ភ្នំពេញ៖បុរសម្នាក់បានបោកក្បាលស្លាប់ភ្លាមៗបន្ទាប់ពីជិះម៉ូតូធុនធំលឿនដូចហោះជ្រុលទៅបុករថយន្តលុច្សស៊ីសកំពុងឆ្លងផ្លូវផ្លោងរំលងរថយន្តបោកក្បាលនិងបង្គោលភ្លើងបំភ្លឺផ្លូវស្លាប់ភ្លាមៗ។ករណីនេះកើតឡើងតាមបណ្ដោយផ្លូវកម្ពុជាក្រោមគល់ស្ពាន៧មករាក្នុងសង្កាត់ទឹកល្អក់ទី១ខណ្ឌទួលគោកកាលពីយប់ថ្ងៃទី២១ខែមីនាឆ្នាំ២០២០ ។
សពជនរងគ្រោះមានឈ្មោះអ៊ូវាសនាភេទប្រុសអាយុ៣៧ឆ្នាំអាស័យដ្ឋានផ្លូវលេខ១ភូមិ១៥សង្កាត់ស្រះចកខណ្ឌដូនពេញជនរងគ្រោះមានស្ពាយកាតាបមួយ។ក្នុងនោះមានលុយចំនួន៣០២ដុល្លារនិងលុយខ្មែរប្រហែល២០ម៉ឺនរៀលនិងកាតផ្សេងៗមួយចំនួនទៀត។ម៉ូតូធុនធំមួយគ្រឿងម៉ាកXR ពណ៌ខ្មៅ ពាក់ស្លាកលេខភ្នំពេញ1GQ.1334។បុករថយន្តលុច្សស៊ីសRX300ពណ៌ទឹកប្រាក់ពាក់ស្លាកលេខភ្នំពេញ2AI.6087។
ក្រោយកើតហេតុសមត្ថកិច្ចជំនាញចរាចរចុះវាស់វែងយករថយន្តទាំងពីរគ្រឿងនិងម៉ូតូយកទៅរក្សាទុកនៅការិយាល័យចរាចរផ្លូវគោករងចាំដោះស្រាយគ្នាតាមផ្លូវច្បាប់។សពយកទៅតម្កល់ទុកនៅវត្តទឹកថ្លារង់ចាំសាច់ញាតិមកទទួលសពយកទៅធ្វើបុណ្យតាមប្រពៃណី៕
