នាវាស្វ័យការពារជប៉ុនចូលចតកំពង់ផែក្រុងព្រះសីហនុ ក្នុងន័យរឹតចំណងសាមគ្គីភាព

ខេត្តព្រះសីហនុ៖មន្ត្រីកងទ័ពជើងទឹកកម្ពុជាបានដឹងថា នាវាស្វ័យការពារ ជប៉ុន០១គ្រឿង នឹងចូលចត នៅកំពង់ផែស្វយ័ត ក្រុងព្រះសីហនុ រយៈពេល៣ថ្ងៃ ចាប់ពីថ្ងៃទី១៨ ដល់ថ្ងៃទី២០ ខែវិច្ឆិកាឆ្នាំ២០២២ ។នាវានេះក្នុងដំណើរបំពេញទស្សនកិច្ចនៅកម្ពុជា និងមានធ្វើលំហាត់រួមគ្នាជាមួយនាវាកងទ័ពជើងទឹកកម្ពុជាផងដែរ។នៅក្នុងសេចក្តីប្រកាសព័ត៌មាន នាព្រឹកថ្ងៃទី១៦ ខែវិច្ឆិកា២០២២នេះ បានបញ្ជាក់ថា នាវាឈ្មោះ JS HARUSAME DD-102 ប្រភេទ នាវាពិឃាដ មានបណ្ដោយ១៥១ម៉ែត្រ និងទទឹង ១៧,៤ម៉ែត្រ ជម្រៅ ទឹក៥,២ម៉ែត្រមានទម្ងន់ផ្ទុក ៤.៥៥០តោន មាននាវិកសរុបចំនួន ២០៥នាក់ ដឹកនាំដោយមេបញ្ជាការនាវា លោក វរនាវីឯក KUDO MASANORI។មន្ត្រីកងទ័ពជើងទឹកកម្ពុជាដដែលបានបន្តថា នេះជាដំណើរទស្សនកិច្ចធម្មតា របស់កងនាវាយោធា ពីបណ្តាប្រទេសនានាមកកាន់ប្រទេសកម្ពុជា ដែលមានជាបន្តបន្ទាប់កន្លងមក ក្នុងនយ័រឹតចំណងសាមគ្គីភាព មិត្តភាព៕

ស្រវឹងស្រា​បាន​បើករថយន្ត​បុករះ​បង្កការខូចខាតជាបន្តបន្ទាប់

ភ្នំពេញ​៖​បុរស​ម្នាក់​ស្រវឹងស្រា​បាន​បើករថយន្ត​លុ​ច្ស​ស៊ី​ស RX300 បុក រថយន្ត​ស៊ីណា ហើយ​បន្ត​ទៅបុក​អ្នកលក់​ភេសជ្ជៈ​នៅលើ​ចិញ្ចើមផ្លូវ​បណ្ដាលឱ្យ​បាក់បែក​រាយប៉ាយ​ពេញ​ផ្លូវ​។​ករណីនេះ​កើតឡើង​ត្រង់ចំណុច​មុខ​ព្រលានយន្តហោះ​ពោធិ៍ចិនតុង​ស្ថិតនៅក្នុង​សង្កាត់​កា​កាប​ទី​១​ខណ្ឌ​ពោធិ៍​សែន​ជ័យ​កាលពី​យប់​រំលងអធ្រាត្រ​ចូល​ថ្ងៃ​សៅរ៍​ទី​២១​ខែមីនា​ឆ្នាំ​២០២០​។​ ​រថយន្ត​បង្ក​ម៉ាក​លុ​ច្ស​ស៊ី​ស​RX300​ពណ៌​ខ្មៅ​ពាក់​ស្លាក​លេខ​ភ្នំពេញ​2N.6964​បើកបរ​ដោយ​បុរស​វ័យ​ចំណាស់​ម្នាក់​ស្រវឹងស្រា​ជោកជាំ​និង​រថយន្ត​ស៊ីណា​ពណ៌​ស​ពាក់​ស្លាក​លេខ​ភ្នំពេញ​2AU.7921​បើកបរ​ដោយ​បុរស ម្នាក់ ក្នុងស្ថានភាព​ស្រវឹងស្រា ។​ ​ក្រោយមក​ក៏មាន​ការចរចា​គ្នា​ខាង​ភាគី​រថយន្ត​ស៊ីណា​បាន​យក​សំណង​ពី​ម្ចាស់​រថយន្ត​លុ​ច្ស​ស៊ី​ស ចំនួន ៨៤​ម៉ឺន​បញ្ចប់រឿង​នៅ​កន្លែងកើតហេតុ​។​ចំណែកឯ​អ្នកលក់​ភេសជ្ជ​:​បាន​យក​ចំនួន​៤០០​ដុល្លារ​បញ្ចប់រឿង​នៅ​កន្លែងកើតហេតុ​ក្រោយពី​កើតហេតុ​ម្ចាស់​រថយន្ត​បាន​ស្ទូច​យកទៅ​ជួសជុល​ដោយ​ខ្លួនឯង​៕

