅទំនប់លើ ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី កាលពីល្ងាចថ្ងៃទី២១ ខែមករាឆ្នាំ២០២៤។មន្ត្រីមូលដ្ឋានបានឱ្យដឹងថា បុរសបាត់បង់ជីវិតឈ្មោះ ដែន ទង អាយុ២៣ឆ្នាំជនជាតិដើមភាគតិច ព្នងនៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី។មុនកើតហេតុជនរងគ្រោះបានឈរមើលក្មេងលេងបាល់។លុះពេលបាល់ធ្លាក់ចូលទឹកក៏ចុះហែលជួយយកបាល់ឱ្យក្មេងៗ។ ពេលយកបាល់បានហើយក៏ហែលទឹកមកច្រាំងវិញ ស្រាប់តែលង់ទឹក បណ្ដាលឱ្យស្លាប់ មិនអាចមាននរណាជួយទាន់ឡើយ។ក្រោយពីមានមនុស្សលង់ទឹក កម្លាំងនគរបាលក្រុងសែនមនោរម្យ បានសហការជាមួយកម្លាំងប៉ុស្ដិ៍នគរបាលរដ្ឋបាលសុខដុម ចុះពិនិត្យសាកសព។បន្ទាប់ពិនិត្យរួច សមត្ថកិច្ចបានបញ្ជាក់ថា ជនរងគ្រោះពិតជាលង់ទឹកស្លាប់ប្រាកដមែន ដោយមិនមានពាក់ព័ន្ធករណីផ្សេងទេ។ក្នុងគ្រានោះក៏មានវត្តមានលោកឧត្តមសេនីយ៍ស្នងការ នគរបាលខេត្តមណ្ឌលគិរី លោកបានជួយឧបត្ថម្ភទឹកប្រាក់ដល់អ្នកចុះជួយស្រង់សព ជនរងគ្រោះចំនួន១០០ដុល្លារ និងលោកអភិបាលក្រុងសែនមនោរម្យ បានឧបត្ថម្ភទឹកប្រាក់ចំនួន២០ម៉ឺនរៀលដែរ៕
Related Articles
សហគមន៍កសិកម្មសាមគ្គីភ្នំពេជ្របូរីធ្វើសន្និបាតបូកសរុបលទ្ឋផលការងារប្រចាំឆ្នាំ
ព្រះវិហារ៖កាលពីព្រឹកថ្ងៃទី២៤ខែកុម្ភៈឆ្នាំ២០២០សហគមន៍កសិកម្មសាមគ្គីភ្នំពេជ្របូរីស្ថិតនៅឃុំភ្នំពេជ្រស្រុកគូលែនខេត្តព្រះវិហារបានរៀបចំមហាសន្និបាតបូកសរុបលទ្ឋផលការងារប្រចាំឆ្នាំ២០១៩និងលើកទិសដៅផែនការ
បញ្ជូនអ្នកបាញ់បោះក្នុងហាងផឹកស៊ី២នាក់ទៅកាន់តុលាការ
ភ្នំពេញ៖សមត្ថកិច្ចបានបញ្ជូនបុរសពីរនាក់ ដែលប្រើប្រាស់អាវុធខ្លីគ្មានច្បាប់ បាញ់បោះសេរីនៅក្នុងហាងផឹកស៊ីមួយកន្លែង ជិតស្ពានអាកាសក្បាលថ្នល់ ទៅតុលាការភ្នំពេញដើម្បីចាត់ការតាមច្បាប់។ ជនសង្ស័យមានឈ្មោះកែម គន្ធប័ននឺ អាយុ៣១ ឆ្នាំ មុខរបរលក់ដូរ ស្នាក់នៅផ្ទះលេខ១៦៨ ផ្លូវលេខ១៣៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ និងឈ្មោះគីម