ព្រះវិហារ៖កម្លាំងសមត្ថកិច្ចចម្រុះស្រុករវៀងកាលពីព្រឹកថ្ងៃទី២២ខែមីនាឆ្នាំ២០២០នេះបានស្ទាក់ចាប់រថយន្ដសាំយ៉ុងដឹកឈើមួយគ្រឿងដោយបន្លំដាក់កន្ទក់ពីលើដាក់ឈើពីក្រោម។សមត្ថកិច្ចចាប់បាននៅចំណុចជិតផ្លូវចូលព្រៃបារាំងស្នាក់ការបរិស្ថានរំចេកភូមិរំចេកឃុំរមណីយស្រុករវៀងខេត្តព្រះវិហារ ។ មន្ត្រីសមត្ថកិច្ចបានឱ្យដឹងថា៖រថយន្ដដឹកឈើមានម្ចាស់ពីរនាក់ប្ដីប្រពន្ធជាអ្នកខេត្តកំពតដឹកឈើចេញពីស្រុកជ័យសែនខេត្តព្រះវិហារ។លុះដល់ចំណុចខាងលើត្រូវបានកម្លាំងត្រួតពិនិត្យនៅបញ្ជាកាដ្នានអាវុធហត្ថស្រុករវៀងនិងស្នាក់កាបរិស្ថានរំចេកឃាត់រថយន្ដត្រួតពិនិត្យឃើញឈើប្រភេទលេខ២ក្ដារ ។ ក្រោយពីត្រួតពិនិត្យរួចរាល់រួចមកកម្លាំងចម្រុះបានប្រគល់រថយន្ដនិងវត្ថុតាងឱ្យស្នាក់កាបរិស្ថានដែនជុំរកសត្វព្រៃបឹងពែដើម្បីចងក្រងសំណុំរឿងតាមនីតិវិធីច្បាប់៕វ៉ាន់ឌី
ព័ត៌មានសង្គម
អ្នកជំនាញការចិនចំនួន៧នាក់នឹងមកដល់កម្ពុជានៅថ្ងៃស្អែក
ភ្នំពេញ៖អ្នកជំនាញការចិនចំនួន៧នាក់នឹងមកដល់ប្រទេសកម្ពុជានៅថ្ងៃទី២៣ខែមីនាឆ្នាំ២០២០ស្អែកនេះដើម្បីចូលរួមផ្តល់ការចែករំលែកបទពិសោធន៍ក្នុងការប្រយុទ្ធប្រឆាំងជាមួយវីរុសកូវីដ១៩ (Covid19)។នេះបើតាមការបញ្ជាក់របស់លោកស្រីឱវណ្ណឌីនរដ្ឋលេខាធិការនិងជាអ្នកនាំពាក្យក្រសួងសុខាភិបាលនៅព្រឹកថ្ងៃទី២២ ខែមីនានេះ។ អ្នកនាំពាក្យក្រសួងសុខាភិបាលបានបញ្ជាក់ថាអ្នកដែលមានវិជ្ជមានកូវីដ១៩ក្រៅពីជនជាតិចិននិងអង់គ្លេសបានជាសះស្បើយនោះ។គឺថាពួកគាត់មិនទាន់ឃើញមានការវិវត្តន៍ណាផ្សេងដែលឱ្យយើងមានការបារម្ភទេ បច្ចុប្បន្ននេះពួកគាត់មានសុខភាពធម្មតាទេ។ សូមជម្រាបថាកាលពីថ្ងៃទី២១ខែមីនាល្រសួងសុខាភិបាលរកឃើញអ្នកមានវីរុសកូវីដ១៩ចំនួនពីរករណីថ្មីទៀតហើយ លើបុរសជនជាតិបារាំងនៅខេត្តព្រះសីហនុ។ បុរសជនជាតិបារាំងទាំងពីរនាក់ មានអាយុ ៦៧ឆ្នាំ និងអាយុ ៨០ឆ្នាំ។បុរសទាំងពីរដាក់ព្យាបាលនៅខេត្តព្រះសីហនុ។ គិតត្រឹមម៉ោង ២០:០០ ថ្ងៃទី២១ ខែមីនា ឆ្នាំ២០២០ ករណីវិជ្ជមានវីរុសកូវីដ ១៩ សរុបទាំងអស់មានចំនួន ៥៣នាក់(ប្រុស៤៩នាក់ស្រី៤នាក់)។ក្នុងនោះមានជនជាតិចិនម្នាក់(នៅខេត្តព្រះសីហនុបានជាសះស្បើយ) អង់គ្លេស ៣នាក់ (ក្នុងនេះមាន ម្នាក់អវិជ្ជមានកូវីដ១៩ ដែលជាស្ត្រីពិការ) កាណាដា ម្នាក់ ប៊ែលហ្សិកម្នាក់បារាំង ៤នាក់ ម៉ាឡេស៊ី ១២នាក់ ខ្មែរ ៣១នាក់ ៕សុភាព
ពលរដ្ឋចំនួន៤០នាក់យកសំណាកធ្វើតេស្តនិងឱ្យរស់នៅដាច់ដោយឡែក
ដោយ:គង់ហេង/កំពង់ចាម:គណ:កម្មការប្រយុទ្ធនឹងជំងឺកូវិដ១៩ខេត្តកំពង់ចាមបានសម្រេចយកសំណាកប្រជាពលរដ្ឋចំនួន៤០នាក់ជាជនជាតិខ្មែរនៅស្រុកកងមាសដែលមានទំនាក់ទំនងប៉ះពាល់ជាមួយជនបរទេសម៉ាឡេស៊ីចំនួនប្រាំពីរនាក់ដែលបានផ្ទុកជំងឺកូវិដ១៩និងដាក់ឱ្យរស់នៅដាច់ដោយឡែក។តាមដានសុខភាពចំនួន ពីរ សប្តាហ៍ នាល្ងាចថ្ងៃទី ២១ ខែមីនា ឆ្នាំ២០២០។ លោកជាក្រូចមន្ត្រីអ្នកនាំពាក្យរដ្ឋបាលសាលាខេត្តកំពង់ចាមបានប្រាប់កាសែតរស្មីកម្ពុជានៅរសៀលថ្ងៃទី២២ខែមីនាឆ្នាំ២០២០ថាតាមការស្រាវជ្រាវនិងប្រមូលព័ត៌របស់ក្រុមគ្រូពេទ្យនៃមន្ទីរសុខាភិបាលខេត្តកំពង់ចាមពីការទំនាក់ទំនងរបស់ជនជាតិម៉ាឡេស៊ីចំនួនប្រាំពីរនាក់។
គ្រូពេទ្យកងទ័ពទទួលការបណ្តុះបណ្តាលដើម្បីត្រៀមលក្ខណៈក្នុងការប្រយុទ្ធនឹងCOVID19
បន្ទាយមានជ័យ៖បណ្តុះបណ្តាលគ្រូពេទ្យកងទ័ពពីការប្រយុទ្ធនឹងCOVID19ដើម្បីត្រៀមលក្ខណៈករណីចាំបាច់ទាំងគ្រូពេទ្យស៊ីវិលគ្រូពេទ្យកងទ័ពពេទ្យអាវុធហត្ថពេទ្យនគរបាលទូទាំងខេត្តទាំងរដ្ឋនឹងទាំងឯកជនចូលរួមគ្នាក្នុងការងារបន្ទាន់នេះ ។ លោកវេជ្ជបណ្ឌិតកែវសុភ័ក្ត្រាប្រធានមន្ទីរសុខាភិបាលខេត្តបន្ទាយមានជ័យបានឱ្យដឹងកាលពីថ្ងៃទី២១ខែមីនាឆ្នាំ២០២០ថា៖គ្រូពេទ្យកងទ័ពចំនួន១៥០នាក់ត្រូវបានអញ្ជើញមកបណ្តុះបណ្តាលបច្ចេកទេសនៅការិយាល័យបច្ចេកទេសនៃមន្ទីរសុខាភិបាលខេត្តដើម្បីយល់ដឹង។រួមចំណែកប្រយុទ្ធនឹងការឆ្លងជំងឺ COVID19ធ្វើអន្តរាគមន៍ទប់ស្កាត់ការពារនឹងសង្គ្រោះព្យាបាលជូនពលរដ្ឋក្នុងខេត្តបន្ទាយមានជ័យ ។ លោកអ៊ុរាត្រីអភិបាលខេត្តបន្ទាយមានជ័យនិងមន្ត្រីសុខាភិបាលវិញបន្តចុះពិនិត្យមើលកិច្ចការត្រួតពិនិត្យរបស់មន្ត្រីចត្តាឡីស័កនិងមន្ត្រីច្រកទ្វារព្រំដែនអន្តរជាតិប៉ោយប៉ែត។ដែលមានភារកិច្ចពិនិត្យបែបបទនិងសុខភាពភ្ញៀវជាជនបរទេសនិងប្រជាពលរដ្ឋកម្ពុជាយើងដែលចេញចូលក្រៅប្រទេសនៅច្រកទ្វារព្រំដែនអន្តរជាតិប៉ោយប៉ែត៕
ត្រៀមបើកដំណើរការហោះហើរឡើងវិញនូវអាកាសយាន្តដ្ឋានខេត្តបាត់ដំបង
បាត់ដំបង៖ព្រលានយន្តហោះវាលបែកចានស្ថិតក្នុងភូមិរំចេក៤សង្កាត់រតនៈក្រុងបាត់ដំបងដែលលេខាធិការដ្ឋានអាកាសចរណ៍ស៊ីវិលកម្ពុជាផ្អាកដំណើរការរាប់សិបឆ្នាំមកហើយអាចដំណើរការដឹកជញ្ជូនអ្នកដំណើរនិងទំនិញតាមជើងយន្តហោះឡើងវិញក្នុងពេលឆាប់ៗខាងមុខនេះ។ ការត្រៀមបើកឱ្យដំណើរការព្រលានយន្តហោះវាលបែកចានខេត្តបាត់ដំបងនេះគឺយោងតាមកិច្ចប្រជុំបស់រដ្ឋបាលខេត្តជាមួយអ្នកបើកបរយន្តហោះជនជាតិបារាំងនិងសហការី។បានជួបពិភាក្សាការងារបង្ហាញពីគោលបំណងបើកឱ្យដំណើរការឡើងវិញព្រលានយន្តហោះវាលបែកចានដោយដំបូងប្រើយន្តហោះខ្នាតតូចសម្រាប់តែដឹកអ្នកដំណើរ។ដែលមានភារកិច្ចសំខាន់ចង់ធ្វើដំណើរពីបាត់ដំបងទៅភ្នំពេញឬពីភ្នំពេញមកខេត្តបាត់ដំបងវិញបានឆាប់រហ័សទាន់ចិត្ត។ ដោយមានការឯកភាពរវាងរដ្ឋបាលខេត្តជាមួយលេខាដ្ឋានអាកាសចរស៊ីវិលកម្ពុជាបានជួបប្រជុំគ្នាដោយបានបង្កើតជាគណៈកម្មការមួយចុះស្រង់ស្ថិតិអ្នកដែលរស់នៅក្នុងដីព្រលានយន្តហោះហើយរាការណ៍ទៅលេខាដ្ឋានអាកាសចរស៊ីវិលកម្ពុជា។ធ្វើការដោះស្រាយគោលនយោបាយរួចរាល់ហើយទើបដាក់ឱ្យរៀបចំជួសជុលនឹងដំណើរការឡើងវិញបាន។ លោកងួនរតនៈអភិបាលខេត្តបានសហការក្នុងការពន្លឿនប្រមូលទិន្នន័យឱ្យបានច្បាស់លាស់ដើម្បីរាយការណ៍ប្រាប់គណៈកម្មការបច្ចេកទេសហើយចុះអនុវត្តការជួសជុលនិងសាងសង់ជាជំហ៊ានៗដើម្បីឱ្យបានឆាប់ដំណើរការក្នុងពេលឆាប់ៗខាងមុខនេះ៕
សមាគមសហគ្រិនកម្ពុជាឧបត្ថម្ភសម្ភារអនាម័យដល់អាជ្ញាធរខេត្តបន្ទាយមានជ័យ
បន្ទាយមានជ័យ៖សមាគមសហគ្រិនកម្ពុជាកាលពីថ្ងៃទី២១ខែមីនាឆ្នាំ២០២០បានជួយឧបត្ថម្ភសម្ភារអនាម័យមានស្ព្រាយអាល់កុលបាញ់ដៃនិងហកដ៊ែលលលាងសម្អាតដៃដល់អាជ្ញាធរខេត្តបន្ទាយមានជ័យ។ តំណាងសមាគមថាការឧបត្ថម្ភនេះដើម្បីចូលរួមចំណែកជាមួយអាជ្ញាធរខេត្តបន្ទាយមានជ័យជាពិសេសមន្ទីរសុខាភិបាលខេត្តក្នុងយុទ្ធនាការបង្ការទប់ស្កាត់ប្រយូទ្ធនឹងការរីករាលដាលជំងឺកូវីត១៩ ។ លោកអ៊ុរាត្រីអភិបាលខេត្តបន្ទាយមានជ័យថ្លែងអំណរគុណនិងកត់សម្គាល់កាយវិការនិងសន្តានចិត្តដ៏ល្អរបស់ថ្នាក់ដឹកនាំនិងសមាជិកសមាគមសហគ្រិនកម្ពុជនេះ។ក៏អំពាវនាវដល់អង្គការសមាគមក្រុមហ៊ុន សប្បុរសជនដទៃទៀតមេត្តាជួយឧបត្ថម្ភទៀត ៕
សុខាភិបាលរកឃើញកូវីដ១៩ពីរករណីថ្មីនៅខេត្តព្រះសីហនុ
ព្រះសីហនុ៖មន្ត្រីសាលាខេត្តព្រះសីហនុបានឱ្យដឹងនៅព្រឹកថ្ងៃទី២២ខែមីនាឆ្នាំ២០២០នេះថាគណៈកម្មការប្រយុទ្ធប្រឆាំងជំងឺរលាកផ្លូវដង្ហើមថ្មីខេត្តព្រះសីហនុដែលមានឯកឧត្តមគួចចំរើនអភិបាលខេត្តជាប្រធានបាននិងកំពុងចាត់វិធានការចាំបាច់ជាច្រើនដើម្បីការពារពលរដ្ឋមិនឱ្យមានឆ្លងមេរោគសកលមួយនេះ។ មន្ត្រីដដែលបានបន្តថាវិធានការណ៍នោះរួមមានការបាញ់ថ្នាំសម្លាប់មេរោគនៅតាមគោលដៅដែលឧស្សាហ៍មានមហាជនចេញចូលចាំបាច់ដូចជាទីផ្សារជាដើម,ការបំផុសចលនារក្សាអនាមយ័ដោយការលាងសម្អាតដៃ,និងហាមឃាត់ការប្រមូលផ្តុំមនុស្សច្រើនតាមគ្រប់រូបភាព។ល។ប្រភពដដែលបន្តថាចំពោះផ្នែកសុខាភិបាលវិញគណៈកម្មការក៏បានត្រៀមបម្រុងសព្វបែបយ៉ាងទាំងទីកន្លែងបុគ្គលិកពេទ្យនិងឧបករណ៍សម្ភារវិជ្ជសាស្ត្រ ។ សូមបញ្ជាក់ថាទោះជាយ៉ាងនេះក្តីគឹតមកត្រឹមវេលាម៉ោងប្រមាណជាង២០,៤០នាទីយប់ថ្ងៃទី២១ខែមីនាឆ្នាំ២០២០នៅក្រុងព្រះសីហនុក្រសួងសុខាភិបាលបានប្រកាសពីការរកឃើញបុរសចំណាស់ជនជាតិបារាំង២រូបវិជ្ជមានមេរោគcovid19។បុរសជនជាតិបារាំងវ័យចំណាស់ទាំងពីររូបនោះមិនបានត្រូវបង្ហាញអត្តសញ្ញាណទេ។ ដោយគ្រាន់តែដឹងថាម្នាក់មានវយ័៦៧ឆ្នាំនិងម្នាក់ទៀតវ័យ៨០ឆ្នាំពួកគាត់ទាំងពីរនាក់ស្នាក់ក្នុងសណ្ឋាគារមួយក្នុងក្រុងព្រះសីហនុដែលបានធ្វើដំណើរទេសចរណ៍ចូលមកខេត្តព្រះសីហនុកាលពីថ្ងៃទី១៨ខែមីនានេះ។ពួកគាត់នឹងចាកចេញពីកម្ពុជានៅថ្ងៃទី២១ខែមីនាឆ្នាំ២០២០។ បច្ចុប្បន្នអ្នកជំងឺទាំងពីររូបត្រូវបានដាក់ព្យាបាលក្នុងបន្ទប់ដាច់ដោយឡែកនៅមន្ទីរពេទ្យបង្អែកខេត្តព្រះសីហនុ ក្រោមការយកចិត្តទុកដាក់ពីក្រុមគ្រូពេទ្យយ៉ាងល្អិតល្អន់៕
អាជ្ញាធរថៃបិទច្រកព្រំដែនដើម្បីទប់ស្កាត់ការរីករាលដាលកូវីដ១៩
បាត់ដំបង៖ចាប់ពីថ្ងៃទី២១ខែមីនាដល់ថ្ងៃទី៤ខែមេសាឆ្នាំ២០២០រយៈពេល១៤ថ្ងៃខាងភាគីថៃបានប្រកាសបិទច្រកព្រំដែនមួយចំនួនដែលជាប់ខេត្តបាត់ដំបងដើម្បីទប់ស្កាត់នូវការរីករាលដាលនៃមេរោគCOVID19ស្របពេលដែលមេរោគនេះកំពុងតែមានកំណើនកើនឡើងនៅក្នុងប្រទេសថៃដោយទុកច្រកអន្តរជាតិចំនួន២តែប៉ុណ្ណោះ ។ យោងតាមការជូនដំណឹងរបស់អាជ្ញាធរខេត្តថៃចំនួន២មកកាន់ភាគីកម្ពុជាដែលស្ថិតនៅជាប់នឹងខ្សែបន្ទាត់ព្រំដែន។ក្នុងនោះគឺមានខេត្តច័ន្ទបុរីនិងខេត្តស្រះកែវគឺសម្រាប់ខេត្តច័ន្ទបុរីបានបញ្ជាក់ថានឹងធ្វើការបិទច្រកព្រំដែនមួយចំនួនជាបណ្តោះអាសន្នចំនួន១៤ថ្ងៃដោយចាប់ពីថ្ងៃទី២១ខែមីនាឆ្នាំ២០២០នេះតទៅ។ ក្នុងនោះគឺត្រូវបិទច្រកអន្តរជាតិ«បានផាក់កាត»ដែលស្ថិតនៅក្នុងស្រុកពោងណាំរ៉ននិងច្រករបៀងទាំងអស់ដោយទុកច្រកមួយសម្រាប់ចេញចូលគឺច្រកអន្តរជាតិ«បានឡែម»(ច្រកដូង)។ដោយឡែកសម្រាប់អាជ្ញាធរខេត្តស្រះកែវក៏បានប្រកាសថានឹងបិទច្រករបៀងទាំងអស់រួមនិងច្រកអន្តរជាតិ«ខៅឌិន»គឺច្រកអន្តរជាតិភ្នំដី។ ប៉ុន្តែគឺភាគីថៃបានទុកច្រកមួយសម្រាប់ចេញចូលគឺច្រកអន្តរជាតិ«ខ្លងលឹក»ច្រកអន្តរជាតិប៉ោយប៉ែតដោយបិទចាប់ពីថ្ងៃទី២៣ខែមីនានេះតទៅរហូតថ្ងៃទី៥ខែមេសាដែលមានរយៈពេល១៤ថ្ងៃទើបបើកឱ្យដំណើរការឡើងវិញខណៈដែលមេរោគមានការធូរស្រាលវិញ។ បើទោះបីជាយ៉ាងនេះក្តីក៏គេសង្កេតឃើញថាទាំងភាគីខ្មែរនិងភាគីថៃបានធ្វើការយ៉ាងប្រុងប្រយ័ត្នក្នុងការត្រួតពិនិត្យទៅលើប្រជាពលរដ្ឋដែលធ្វើដំណើរចេញទៅក្រៅប្រទេសក៏ដូចជាវិលត្រឡប់ចូលមកក្នុងប្រទេសដើម្បីបង្ការនិងទប់ស្កាត់នូវការចម្លងមេរោគដោយមិនដឹងខ្លួនដោយធ្វើការស្កេនកម្តៅចំពោះអ្នកធ្វើដំណើរចេញចូលទាំអស់ ៕
“បើដឹងថាកន្លែងនោះមានជំងឺក៏ពួកគាត់មិនទៅដែរ,ព្រោះច្បាប់សាសនាហាមមិនឱ្យទៅកន្លែងមានមេរោគទេ”
ភ្នំពេញ៖ក្នុងសន្និសីទកាសែតកាលពីរសៀលថ្ងៃទី២១ខែមីនាឆ្នាំ២០២០លោកអូស្មាន់ហាស្សាន់ទេសរដ្ឋមន្ដ្រីទទួលបន្ទុកបេសកកម្មពិសេសបានបញ្ជាក់ថាបងប្អូនយើងចំនួន៧៩នាក់ដែលទើបមកពីចូល រួមពិធីបុណ្យសាសនានៅប្រទេសម៉ាឡេស៊ីចេញពី៩រាជធានីខេត្តបានទៅធ្វើតេស្តទាំងអស់ហើយ។មកដល់ពេលនេះអ្នកទាំងនោះត្រូវបានថែទាំដោយគ្រូពេទ្យនៅក្នុងមន្ទីរពេទ្យនានាដោយរក្សាគាត់ឱ្យនៅមួយកន្លែងមិនឱ្យប្រាស្រ័យទាក់ទងគ្នាគឺឱ្យនៅដាច់ដោយឡែក ។ ក្នុងនោះលោកអូស្មាន់ហាស្សាន់បានបញ្ជាក់ថាក្នុងចំណោម៧៩នាក់នោះមានអ្នកកើតជំងឺកូវីដ១៩ចំនួន២៣នាក់ដែលអ្នកទាំងនោះក៏កំពុងនៅក្នុងមន្ទីរពេទ្យដែរ។ចំពោះអ្នកប្រាស្រ័យទាក់ទងជាមួយអ្នក២៣នាក់នេះក៏បានធ្វើតេស្តប្រហែល៣០០នាក់ហើយ មាន៥នាក់រកឃើញឆ្លងជំងឺនេះ ។