ប៉ៃលិន៖បុរសម្នាក់បើកបររថយន្តក្នុងល្បឿនលឿន លុះដល់ផ្លូវកោងទំនងបួងចង្កូតបង្ខំ ក៏ក្រឡាប់បណ្តាលឱ្យស្លាប់ម្នាក់ និងរបួសធ្ងន់ម្នាក់។ហេតុការណ៍នេះបានកើតឡើងនៅជិតភ្នំដោះក្រមុំ ស្ថិតក្នុងភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន កាលពីល្ងាចថ្ងៃទី២៣ ខែកុម្ភៈឆ្នាំ២០២៤។សមត្ថកិច្ចបានឱ្យដឹងថា គ្រោះថ្នាក់ចរាចរណ៍មួយបានកើតឡើង ដោយបុរសម្នាក់បើករថយន្តក្នុងល្បឿនលឿន ដល់ផ្លូវកោងទំនងបួងចង្កូតបង្ខំ ធ្វើឱ្យរថយន្តក្រឡាប់ដោយខ្លួនឯង ។ក្នុងហេតុការណ៍នោះបណ្តាលឱ្យបុរសម្នាក់ស្លាប់ និងរងរបួសធ្ងន់ម្នាក់ និងខូចខាតរថយន្តដែលក្រឡាប់ស្ទើរទាំងស្រុង។អ្នកបើកបរឈ្មោះចាន់ ធៀន អាយុ៣១ឆ្នាំ នៅភូមិតាង៉ែនក្រោម ឃុំស្ទឹងកាច់ ស្រុកសាលាក្រៅ ខេត្តប៉ៃលិនរងរបួសធ្ងន់។ចំណែកអ្នករួមដំណើរដែលរងរបួសដែរឈ្មោះ ចាន់ ត្រា អាយុ ២២ឆ្នាំនៅភូមិបរតាំងស៊ូ សង្កាត់បរយ៉ាខា ក្រុងប៉ៃលិន ខេត្តប៉ៃលិន។រថយន្តក្រឡាប់ម៉ាកតាកូម៉ាផ្លាកលេខ ភ្នំពេញ2AY-5446 ខូចខាតកស្ទើរទាំងស្រុង។ប្រភពដដែលបានបន្តថា អ្នករងរបួសធ្ងន់ទាំង២នាក់បញ្ជូននៅមន្ទីរពេទ្យខេត្តប៉ៃលិនម្នាក់ រី ឯម្នាក់ទៀតត្រូវបានបញ្ជូនទៅមន្ទីរពេទ្យ ខេត្តបាត់ដំបងហើយក៏ស្លាប់តាមផ្លូវ។ក្រោយកើតហេតុសមត្ថកិច្ចបានប្រគល់សពឱ្យក្រុមគ្រួសារ យកទៅធ្វើបុណ្យ៕
Related Articles
ប៉ូលិសចាប់ក្រុមទំនើងបង្ហោះម៉ូតូ៧នាក់យកអប់រំនិងឱ្យសុំទោសឪពុកម្តាយ
បាត់ដំបង៖កម្លាំងប៉ូលិសបានចាប់ក្រុមទំនើងដែលបង្ហោះម៉ូតូចំនួន៧នាក់រួមទាំងវត្ថុតាងម៉ូតូចំនួន៥គ្រឿងយកមកណែនាំអប់រំនិងឱ្យសុំទោសឪពុកម្តាយឬអាណាព្យាបាល។ លោកផង់សុភាពអធិការនគរបាលស្រុកថ្មគោលបានឱ្យដឹងថា៖ករណីចុះចាប់ក្រុមក្មេងទំនើងនេះធ្វើឡើងកាលពីថ្ងៃទី១២ខែមករាឆ្នាំ២០២១លើផ្លូវសាធារណៈក្នុងទីប្រជុំជនស្រុកថ្មគោលខេត្តបាត់ដំបង។ លោកអធិការបានបន្តថា៖សកម្មភាពបង្ហោះម៉ូតូរបស់ក្មេងទំនើងនេះកន្លងមកបានបង្កការភ័យខ្លាចនិងរំខានដោយសំឡេងស៊ីម៉ាំងម៉ូតូឮខ្លាំងៗដល់ប្រជាពលរដ្ឋដែលធ្វើដំណើរតាមដងផ្លូវនិងនៅតាមលំនៅស្ថាននានានៅជាប់ដងផ្លូវ។ ក្រុមក្មេងទាំងអស់មុននិងអនុញ្ញាតឱ្យវិលត្រឡប់ទៅកាន់លំនៅស្ថានរៀងៗខ្លួនវិញតម្រូវឱ្យធ្វើកិច្ចសន្យាឈប់ប្រព្រឹត្តអប់រំណែនាំនិងឱ្យសុំទោសឪពុកម្តាយឬអាណាព្យាបាលនៅចំពោះមុខសមត្ថកិច្ច៕សុខុម
ពលករខ្មែរជាច្រើនសម្រុកចូលមកទឹកដីខ្លួនវិញបន្ទាប់ពីបិទព្រំដែន១៤ថ្ងៃ
បន្ទាយមានជ័យ៖តាមព្រំដែនកម្ពុជា-ថៃកាលពីថ្ងៃទី១៣ ខែសីហា ឆ្នាំ២០២១ពលករខ្មែរជាច្រើនសម្រុកចូលមកទឹកដីខ្លួនវិញបន្ទាប់ពីបិទព្រំដែន១៤ថ្ងៃ។កម្លាំងចម្រុះតាមបន្ទាត់ព្រំដែន និងក្រុមគ្រូពេទ្យកំពុងទទួលពួកគាត់ និងរៀបចំធ្វើតេស្តរហ័សរកមេរោគកូវីដ-១៩ មុនបញ្ជូនទៅធ្វើចត្តាឡីស័ក។ កម្លាំងយោធាបានយកចិត្តទុកដាក់ជួយដល់ពលករខ្មែរ ដែលកំពុងធ្វើដំណើរចូលទឹកដីប្រទេសវិញយ៉ាងច្រើននេះ។ ប៉ុន្តែក្រុមគ្រូពេទ្យ អនុវត្តវិធានសុខាភិបាល ត្រូវតែយកសំណាកគ្រប់ៗគ្នា។លោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បាននិងកំពុងសហការជាមួយ អាជ្ញាធរមូលដ្ឋាន និងទ័ពឈុតខ្មៅថៃ រៀបចំបញ្ជូនពលករខ្មែរ នៅម្ខាងព្រំដែន ទទួលពួកគាត់មកត្រួតពិនិត្យសុខភាព មុនបញ្ជូនទៅមណ្ឌលចត្តាឡីស័ក។ សូមបញ្ជាក់ថា នៅថ្ងៃទី១៣ ខែសីហា ឆ្នាំ២០២១ លោក អ៊ុំ រាត្រី អភិបាលខេត្តបន្ទាយមានជ័យ បាន ជួបពិភាក្សាកិច្ចការងារមួយចំនួនជាមួយ លោកអភិបាលខេត្តស្រះកែវ ប្រទេសថៃ លើស្ពានច្រកទ្វារអន្តរជាតិប៉ោយប៉ែត-ក្លងឡឹក។ក្នុងជំនួបពិភាក្សាជាមួយ លោកអភិបាលខេត្តស្រះកែវផ្តោតលើចំណុចសំខាន់មួយចំនួន។ លោក អ៊ុំ រាត្រី ស្នើសុំខេត្តស្រះកែវ និងសមត្ថកិច្ចពាក់ព័ន្ធ ជួយសម្របសម្រួលដោះស្រាយបញ្ហាបងប្អូនប្រជាពលរដ្ឋដែលត្រឡប់មកទឹកដីកម្ពុជា ទាំងសុខភាព សុវត្ថិភាពពួកគាត់ ស្នើសុំកុំឱ្យមានការបញ្ជូនបងប្អូនមកជាកំហុក មានបញ្ហាអ្វីសូមផ្តល់ព័ត៌មានបន្ទាន់មកភាគីកម្ពុជា ដើម្បីត្រៀមលក្ខណៈទទួលបងប្អូន តាមវិធានសុខាភិបាល៕ដោយ៖សិរីសោភ័ណ្ឌ
ម៉ូតូបុកជាមួយម៉ូតូបណ្តាលឱ្យស្លាប់ម្នាក់របួស២នាក់
តាកែវ៖ម៉ូតូហុងដាស្គូបពីបានបុកគ្នាជាមួយម៉ូតូស៊ុយហ្ស៊ុយគីAddressទិសដៅបញ្ច្រាស់គ្នាបណ្តាលឱ្យបុរសម្នាក់ស្លាប់និងជនបរទេស២នាក់រងរបួស។ហេតុការណ៍នេះបានកើតឡើងនៅលើផ្លូវជាតិលេខ៣ ក្នុងភូមិគុសថ្មី ឃុំគុស ស្រុកត្រាំកក់ ខេត្តតាកែវកាលពីម៉ោង២រសៀលថ្ងៃទី១០ ខែឧសភាឆ្នាំ២០២២។ សមត្ថកិច្ចបានឱ្យដឹងថា ករណីនេះបង្កឡើងដោយម៉ូតូម៉ាកហុងដាស្គូបពីគ្មានផ្លាកលេខ បើកបរដោយ ឈ្មោះ ទេព បូរ អាយុ ៧២ឆ្នាំនៅភូមិគុសថ្មី ឃុំគុស ស្រុកត្រាំកក់ ខេត្តតាកែវ បានស្លាប់ បើកបរមិនប្រកាន់ស្តាំ។ម៉ូតូនេះបានបុកជាមួយម៉ូតូម៉ាកស៊ុយហ្ស៊ុយគីAddress ផ្លាកលេខ ភ្នំពេញ 1CY-7171បើកបរដោយឈ្មោះ NLD Nederlandse Los Elvis អាយុ២០ឆ្នាំ ជនជាតិហុល្លង់អ្នកទេសចរ រងរបួស។ មានឌុបស្ត្រីម្នាក់ឈ្មោះCUSACK ANNABELLE KATHARINA BRITSH CITIZEN ភេទស្រី អាយុ១៩ឆ្នាំ ជនជាតិអង់គ្លេសអ្នកទេសចររងរបួស ។សមត្ថកិច្ចបានយកម៉ូតូទាំង២គ្រឿងទៅរក្សាទុកនៅប៉ុស្តិ៍នគរបាលរដ្ឋបាលញ៉ែងញ៉ងដើម្បីធ្វើការដោះស្រាយតាមនីតិវិធី៕