បាត់ដំបង៖កម្លាំងជំនាញប្រឆាំងគ្រឿង៊ញៀននៃកងរាជអាវុធហត្ថខេត្តកាលពីព្រឹកថ្ងៃទី២៦ខែកក្កដាឆ្នាំ២០២០បានបញ្ជូនជនសង្ស័យប្រុសស្រី៥នាក់ទៅតុលាការពីបទជួញដូរគ្រឿងញៀន។ ជនសង្ស័យ៥នាក់ត្រូវកម្លាំងកងរាជអាវុធហត្ថខេត្តបាត់ដំបងបានចុះបង្ក្រាបនិងឃាត់ខ្លួនបាននៅរសៀលថ្ងៃទី២៤ខែកក្កដាឆ្នាំ២០២០និងដកហូតវត្ថុតាងគ្រឿងញៀនប្រភេទមេតំហ្វេតាមីន(ម៉ាទឹកកក)ចំនួន៦កញ្ចប់ទម្ងន់៤.១២ក្រាមនិងទូរស័ព្ទដៃចំនួន២គ្រឿង។ ក្រោយពេលជនសង្ស័យប្រុសស្រីទាំង៥នាក់ឆ្លើយសារភាពរួចមកកម្លាំងជំនាញបានបញ្ជូនទាំងអស់និងវ្ថុតាងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
សន្តិសុខ
ភ្លើងឆេះផ្ទះ១ខ្នងបង្កពីម្ចាស់ផ្ទះខូចខាចទ្រព្យសម្បត្តិជាច្រើន
បាត់ដំបង៖នៅចំណុចភូមិរំចេក៤សង្កាត់រតនៈក្រុងបាត់ដំបងមានភ្លើងឆេះផ្ទះប្រជាពលរដ្ឋ១ខ្នងជាប់របងផ្ទះអភិបាលខេត្តបាត់ដំបងកាលពីយប់ថ្ងៃទី២៥ខែកក្កដាឆ្នាំ២០២០។ផ្ទះដែលឆេះនោះសាងសង់អំពីឈើប្រក់ស័ង្កសីទំហំ១០ម៉ែត្រគុណ១៥ម៉ែត្រ។ មន្ត្រីនគរបាលពន្លត់អគ្គិភ័យនិងសង្គ្រោះនៃស្នងការរដ្ឋាននគរបាលខេត្តបាត់ដំបងបានឱ្យដឹងថាចំពោះមូលហេតុដែលបណ្តាលឱ្យភ្លិងឆេះរោងលក់ចាបហួយរបស់ប្រជាពលរដ្ឋឈ្មោះអានចាន់រ័ត្នភេទប្រុសអាយុ៣៧ឆ្នាំ។ដោយសារតែគាត់ធ្វេសប្រហែសបូមសាំងហើយកេះដែកកេះជក់បារីបណ្តាលឱ្យផ្ទុះឆេះសន្ធោសន្ធៅតែម្តង។ ឯម្ចាស់ផ្ទះរលាកដៃស្តាំមួយចំហៀងខ្លួននិងខូចខាតផ្ទះ១ខ្នងនិងទ្រព្យសម្បត្តិមួយចំនួនគិតជាទឹកប្រាក់ប្រមាណ៧ពាន់ដុល្លារ។លោកបានបន្តថាភ្លាមៗនោះកម្លាំងជំនាញបានចេញរថយន្តពន្លត់អគ្គិភ័យចំនួន៤គ្រឿងបាញ់ពន្លត់ទាន់ពេលវេលាមិនឱ្យឆេះរាលដាលដល់ផ្ទះអ្នកដទៃ៕
សមត្ថកិច្ចខេត្តសៀមរាបចុះធ្វើរដ្ឋបាលលើជនបរទស២ទីតាំងឃាត់ខ្លួន៣៦នាក់