​​តុលាការ​កំពុង​សាកសួរ​បុរស​កែ​ភេទ​ជា​ស្រី​ដែល​ឡាយ​លក់ខ្លួន​លើ​Bigo Live

ភ្នំពេញៈ​បុរស​កែ​ភេទ​ជា​ស្រី​ដែល​ឡាយ​លក់ខ្លួន​លើ​BigoLive​ត្រូវ​សមត្ថកិច្ច​នគរបាល​ខ​ណ្ឌ​ទួលគោក​បញ្ជូនទៅ​តុលាការ​កាលពី​រសៀល​ថ្ងៃទី​២២​ខែកុម្ភៈ​ឆ្នាំ​២០២០​ដោយ​ភ្ជាប់​សេចក្តីសន្និដ្ឋាន​ចោទប្រកាន់​ពីបទ​ផុស​រូបភាព និង​សម្ភារ​អាសអាភាស​។ ដែល​យោងតាម​មាត្រា ៣៨-៣៩ ច្បាប់​ប្រឆាំង​ការជួញដូរ​មនុស្ស និង​ការពារ​អនីតិជន ដែល​ជាប់ទោស​ចាប់ពី (១​ខែ ដល់ ១​ឆ្នាំ​) ។​ ​បុរស​កែ​ភេទ​ជា​ស្រី​រូបនេះ​ឈ្មោះ​ម៉ន​អ៊ី​វ៉ា​អាយុ​២៦​ឆ្នាំ​ត្រូវ​លោក​ហេង​ផេង​ព្រះរាជអាជ្ញារង​អម​សាលាដំបូង​រាជធានី​ភ្នំពេញ​កំពុងធ្វើការ​សាកសួរ​។​ ​លោក​វរសេនីយ៍ទោ​សុខ​ហេង​អធិការនគរបាល​ខណ្ឌ​ទួលគោក​បានបញ្ជាក់​ឱ្យដឹងថា​ដោយមាន​ការឯកភាព​យ​ល់​ព្រម​ពី​លោក សឿ ឡង់ឌី ព្រះរាជអាជ្ញារង​អម​សាលាដំបូង​រាជធានី​ភ្នំពេញ នៅ​ល្ងាច ថ្ងៃទី​២០ ខែកុម្ភៈ​ឆ្នាំ​២០២០​សមត្ថកិច្ច​នគរបាល​ខណ្ឌទួលគោក​បាន​ចុះទៅ​នាំខ្លួន​បុរស​កែ​ភេទ​ជា​ស្ត្រី​ឈ្មោះ​ម៉ន​អ៊ី​វ៉ា​ដែល​បាន​ឡាយ​វីដេអូ​លក់ខ្លួន​នៅលើ​Bigoive​។​ ​សមត្ថកិច្ច​យកមក​ធ្វើការ​សួរចម្លើយ​និង​រៀបចំ​សំណុំ​ឯកសារ​និង​ភស្តុតាង​ផ្សេងៗ​ដើម្បី​បញ្ជូន​បន្តទៅ​តុលាការ​អនុវត្តតាម​នី​តិ​វិធី​ច្បាប់​ព្រោះ​ទង្វើ​ដែល​ឈ្មោះ​ម៉ន​អ៊ី​វ៉ា​បានធ្វើ​នេះ​ពិតជា​ធ្វើអោយប៉ះពាល់​ដល់​ប្រពៃណី​ទំនៀមទម្លាប់​ខ្មែរ ជាពិសេស​ប៉ះពាល់​យ៉ាងធ្ងន់ធ្ងរ​ដល់​កិត្តិយស​និង​តម្លៃ​របស់​ស្ត្រី​ខ្មែរ ៕​