ព័ត៌មានសង្គម

អភិបាលខេត្តថ្លែងអំណរគុណចំពោះមន្ត្រីមន្ទីរកសិកម្មចូលរួមឧបត្ថម្ភថវិកា៥លានរៀល

May 13, 2020May 13, 2020 rsc Comment(0)

ព្រះវិហារ៖លោកប្រាក់សុវណ្ណអភិបាលខេត្តព្រះវិហារនិងជាប្រធានគណៈកម្មាធិការសាខាកាកបាទក្រហមកម្ពុជាខេត្តសូមថ្លែងអំណរគុណយ៉ាងជ្រាលជ្រៅចំពោះមន្ត្រីមន្ទីរកសិកម្មរុក្ខាប្រមាញ់និងនេសាទខេត្តទាំងអស់ដែលបានចូលរួមឧបត្ថម្ភថវិកាចំនួន៥.០០០.០០០រៀល។

ការចូលរួមឧបត្ថម្ភថវិកាក្នុងពិធីអបអរសាទរខួបទី១៥៧ទិវាកាកបាទក្រហមអឌ្ឍចន្ទក្រហម៨ឧសភាឆ្នាំ២០២០។ក្រោមប្រធានបទ«ខ្ញុំ❤️សន្តិភាពនិងកាកបាទក្រហមកម្ពុជា»ដល់សាខាកាកបាទកាកបាទក្រហមកម្ពុជាខេត្តព្រះវិហារដើម្បីចូលរួមចំណែកក្នុងការបំពេញបេសសកកម្មមនុស្សធម៌របស់សាខា៕ប៊ុនរ៉ា

rsc

Featured នយោបាយ ព័ត៌មានសង្គម សេដ្ឋកិច្ច

សម្តេចតេជោអំពាវនាវអ្នកលក់អង្ករនៅតាមទីផ្សារកុំដំឡើងថ្លៃជ្រុល

March 9, 2020 rsc

ពោធិសាត់៖សម្តេចតេជោនាយករដ្ឋមន្ត្រីនៃកម្ពុជាបានអំពាវនាវដល់អ្នកលក់អង្ករនៅតាមទីផ្សារសូមកុំដំឡើងថ្លៃជ្រុលខណៈក្រសួងពាណិជ្ជកម្មបានអំពាវនាវដល់ម្ចាស់ហាងទំនិញទូទៅប្រកាន់នូវស្មារតីសាមគ្គីជាតិខ្មែរ កុំឆ្លៀតឱកាសដំឡើងថ្លៃទំនិញ ស្រេចអំពើចិត្ត។ ក្នុងឱកាសអញ្ជើញជាអធិបតីក្នុងពិធីដាក់ឱ្យដំណើរការជាផ្លូវការផ្លូវជាតិលេខ៥៥និងបើកការដ្ឋានសាងសង់ផ្លូវជាតិលេខ១០កាលពីព្រឹកថ្ងៃទី០៩ខែមីនាឆ្នាំ២០២០នេះសម្តេចតេជោហ៊ុនសែននាយករដ្ឋមន្ត្រីកម្ពុជា បានថ្លែងថា សម្តេចមិនអាចហាមឃាត់ មិនឱ្យប្រជាពលរដ្ឋឈប់ភ័យខ្លាចចំពោះជំងឺ Covid-19 ឡើយ។ប៉ុន្តែសូមប្រជាពលរដ្ឋកុំភ័យខ្លាចជ្រុលពេករហូតប៉ុន្មានថ្ងៃមកនេះប្រជាពលរដ្ឋមួយចំនួនឈានដល់ការទិញអង្ករ និងគ្រឿងបរិភោគស្តុកទុកក្នុងផ្ទះថែមទៀត។ សម្តេចតេជោហ៊ុនសែនបានថ្លែងថា«ប៉ុន្មានថ្ងៃនេះមានការភ័យខ្លាចច្រើនហួសរហូតដល់អ្នកខ្លះទៅទិញអង្ករ ទិញមីយកមកស្តុក ទិញប៊ីយ័រទិញស្រាយកមកស្តុក