ព្រះវិហារ៖ក្រុមការងារយុវជនគណបក្សប្រជាជនកម្ពុជាខេត្តព្រះវិហារបានចុះផ្សព្វផ្សាយពីការថែរក្សាសុខភាពដោយនាំយកសម្ភារនិងថវិកាទៅផ្តល់ជូនពលរដ្ឋដែលមានជីវភាពខ្វះខាតចំនួន៦គ្រួសារក្នុងខេត្តព្រះវិហារកាលពីពេលថ្មីៗក្នុងខែមេសាឆ្នាំ២០២០។
លោកយុង គឹមហ៊ាន សមាជិកយុវជនថ្នាក់កណ្តាលនិងជាប្រធានក្រុមការងារយុវជនគណបក្សប្រជាជន ខេត្តព្រះវិហារបានដឹកនាំក្រុមការងារយុវជនគណបក្សចុះផ្សព្វផ្សាយពីការថែរក្សាសុខភាពការធ្វើអនាម័យនិងសម្អាតដៃឱ្យបានជាប់ជាប្រចាំក្នុងការចូលរួមទប់ស្កាត់ការរីករាលដាលវីរុសកូវីដ១៩។
ក្នុងនោះបាននាំយកសម្ភារនិងថវិកាទៅផ្តល់ជូនប្រជាពលរដ្ឋដែលមានជីវភាពខ្វះខាតចំនួន៦គ្រួសារនៅភូមិប៉ាលបាលសង្កាត់កំពង់ប្រណាកក្រុងព្រះវិហារ។សម្ភារដែលបានផ្តល់ជូនក្នុងគ្រួសារនីមួយៗរួមមាន៖អង្ករ,មី,ត្រី,ទឹកត្រី,សាប៊ូម្សៅ,ទឹកបរិសុទ្ធ,និងថវិកាចំនួន៥០.០០០រៀល៕ញ៉ែមសុផល