បាត់ដំបង៖កាលពីរសៀលថ្ងៃទី២០ខែមេសាឆ្នាំ២០២០នៅចំណុចមាត់ស្ទឹងសង្កែស្ថិតក្នុងឃុំសំរោងក្នុងស្រុកឯកភ្នំឈមគ្នាជាមួយឃុំក្តុលដូនទាវក្រុង/ខេត្តបាត់ដំបងមានការភ្ញាក់ផ្អើលដោយមានគេប្រទះឃើញក្រពើមួយក្បាលអណ្តែតលើទឹកស្ទឹង។ប៉ុន្តែខាងនគរបាលខេត្តបាត់ដំបងបានឆ្លើយបំភ្លឺថាគឺក្រពើងាប់ទេ ។
លោកវរសេនីយ៍ឯកអ៊ឹមកុសលស្នងការរងនគរបាលខេត្តបាត់ដំបងទទួលបន្ទុកក្រុមការងារប្រតិកម្មរហ័សបានបំភ្លឺដល់អ្នកនិយមប្រើប្រាស់បណ្តាញសង្គមថាមិនមានសត្វក្រពើរស់(ស្ថិតនៅក្នុងស្ទឹងសង្កែ ខេត្តបាត់ដំបង)នោះទេ។
តែរូបភាពនេះគឺជាសត្វក្រពើងាប់ដែលម្ចាស់ចិញ្ចឹមបានយកមកពីក្នុងទ្រុងចិញ្ចឹម ដើម្បីពន្លះយកសាច់និងស្បែក នៅ មាត់ស្ទឺង សង្កែ។ ចំណុច ឃុំសំរោងក្នុងស្រុកឯកភ្នំឈមគ្នាជា មួយឃុំក្តុលដូនទាវក្រុងបាតដំបងខេត្តបាត់ដំបងនារសៀលថ្ងៃទី២០ខែមេសាឆ្នាំ២០២០ទើបបង្កឱ្យមានការភ្ញាក់ផ្អើលតែម្តង៕