ក្រែងមិនបានចេញទៅផឹក។ ឥឡូវអីចេះ ចាប់យកយុទ្ធសាស្ត្ររុញទូកបណ្តោយទឹកតែម្តង។អង្ករកំពុងតែលក់មិនដាច់ផងកំពុងចុះថោកអីចឹងទេបើបានជាជ្រុលទិញហើយ ទិញតែម្តងទៅព្រោះ ៤០០សហគ្រាសដែលជាកន្លែងកិនស្រូវអង្ករមិនខ្វះទេ ។សូម្បីតែយើងមិនធ្វើមួយឆ្នាំក៏អត់ទាន់ខ្វះអង្ករហូបនៅក្នុងស្រុកខ្មែរដែរហើយគ្រាន់តែអំពាវនាវអ្នកនៅតាមទីផ្សារ កុំដំឡើងថ្លៃជ្រុល»។ ជាមួយគ្នានេះដែរ នៅថ្ងៃទី៩ ខែមីនាឆ្នាំ២០២០នេះក្រសួងពាណិជ្ជកម្មបានចេញសេចក្តីអំពាវនាវមួយ ស្តីពីការរក្សាថ្លៃទំនិញលើទីផ្សារដោយបានបញ្ជាក់ថាបន្ទាប់ពីក្រសួងសុខាភិបាលបានប្រកាសក្នុងសន្និសីទសារព័ត៌មានមួយស្ដីពីការរកឃើញករណីមេរោគCOVID19លើបុរសជនជាតិខ្មែរមួយរូបនៅខេត្តសៀមរាប។ ក្រសួងពាណិជ្ជកម្មសង្កេតឃើញថាម្ចាស់ហាងលក់ទំនិញធំៗបងប្អូនអាជីវករអ្នកលក់ទំនិញទូទៅភាគច្រើននៅរក្សាការផ្គត់ផ្គងទំនិញនិងបន្តលក់ទំនិញតាមតម្លៃធម្មតា។ទោះបីជាមានប្រជាពលរដ្ឋមួយចំនួនសម្រុកទិញទំនិញច្រើនខុសប្រក្រតីក៏ដោយ។ ប៉ុន្តែក្នុងពេលជាមួយគ្នានេះដែរមានហាងលក់ទំនិញមួយចំនួនតូចបានឆ្លៀតឱកាសលក់ដំឡើងថ្លៃទំនិញ ដូចជា ម៉ាស់ការពារមុខ អាកុលលាងដៃ និងទំនិញចាំបាច់មួយចំនួនទៀត ដែសកម្មភាពទាំងនេះ អាចបង្កឱ្យមានចលាចលក្នុងសង្គមធ្ងន់ធ្ងរ ។ ខ្លឹមសារនៃសេចក្ដីអំពាវនាវនេះបានបញ្ជាក់បន្ថែមថាក្នុងស្ថានភាពនេះក្រសួងពាណិជ្ជកម្មសូមជម្រាប់ជូននិងអំពាវនាវដូចខាងក្រោម៖១.សូមប្រជាពលរដ្ឋមេត្តាជ្រាបថាបរិមាណសន្និធិអង្ករនិងស្រូវមិនទាន់កិនដែលមាននៅក្នុងប្រទេសអាចធានាដល់ការប្រើប្រាស់ក្នុងស្រុកនិងនាំចេញទៅក្រៅប្រទេសទៀតផង។ ២.សូមប្រជាពលរដ្ឋមេត្តារក្សានូវភាពនឹងនរកុំជួលច្របល់ហូសហេតុនាំឱ្យជនឱកាសនិយមអាចឆ្លៀតយកចំណេញតាមរយៈការលក់ដំឡើងថ្លៃទំនិញដោយមិនសមហេតុផល។៣.សូមម្ចាស់ហាងទំនិញទូទៅ ប្រកាន់នូវស្មារតីសាមគ្គីជាតិខ្មែរ កុំឆ្លៀតឱកាសដំឡើងថ្លៃទំនិញ ស្រេចអំពើចិត្ត៕