សម្បត្តិ ហៅ សម្បត្តិ រ៉ាឆៃ អាយុ៣៦ ឆ្នាំ មុខរបរជាងឈើ ស្នាក់នៅផ្ទះលេខ៣៣៤ ផ្លូវលំ សង្កាត់និរោធ ខណ្ឌច្បារអំពៅ រាជធានីភ្នំពេញ។ សូមបញ្ជាក់ថា យប់ថ្ងៃទី១៤ កក្កដា មានករណីផ្ទុះអាវុធមួយនៅហាងផឹកស៊ីជិតស្ពានអាកាសក្បាលថ្នល់ រួចអ្នកបាញ់បានគេចខ្លួន។ លុះដល់ល្ងាចថ្ងៃទី១៥កក្កដា សមត្ថកិច្ចចាប់បានអ្នកបាញ់២នាក់ នៅសណ្ឋាគារសេវិនដេ សង្កាត់អូឡាំពិក ខណ្ឌបឹងកេងកង និងដកហូតបានអាវុធខ្លីម៉ាកK59 ពណ៌ទឹកមាស១ដើមគ្មានលិខិតប្រើប្រាស់។ នៅថ្ងៃទី១៨ កក្កដា សមត្ថកិច្ចបានបញ្ជូនជនសង្ស័យទាំងនោះទៅអយ្យការអមតុលាការ ភ្នំពេញ។ប៉ុន្តែនៅពេលសាកសួររួច តំណាងអយ្យការមិនទាន់បានចោទប្រកាន់ទេ ដោយបង្គាប់ឲ្យសមត្ថកិច្ចយកទៅវិញ ហើយតម្រូវឲ្យនាំខ្លួនពួកគេទៅតុលាការម្តងទៀតនៅថ្ងៃទី១៩កក្កដាឆ្នាំ២០២១៕
រថយន្តបុកជាមួយរថយន្តបណ្តាលឱ្យស្លាប់ម្នាក់របួសធ្ងន់ម្នាក់
បាត់ដំបង៖មានគ្រោះថ្នាក់ចរាចរមួយរវាងរថយន្តពីរគ្រឿងបុកគ្នាបណ្តាលឱ្យបុរសម្នាក់ស្លាប់និងម្នាក់ទៀតរងរបួសធ្ងន់។ហេតុការណ៍នេះបានកើតឡើងនៅចំណុចផ្លូវជាតិលេខ៥ស្ថិតក្នុងក្រុមទី៥ភូមិអូគ្រៀត ឃុំគារស្រុកមោងឫស្សីខេត្តបាត់ដំបងកាលពីព្រឹកទី២៣ ខែកុម្ភ: ២០២០ ។ សមត្ថកិច្ចបានឱ្យដឹងថា រថយន្តម៉ាកស្តារេច ប្រភេទដឹកអ្នកដំណើរ ពាក់ស្លាកលេខ ព្រះសីហនុ 2A-7130អ្នកបើកបរឈ្មោះគង់ឌឿនភេទប្រុសអាយុ៣៦ឆ្នាំរស់នៅភូមិពន្លៃឃុំសន្លុងស្រុកទ្រាំងខេត្តតាកែវបានស្លាប់។អ្នករួមដំណើរម្នាក់ឈ្មោះប៉ិចប្រុសភេទប្រុសអាយុ៣០ឆ្នាំនៅខេត្តពោធិ៍សាត់រងរបួសធ្វើដំណើរមកពីបាត់ដំបងទៅភ្នំពេញ។ សមត្ថកិច្ចបានបន្តថាមកដល់ចំណុចកើតហេតុបានបុករថយន្ត១គ្រឿងម៉ាកនីសាន់ធុនដឹកជញ្ជូនធំពាក់ស្លាកលេខចង្កូតស្ដាំBB0244សណ្ដោងស៊ឺមីរឺម៉កស្លាកលេខបាត់ដំបង4A0013អ្នកបើកបរមិនស្គាល់អត្តសញ្ញាណរត់គេចខ្លួនបាត់។ហេតុការណ៍នេះបណ្ដាលឲ្យរថយន្តខូច២គ្រឿងស្លាប់មនុស្សម្នាក់របួសម្នាក់ បញ្ជូនទៅមន្ទីរពេទ្យបង្អែក ស្រុកមោងឬស្សី៕