ព័ត៌មានអន្តរជាតិ៖សហរដ្ឋអាមេរិកលុបចោលការធ្វើសមយុទ្ធទ្រង់ទ្រាយធំដែលមានកងទ័ពរាប់ពាន់នាក់ចូលរួមនៅខែឧសភានៅប្រទេសហ្វីលីពីន ដោយសារតែជំងឺឆ្លងកូវីត១៩។
ឧត្តមនាវី ហ្វីល ដាវីសុន មេបញ្ជាការកងទ័ពអាមេរិកប្រចាំតំបន់ឥណ្ឌូ-ប៉ាស៊ីហ្វិកបាននិយាយថា “ដោយមើលឃើញស្ថានភាពអាក្រក់នៃការឆ្លងរាលដាលខ្លាំងនៃវីរុសកូវីត១៩ និងដើម្បីផលប្រយោជន៍សុខភាពនិងសុវត្ថិភាពនៃប្រទេសទាំង២នេះសមយុទ្ធBalikatan ឆ្នាំ២០២០នេះនឹងត្រូវលុបចោល។
សេចក្តីថ្លែងការណ៍របស់កងទ័ពអាមេរិកបាននិយាយថា សមយុទ្ធដែលលុបចោលនេះ គឺគ្រោងធ្វើពីថ្ងៃទី៤ដល់ថ្ងៃទី១៥ខែឧសភា។បច្ចុប្បន្ន សហរដ្ឋអាមេរិកមានចំនួនអ្នកឆ្លងជំងឺនេះច្រើនជាងគេបំផុតនៅលើពិភពលោក។ខណៈដែលប្រទេសហ្វីលីពីន មានករណីឆ្លងប្រហែល៧០០ករណី។
ការផ្អាកសមយុទ្ធនេះកើតឡើងចំពេលរដ្ឋមន្ត្រីការពារជាតិហ្វីលីពីនលោក ដែលហ្វីន ឡូរេនហ្សាណា បាននិយាយកាលពីថ្ងៃសុក្រទី២៧មីនាថានាយសេនាកងទ័ពហ្វីលីពីនឧត្តមសេនីយ៍ ហ្វេលីម៉ុន សាន់តូស ជូនៀ ឆ្លងវីរុសកូរ៉ូណា។
លោក ដែលហ្វីន ឡូរេនហ្សាណាខ្លួនឯងក៏កំពុងដាក់ខ្លួននៅដាច់ពីគេបន្ទាប់ពីដឹងលទ្ធផលពីការពិនិត្យសុខភាពរបស់លោកាន់តូសកាលពីព្រឹកថ្ងៃសុក្រ៕រស្មីកម្ពុជា