សៀមរាប៖សមត្ថកិច្ចស្ថាប័នពាក់ព័ន្ធក្នុងខេត្តសៀមរាបកាលពីថ្ងៃទី២៣ខែកក្កដាឆ្នាំ២០២០បានចុះធ្វើរដ្ឋបាលត្រួតពិនិត្យជនបរទសក្នុងការស្នាក់នៅ២ទីតាំងនៅក្នុងសង្កាត់ជ្រាវនិងសង្កាត់សាលាកំរើកក្រុង/ខេត្តសៀមរាបបាន ឃាត់ខ្លួនជនសង្ស័យចំនួន៣៦នាក់។ មន្ត្រីនគរបាលក្រុងសៀមរាបបាននិយាយថាការចុះធ្វើរដ្ឋបាលត្រួតពិនិត្យជនបរទសក្នុងការស្នាក់នៅលើទីតាំងចំនួន២គឺទី១នៅថ្ងៃទី២៣ខែកក្កដាឆ្នាំ២០២០។កម្លាំងផ្នែកគ្រប់គ្រងជនបរទេសនៃនគរបាលក្រុងដឹកនាំសហការណ៍បុស្តិ៍នគរបាលសង្កាត់ជ្រាវបានចុះត្រួតពិនិត្យរដ្ឋបាលជនបរទេសនៅរោងជាងអេតចាយមួយកន្លែងស្ថិតនៅក្នុងភូមិជ្រាវសង្កាត់សៀមរាបកក្រុងសៀមរាប។ ជាលទ្ធផលត្រួតពិនិត្យជនបរទសអន្តោប្រវេសន៍រួមមានជនជាតិវៀតណាមចំនួន៣នាក់។កម្មករខ្មែរសរុប៦នាក់។ម្ចាស់ទីតាំងបានសន្យាថា៖រាល់ការចេញចូលបម្រើការទីតាំងរបស់ខ្លួនត្រូវរាយការណ៍ជូនសមត្ថកិច្ចមូលដ្ឋានឱ្យបានទាន់ពេលវេលានិងសមស្របទៅតាមនីតិវិធីច្បាប់ស្នាក់នៅ។ ទីតាំងទី២នៅថ្ងៃទី២៣ខែកក្កដាដដែលកម្លាំងនគរបាលក្រុងសៀមរាបចុះត្រួតពិនិត្យទីតាំងប៊ូទិកវិហារា ស្ថិតនៅភូមិវត្តបូព៌សង្កាត់សាលាកំរើកក្រុងសៀមរាបខេត្តសៀមរាបបានពិនិត្យនឹងនាំខ្លួនជនសង្ស័យចំនួន៣៥នាក់។ក្នុងនោះស្រី៨នាក់ជាចិនតៃវ៉ាន់ចំនួន៤នាក់-ជនជាតិវៀតណាមចំនួន២៩នាក់ស្រី៨នាក់។រួមនិងវត្ថុតាងមួយចំនួនដែលពាក់ព័ន្ធរួចបញ្ជូនទៅសាកសួរនៅស្នងការដ្ឋាននគរបាលខេត្ត។ បច្ចុប្បន្នជនសង្ស័យទាំង៣៦នាក់បានបញ្ជូនទៅសាកសួរនៅការិយាល័យស៊ើបអង្កេតនិងអនុវត្តនីតិវិធីនៃស្នងការដ្ឋាននគរបាលខេត្តសៀមរាប ដើម្បីពិនិត្យចំណាត់ការតាមនីតិវិធី៕
ចុះលើកស្លាកសញ្ញាចរាចរណ៍កំណត់ល្បឿននៅលើផ្លូវជាតិ
បាត់ដំបង៖ក្រុមការងារសុវត្ថិភាពចរាចរណ៍ផ្លូវគោកនៃមន្ទីរសាធារណការនិងដឹកជញ្ជូនខេត្តសហការជាមួយនគរបាលខេត្តបាត់ដំបងបានចុះលើកស្លាកសញ្ញាកំណត់ល្បឿនត្រឹម៨០គីឡូម៉ែត្រក្នុងមួយម៉ោងនៅលើកំណាត់ផ្លូវជាតិលេខ៥៧កាលពីថ្ងៃទី២៤ខែកក្កដាឆ្នាំ២០២០។ លោកព្រួញរិទ្ធថាអនុប្រធានមន្ទីរសាធារណការខេត្តបានឱ្យដឹងថាមន្ទីររបស់បានសហការជាមួយលោកវរសេនីយ៍ឯកសាតគឹមសានស្នងការរងទទួលបន្ទុកផ្នែកសុវត្ថិភាពចរាចរណ៍ផ្លូវគោក។ ការដាក់ស្លាកសញ្ញានេះដើម្បីឱ្យប្រជាពលរដ្ឋប្រើប្រាស់យានយន្តបញ្ជាដៃចង្កូតនៅលើដងផ្លូវសាធារណៈចូលរួមគោរពច្បាប់ចរាចរណ៍និងកាត់បន្ថយអត្រាគ្រោះចរាចរណ៍ឱ្យមកនៅទាបបំផុត។ដូចពាក្យស្លោកបានបញ្ជាក់ថា”ថ្ងៃនេះ ថ្ងៃស្អែកសូមកុំឱ្យមានគ្រោះថ្នាក់ចរាចរណ៍ “៕ បាត់ដំបង៖ក្រុមការងារសុវត្ថិភាពចរាចរណ៍ផ្លូវគោកនៃមន្ទីរសាធារណការនិងដឹកជញ្ជូនខេត្តសហការជាមួយនគរបាលខេត្តបាត់ដំបងបានចុះលើកស្លាកសញ្ញាកំណត់ល្បឿនត្រឹម៨០គីឡូម៉ែត្រក្នុងមួយម៉ោងនៅលើកំណាត់ផ្លូវជាតិលេខ៥៧កាលពីថ្ងៃទី២៤ខែកក្កដាឆ្នាំ២០២០។ លោកព្រួញរិទ្ធថាអនុប្រធានមន្ទីរសាធារណការខេត្តបានឱ្យដឹងថាមន្ទីររបស់បានសហការជាមួយលោកវរសេនីយ៍ឯកសាតគឹមសានស្នងការរងទទួលបន្ទុកផ្នែកសុវត្ថិភាពចរាចរណ៍ផ្លូវគោក។ ការដាក់ស្លាកសញ្ញានេះដើម្បីឱ្យប្រជាពលរដ្ឋប្រើប្រាស់យានយន្តបញ្ជាដៃចង្កូតនៅលើដងផ្លូវសាធារណៈចូលរួមគោរពច្បាប់ចរាចរណ៍និងកាត់បន្ថយអត្រាគ្រោះចរាចរណ៍ឱ្យមកនៅទាបបំផុត។ដូចពាក្យស្លោកបានបញ្ជាក់ថា”ថ្ងៃនេះ ថ្ងៃស្អែកសូមកុំឱ្យមានគ្រោះថ្នាក់ចរាចរណ៍ “៕
ជិះម៉ូតូលឿនជ្រុលទៅបុកអ្នកលក់ចេកអាំងឱ្យរងរបួសធ្ងន់ពីរនាក់
កំពង់ស្ពឺ៖គ្រោះថ្នាក់ចរាចរមួយបានកើតឡើងដោយបុរសម្នាក់ជិះម៉ូតូលឿនជ្រុលចង្កូតទៅបុកអ្នកលក់ចេកអាំងនៅចិញ្ចើមផ្លូវបណ្តាលឱ្យរងរបួសធ្ងន់ទាំងពីរនាក់។ហេតុការណ៍នេះបានកើតឡើងលើផ្លូវជាតិលេខ៤ចន្លោះគីឡូម៉ែត្រលេខ១០០និង១០១ត្រង់ចំណុចភូមិទី៦ឃុំត្រែងត្រយឹងស្រុកភ្នំស្រួចខេត្តកំពង់ស្ពឺ កាលពីព្រឹកថ្ងៃទី២៥ ខែកក្កដាឆ្នាំ២០២០។ សមត្ថកិច្ចបានឱ្យដឹងថាៈបុរសម្នាក់ឈ្មោះទេសស៊ីដារ៉ារិទ្ធ អាយុ២៤ឆ្នាំ រស់នៅភូមិសន្ទូច ឃុំស្រែថ្មី