ព្រះវិហារ៖ក្រុមការងារនៃមន្ទីរសាធារណការនិងដឹកជញ្ជូនខេត្តព្រះវិហារកាលពីថ្ងៃទី១៩ខែមេសាឆ្នាំ២០២០បានឱ្យដឹងថាក្រុមការងារបាននិងកំពុងតែមមាញឹកផ្សាជួសជុលដែកស្ពាន,ផ្សាជើងទំរ-សរសរស្ពានដើម្បីយកទៅដំឡើងស្ពានដែកក្រាលឈើដែលមានប្រវែង៤៨ម៉ែត្រឆ្ពោះទៅកាន់តំបន់ដែនអភិរក្សជំរកសត្វព្រៃភ្នំត្នោត ។
លោកសំលាងទ្រី ប្រធាន មន្ទីរសាធារណការ និងដឹកជញ្ជូនខេត្តព្រះវិហារបានឱ្យដឹងថាបច្ចុប្បន្ននេះ ក្រុមការងារនៃមន្ទីរសាធារណការនិងដឹកជញ្ជូនខេត្តព្រះវិហារបាននិងកំពុងតែមមាញឹកយ៉ាងខ្លាំងក្នុងការផ្សាជួសជុលដែកស្ពានផ្សាជើងទំរ-សរសរស្ពាន។ដើម្បីយកទៅដំឡើងស្ពានដែកក្រាលឈើដែលមានប្រវែង៤៨ម៉ែត្រឆ្ពោះទៅកាន់តំបន់ដែនអភិរក្សជំរកសត្វព្រៃភ្នំត្នោតស្ថិតក្នុងឃុំស្ដៅស្រុកសង្គមថ្មីខេត្តព្រះវិហារ។
ក្រោយការរៀបចំរួចយកមកដំឡើងត្រឹមតែ៧សប្តាហ៍នឹងរួចរាល់ហើយគឺស្ពានដែកក្រាលឈើឆ្ពោះទៅកាន់តំបន់ដែនអភិរក្សជំរកសត្វព្រៃភ្នំត្នោតនឹងរួចរាល់នៅក្នុងខែឧសភាឆ្នាំ២០២០ខាងមុខនេះ៕វ៉ាន់ឌី