សៀមរាប៖ផ្ទះ១ខ្នងនៅភូមិទំលាប់ក្នុងឃុំគោកដូងស្រុកអង្គរជុំត្រូវភ្លើងឆាបឆេះអស់ស្ទើរទាំងស្រុង កាលពីវេលាម៉ោង ១៥និង១៥នាទីរសៀល ថ្ងៃទី១៤ ខែមីនា ឆ្នាំ២០២០ ។
លោកឧត្តមសេនីយ៍ត្រីភឹងសម្បត្តិស្នងការរងនគរបាលខេត្តទទួលផែនបង្ការពន្លត់អគ្គិភ័យ និង សង្គ្រោះ បានឱ្យដឹងថាមានករណីភ្លើងឆេះផ្ទះមួយបានកើតឡើងស្ថិតនៅក្នុងភូមិទំលាប់ឃុំគោកដូងស្រុកអង្គរជុំខេត្តសៀមរាប។ជារបស់ឈ្មោះប្លោកហៅភេទប្រុសអាយុ៥៧ឆ្នាំតួនាទីជាអនុភូមិទំលាប់និងប្រពន្ធឈ្មោះសុចលឿអាយុ៦០ឆ្នាំ។
ផ្ទះដែលឆេះនេះមានទំហំ៦ម៉ែត្រគុណនឹង៦.៥ម៉ែត្រដំបូលប្រក់ស័ង្កសីជញ្ជាំងក្តារខូចខាតប្រមាណ៨០ភាគរយ។ក្នុងនោះឆេះស្រូវអស់ចំនួន៣ការ៉ុងនិងលុយខ្មែរមួយចំនួនប៉ុន្តែមិនបានធ្វើឱ្យរងគ្រោះដល់មនុស្សឡើយ។លោកបានបន្តថាមូលហេតុដែលឆេះនេះគឺបណ្តាលមកបើកហ្គាសស្ងោរទឹកស្ករទុកចោល៕