ស្រុករលាប្អៀរខេត្តកំពង់ឆ្នាំង។ជិះម៉ូតូម៉ាកស៊ុយស៊ូគីGFXពណ៌ខៀវពាក់ស្លាកលេខក្រចេះ1D1010បើកបរក្នុងល្បឿនលឿន។ ម៉ូតូបានជ្រុលទៅបុកមនុស្សម្នាក់ឈ្មោះសុខស្រីដាភេទស្រីអាយុ១៦ឆ្នាំមានទីលំនៅភូមិទី៦ឃុំត្រែងត្រយឹងស្រុកភ្នំស្រួចដែលកំពុងលក់ចេកអាំងក្នុងតូបលើចិញ្ចើមផ្លូវបណ្តាលឱ្យរងរបួសធ្ងន់ និងអ្នកបើកម៉ូតូក៍រងរបួសធ្ងន់ដែរ៕
សមត្ថកិច្ចឃាត់ជនម្នាក់ពាក់ព័ន្ឋករណីហឹង្សានិងលួច
ព្រះវិហារ៖កម្លាំងនគរបាលក្រុងសៀមរាបសហការជាមួយនគរបាលស្រុកត្បែងមានជ័យខេត្តព្រះវិហារបានឃាត់ខ្លួនជនសង្ស័យម្នាក់ពាក់ព័ន្ឋករណីហឹង្សាដោយមានស្ថានទម្ងន់ទោសនិងលួច។ជននេះប្រព្រឹត្តឡើងនៅខេត្តសៀមរាបរួចគេចខ្លួនទៅខេត្តព្រះវិហារ។ការឃាត់ខ្លួនជនសង្ស័យបានធ្វើឡើងនៅ ចំណុចលើខ្នងភ្នំត្បែងខេត្តព្រះវិហារកាលពីរសៀលនៅថ្ងៃទី២៤ខែកក្កដាឆ្នាំ២០២០។ សមត្ថកិច្ចខេត្តព្រះវិហារបានឱ្យដឹងថាជនសង្ស័យមានឈ្មោះអែមបញ្ញាត្រូវនគរបាលចាប់ខ្លួនតាមបណ្តឹងរបស់ជនរងគ្រោះឈ្មោះអែមចាន់សូឡីត្រូវជាម្តាយមីងរបស់ជនសង្ស័យ។ពាក់ព័ន្ឋនិងករណីហឹង្សាដោយមានស្ថានទម្ងន់ទោសនិងលួចដែលប្រព្រឹត្តកាលពីថ្ងៃទី១៨កក្កដា២០២០កន្លងទៅនៅភូមិវិហារចិនសង្កាត់ស្វាយដង្គុំក្រុងសៀមរាប ។ សមត្ថកិច្ចបានបន្តថាក្រោយពីសាកសួរជនសង្ស័យបានឆ្លើយសារភាពថារូបគេពិតជាបានធ្វើសកម្មភាពចាប់សម្លុតគំរាមកំហែងនឹងកាប់រថយន្តរបស់ជនរងគ្រោះឈ្មោះស៊ុនចិនស្រឿនភេទប្រុសបណ្ដាលឱ្យខូចខាតនិងឡើងបើករថយន្តរបស់ជនរងគ្រោះគេចខ្លួនពិតប្រាកដមែន។ជាមួយនោះបានលួចយកប្រាក់នៅក្នុងឡានរបស់ជនរងគ្រោះជិត៦.០០០ដុល្លារពិតប្រាកដមែន។ សមត្ថកិច្ចបានបញ្ជាក់ថាក្រោយពីឃាត់ខ្លួនជនសង្ស័យរួចមកសមត្ថកិច្ចបានដកហូតប្រាក់មួយចំនួនដែលនៅសល់នឹងខ្លួនរួចបានប្រគល់ប្រាក់នោះជូនទៅជនរងគ្រោះវិញ។ចំណែកជនសង្ស័យត្រូវបានប្រគល់ខ្លួនឱ្យមកនគរបាលព្រហ្មទណ្ឌក្រុងសៀមរាបកសាងសុំណុំរឿងបញ្ជូនទៅតុលាការដើម្បីផ្ដន្ទាទោសតាមផ្លូវច្បាប់៕វ៉ាន់ឌី
