ភ្នំពេញ៖ជនសង្ស័យមួយក្រុមជិះម៉ូតូ៤ទៅ៥គ្រឿងដេញធាក់ទៅលើយុវជនចំនួន៣នាក់ខណៈកំពុងជិះម៉ូតូមួយគ្រឿងនិងវាយប្លន់យកទូរស័ព្ទស៊េរីទំនើបម៉ាកiphoneអស់ចំនួន៤គ្រឿងរួចគេចខ្លួនដោយសុវត្ថិភាព។ហេតុការណ៍នេះកើតឡើងនៅក្បែរស្តុបនាងគង្ហីងតាមបណ្ដោយផ្លូវ ១៨២ក្នុងសង្កាត់អូរឫស្សីទី២ខណ្ឌ៧មករាកាលពីវេលាម៉ោង៣ទាបភ្លឺថ្ងៃទី៥ខែមេសាឆ្នាំ២០២០។
ជនរងគ្រោះម្នាក់.មានឈ្មោះហ៊ានម៉ែងហ៊ាបភេទប្រុសអាយុ២០ឆ្នាំមុខរបរលក់អីវ៉ាន់ចាប់ហួយនៅផ្សារអូឬស្សី។ចំណែកពីរនាក់ទៀតមិនបានប្រាប់ពីអត្តសញ្ញាណនោះទេ។
ជនរងគ្រោះមានគ្នាបីនាក់ជិះម៉ូតូមួយគ្រឿងម៉ាកzoomexពណ៌សលាយពណ៌ក្រហមពាក់ស្លាកលេខភ្នំពេញ1GN5884ចេញពីម្តុំវត្តបុទុមគោលបំណងទៅកន្លែងស្នាក់នៅម្ដុំចំការដូង។ជនសង្ស័យមួយក្រុមជាច្រើននាក់ជិះម៉ូតូ៤ទៅ៥គ្រឿងមិនចាំម៉ាកជិះមកពីក្រោយរួចបានធាក់ទៅលើម៉ូតូពួកគេបណ្ដាលឱ្យដួល។
ក្រុមជនសង្ស័យបានប្លន់យកទូរស័ព្ទដៃម៉ាកiphoneចំនួន៤គ្រឿងពីពួកគេបានសម្រេចរួចនាំគ្នារត់គេចខ្លួនបាត់ដោយសុវត្ថិភាព។
ក្រោយកើតហេតុសមត្ថកិច្ចមូលដ្ឋានបានចុះមកដល់និងនាំជនរងគ្រោះ។ចំណែកជនសង្ស័យសមត្ថកិច្ចកំពុងតែធ្វើការស្រាវជ្រាវតាមទូរស័ព្ទជនរងគ្រោះដែលជាប់ប្រព័ន្ធ GPSដើម្បីតាមចាប់ខ្លួនយកមកផ្ដន្ទាទោសទៅតាមផ្លូវច្បាប់៕
