ភ្នំពេញ៖ក្រសួងសុខាភិបាលនៅយប់ថ្ងៃទី២៧ខែមីនាឆ្នាំ២០២០បានចេញសេចក្តីជូនដំណឹងអំពីការផ្លាស់ប្តូរពេលវេលានៃការជូនដំណឹងដល់សាធារណជនអំពីករណីអ្នកជំងឺកូវីដ១៩ពីពេលយប់មកនៅរៀងរាល់ពេលព្រឹកចន្លោះពីម៉ោង៩ដល់ម៉ោង១០ព្រឹកវិញ។
ចំពោះសេចក្តីជូនដំណឹងដល់សាធារណជនអំពីករណីអ្នកជំងឺកូវីដ១៩សម្រាប់យប់ថ្ងៃទី២៧ខែមីនាក្រសួងនឹងធ្វើការបូកសរុបព្រមទាំងចេញផ្សាយជូនសាធារណជននៅព្រឹកថ្ងៃទី២៨ខែមីនា ចន្លោះពីម៉ោង៩ ទៅម៉ោង១០។
សេចក្តីប្រកាសរបស់ក្រសួងសុខាភិបាលបានបញ្ជាក់ជាថ្មីថាចំនួនករណីកំពុងព្យាបាលនិងករណីជាសះស្បើយគិតត្រឹមថ្ងៃទី២៦ខែមីនាឆ្នាំ២០២០មាន៖អ្នកព្យាបាលជាសះស្បើយសរុបចំនួន១១នាក់(បុរសចិនម្នាក់។ស្ត្រីជនជាតិអង់គ្លេសម្នាក់និងបុរសជនជាតិខ្មែរ៩នាក់។
ចំណែកអ្នកមានវិរុសកូវីដ១៩ដែលកំពុងសម្រាកព្យាបាលសរុប៨៧នាក់(ស្ត្រី២៤នាក់និងបុរស៦៣នាក់)និងអ្នកមានវិរុសកូវីដ១៩ សរុបចំនួន៩៨នាក់ (ស្ត្រី២៥នាក់ និងបុរស៧៣នាក់)៕សុផល
សូមអានលំអិតនូវសេចក្តីជូនដំណឹងរបស់ក្រសួងសុខាភិបាល៖