ក្មេងតូចម្នាក់លង់ទឹកស្រះស្លាប់ក្នុងវត្តអង្គតាមិញ
ភ្នំពេញ:ម្ដាយនិងជីដូនយំអោបសពកូនអាយុ៤ឆ្នាំដែលបានលង់ទឹកស្រះស្លាប់នៅវេលាម៉ោង១០យប់ថ្ងៃទី២៤ខែកក្កដាឆ្នាំ២០២០ត្រង់ចំណុចស្រះទឹកនៅក្នុងវត្តអង្គតាម៉ិញស្ថិតនៅក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ ។ ក្មេងតូចដែលស្លាប់មានឈ្មោះរ៉ាត់ខៃហ្វុងភេទប្រុសអាយុ៤ឆ្នាំកំព្រាឪពុកមានបងប្អូនប្រុស៣នាក់រស់នៅជាមួយម្តាយនិងជីដូនចំនួន២នាក់គឺកូនបងនិងកូនពៅ។ចំណែកកូនកណ្តាលទៅរស់នៅជាមួយឪពុកដែលលែងលះគ្នា។ ម្តាយរបស់ក្មេងរងគ្រោះខាងលើមានឈ្មោះលីនសុភ័ក្តណាអាយុ៣៣ឆ្នាំជនជាតិខ្មែរមុខរបរធ្វើការរោងចក្រស្នាក់នៅបន្ទប់ជួលជាប់របងវត្តអង្គតាមិញ។មានស្រុកកំណើតនៅភូមិកុកតិល ឃុំត្បែង ស្រុកកណ្តាល ស្ទឹង ខេត្តកណ្តាល៕
រថយន្តធំបុករថយន្តទំនើបបណ្ដាលឱ្យក្រឡាប់មិនមានអ្នករបួសធ្ងន់ទេ
ភ្នំពេញ៖រថយន្តដឹកខ្សាច់បើកបរក្នុងល្បឿនលឿនបានបើកវ៉ាជែងក៏ជ្រុលទៅបុករថយន្តទំនើបមួយគ្រឿងក្នុងទិសដៅបញ្ច្រាស់ទិសគ្នាបណ្ដាលឱ្យរថយន្តដឹកខ្សាច់ក្រឡាប់តែមិនមានអ្នករងរបួសធ្ងន់ធ្ងរទេ។ហេតុការណ៍នេះកើតឡើងតាមបណ្ដោយផ្លូវ៦០ម៉ែត្រចំណុចច្រកចូលផ្សារក្រមួនក្នុងសង្កាត់ចាក់អង្រែក្រោមខណ្ឌមានជ័យកាលពីយប់ថ្ងៃទី២៤ខែកក្ដដាឆ្នាំ២០២០។ តាមប្រភពបានឱ្យដឹងថារថយន្តដឹកខ្សាច់ពណ៌សពាក់ស្លាកលេខចង្កូតស្ដាំPP.0536បានវ៉ាជែងចូលចំណីផ្លូវរថយន្តម៉ាកKIAពណ៌សពាក់ស្លាកលេខភ្នំពេញ2AX.6873។ត្រូវរថយន្តដឹកខ្សាច់បុកពេញទំហឹងបណ្ដាលឱ្យរថយន្តដឹកខ្សាច់ក្រឡាប់។ចំណែករថយន្តម៉ាកKIAរងការខូចខាតមួយកំណត់មុខស្ទើរតែទាំងស្រុង។ ក្រោយពីកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុដោយមិនបះពាល់សម្បត្តិរដ្ឋ សមត្ថកិច្ចក៏ឱ្យភាគីទាំង២សម្របសម្រួលគ្នាដោយសម្រួលមិនត្រូវសមកិច្ចក៏វាស់វែងយកទៅរក្សាទុកនៅការិយាល័យចរាចរណ៏ផ្លូវគោករង់ចាំដោះស្រាយគ្នានៅពេលក្រោយ៕
រថយន្តបុកម៉ូតូពីក្រោយជាប់ម៉ូតូក្បាលរថយន្តរងរបួសធ្ងន់ម្នាក់
ឧត្តរមានជ័យ៖រថយន្តបុកម៉ូតូពីក្រោយក្នុងទិសដៅស្របគ្នាក៏ផុងម៉ូតូជាប់ក្បាលរថយន្តបណ្តាលឱ្យស្ត្រីម្នាក់រងរបួសធ្ងន់ដឹកមកសង្គ្រោះនៅមន្ទីពេទ្យបង្អែកខេត្ត។ហេតុការណ៍នេះបានកើតឡើងនៅលើផ្លូវជាតិលេខ៦៨បេក្នុងភូមិគោកចំបក់សង្កាត់-ក្រុងសំរោងកាលពីល្ងាចថ្ងៃទី២៤ខែកក្កដាឆ្នាំ២០២០។ សមត្ថកិច្ចបានឱ្យដឹងថាជនរងគ្រោះអ្នកបើកបរម៉ូតូឈ្មោះសំណាងដាណេភេទស្រីអាយុ២៣ឆ្នាំរស់នៅភូមិគីរីវ័ន្តសង្កាត់កូនក្រៀលក្រុងសំរោងបានរងរបួសធ្ងន់។ជិះម៉ូតូម៉ាកហុងដាឌ្រីមពណ៌ខ្មៅសេរីឆ្នាំ២០១៥ពាក់ស្លាកលេខឧត្តរមានជ័យ១B៥២៨៧។ ស្របទិសនិងរថយន្តបើកបរដោយឈ្មោះឱសុភ័គ្រភេទប្រុសអាយុ២៤ឆ្នាំជាអាជីវកររស់នៅភូមិ-សង្កាត់-ក្រុងសំរោងបានរត់គេចខ្លួនបាត់។បើករថយន្តម៉ាកម៉ាស់ស្តាចង្កូតស្តាំពណ៌ប្រផេះ ពាក់ស្លាកលេខ BMC-១៣៨៥អ្នករួមដំណើរ២នាក់។ សមត្ថកិច្ចសនិ្នដ្ឋានថាករណីនេះអ្នកបើកបររថយន្តបើកបរខ្ជីរខ្ជារមិនប្រុងប្រយ័ត្នហើយវត្ថុតាងទាំងពីរ បាននាំយកមករក្សាទុកនៅអធិការដ្ឋាននគរបាលក្រុង ដើម្បីរៀបចំនីតិវិធីបន្ត៕សាយ
ចោរឆក់កាបូបពីស្ត្រីម្នាក់បណ្ដាលឱ្យដួលម៉ូតូរងរបួសនៅខណ្ឌទួលគោក
ភ្នំពេញ៖ស្ត្រីម្នាក់ត្រូវជនសង្ស័យឆក់កាបូបបណ្ដាលឱ្យដួលរងរបួសបែកមុខបែកមាត់រលាត់ដៃរលាត់ជើង។ករណីនេះបានកើតឡើងនៅចំណុចមុខវិទ្យាស្ថានជាតិសុខភាពសាធារណៈស្ថិតតាមបណ្ដោយផ្លូវ២៨៩ក្នុងសង្កាត់បឹងកក់ទី២ខណ្ឌទួលគោកកាលពីព្រឹកព្រលឹមថ្ងៃទី២៥ខែកក្កដាឆ្នាំ២០២០។ ស្ត្រីរងគ្រោះបានប្រាប់ថាក្នុងកាបូបរបស់គាត់មិនមានលុយនោះទេដោយសារគាត់ស្ពាយនៅខាងក្រៅទំនងបានជាជនសង្ស័យឆក់កាបូបគាត់បែបនេះទៅវិញ។គាត់ក៏បានទាក់ទងទៅប្ដីរបស់គាត់ឱ្យមកនាំគាត់ទៅមន្ទីរពេទ្យដោយសារតែឃើញសភាពគាត់មានឈាមស្លេកស្លាំងបងប្អូននាំគាត់ដាក់កង់បីទៅមន្ទីរពេទ្យដើម្បីជួយសង្គ្រោះ៕