ព័ត៌មានសង្គម សន្តិសុខ

សមត្ថកិច្ចប្រទេសថៃចាប់ពលករខ្មែរ២៣នាក់និងមេខ្យល់ថៃ២នាក់

April 20, 2021 rsc

បន្ទាយមានជ័យ៖កាលពីថ្ងៃទី១៩ខែមេសាឆ្នាំ២០២១សមត្ថកិច្ចប្រទេសថៃក្នុងស្រុកតាព្រះយ៉ាបានចាប់ឃុំខ្លួនមេខ្យល់២នាក់និងអ្នកបើកបររថយន្តលួចនាំពលករខ្មែរខុសច្បាប់ចូលប្រទេសថៃចំនួន២៣នាក់។ក្នុងនោះមានម្ចាស់ផ្ទះរួមគំនិតលាក់បំពួនក្នុងទឹកដីស្រុកគោកឃ្យូង ខេត្តស្រះកែវ។ ប្រភពព័ត៌មានពីតំបន់ប៉ោយប៉ែតបានឱ្យដឹងថា៖ទាហានឈុតខ្មៅថៃក្នុងស្រុកតាព្រះយ៉ាខេត្តស្រះកែវសហការជាមួយកម្លាំងស្រាវជ្រាវស្រុកគោកឃ្យូង។បន្ទាប់ពីមានដំណឹងថាមានការលួចចូលប្រទេសថៃដោយខុសច្បាប់ក៏ទាំងទាក់ទងទៅអង្គភាពពាក់ព័ន្ធដើម្បីចូលទៅត្រួតពិនិត្យនិងចាប់ខ្លួននៅទឹកដីខាងលើតែម្តង។ ប្រភពដដែលបានបន្តថា៖សមត្ថកិច្ចថៃរកឃើញរថយន្តធុនតូច២គ្រឿងបើកចូលមកផ្ទះលេខ៣ភូមិ៣ឃុំគោកឃ្យូងស្រុកគោកឃ្យូងខេត្តស្រះកែវ។សមត្ថកិច្ចថៃបានបង្ហាញអត្តសញ្ញាណបុគ្គលលបលួចចូលប្រទេសថៃខុសច្បាប់ជាពលករខ្មែរចំនួន២៣នាក់។ក្នុងនោះមានប្រុស១៥នាក់និងស្រី៨នាក់អង្គុយក្នុងរថយន្តធុនតូចម៉ាកតូយ៉ូតា ពណ៌ក្រហម ពាក់ផ្លាកលេខ7กฌ-2205 ក្រុងថេប ចំនួន៦នាក់ ។ នៅក្នុងរថយន្តធុនតូចម៉ាកតូយ៉ូតា ពណ៌ទឹកមាស ពាក់ផ្លាកលេខญส-5083ក្រុងថេប ចំនួន៩នាក់ និងនៅក្នុងផ្ទះរបស់អ្នកស្រី បានយេន សាវិឡាស អាយុ៦៩ឆ្នាំផ្ទះលេខ៣ភូមិណងសេមឃុំគោកឃ្យូង ស្រុកគោកឃ្យូង ខេត្តស្រះកែវ ចំនួន៨នាក់ទៀត ព្រមទាំងមេខ្យល់ជនជាតិថៃ២នាក់ និងម្ចាស់ផ្ទះម្នាក់ សរុប២៥នាក់។ ក្រោយពីសួរនាំរបស់សមត្ថកិច្ចមេខ្យល់ជនជាតិថៃ២នាក់បានប្រាប់ថា៖ពួកគេបានទទួលប្រាក់ក្នុងម្នាក់៩០០បាតឱ្យនាំពលករបញ្ជូនទៅខេត្តឆះឆឺងសៅ៣នាក់,ផ្សារថៃម្នាក់,ផ្លូវឧត្តមសុខបាងកក២នាក់,ហួយក្វាងបាងកក២នាក់,ខេត្តប្រាជីនបុរី២នាក់,ខេត្តសមុទ្រប្រាកាន២នាក់,ខេត្តណៈខននាយក២នាក់,ខេត្តរ៉ាក់យ៉ង៣នាក់,ខេត្តឈុនបុរី៥នាក់ និងផាបព្រះយ៉ា៥នាក់ទៀត។ ក្រៅពីនេះ ពលករខ្មែរបានប្រាប់សមត្ថកិច្ចថា៖បានធ្វើដំណើរចូលមកប្រទេសថៃតាមច្រករបៀង និងមានរថយន្តដឹកមកផ្ទះរបស់អ្នកស្រី បានយេនដើម្បីរង់ចាំរថយន្តដឹកទៅគោលដៅផ្សេងៗបន្តទៀត ។សមត្ថកិច្ចនាំជនទាំងអស់ទៅសួរនាំបន្ថែមដើម្បីអនុវត្តតាមច្បាប់នៅស្ថានីយនគបាលគោកឃ្យូងនិងធ្វើកំណត់ហេតុចាប់ខ្លួនបណ្ដេញចេញតាមច្រកMOUភូមិណូនម៉ាកមុនមកកម្ពុជាវិញ៕ដោយ៖វិចិត្រ

ព័ត៌មានសង្គម សេដ្ឋកិច្ច

អំពាវនាវឱ្យពលរដ្ឋធ្វើត្រីប្រហុក ព្រោះត្រីចាប់ផ្ដើមត្រូវក្នុងខែនេះ

December 12, 2021December 12, 2021 rsc

កំពង់ឆ្នាំង៖ មន្ត្រីជលផលខេត្តកំពង់ឆ្នាំងបានអំពាវនាវឱ្យពលរដ្ឋមកធ្វើត្រីប្រហុក ព្រោះត្រីចាប់ផ្ដើមត្រូវក្នុងខែមិគសិរ ចាប់ពីថ្ងៃទី១១-១២ ខែធ្នូនេះ ត្រីប្រហុកបានចាប់ផ្ដើមសម្បូរជាបណ្ដើរៗហើយ ។ខណៈមន្ត្រីជំនាញជលផលឱ្យ ពលរដ្ឋរួសរាន់ទៅទិញត្រី ដើម្បីយកមកធ្វើប្រហុក-ផ្អកនៅតាមគោលដៅមួយចំនួន ដូចជាឃុំឆ្នុកទ្រូ នៃស្រុកបរិបូណ៌ និងកំពង់ប្រាសាទ នៃស្រុកកំពង់ត្រឡាច។ លោក លី ឡា នាយខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានបញ្ជាក់ថា ត្រីចាប់ផ្ដើមត្រូវចាប់ពីថ្ងៃទី១០-១២ ខែធ្នូនេះហើយ នឹងបន្តត្រូវរហូតដល់ផុតពេលខ្នើត ប្រសិនបើមេឃនៅតែស្រឡះល្អ។ លោកបានបញ្ជាក់ទៀតថា នៅឃុំឆ្នុកទ្រូ ស្រុកបរិបូណ៌ អ្នកនេសាទបានបណ្ដែតមងក្រឡាធំចាប់ត្រីចង្កែង ត្រីឆ្កោកជាដើម ដោយមិនសូវមានអ្នកចាប់ត្រីរៀល ត្រីលេញនោះទេ។ចំណែកនៅកំពង់ប្រាសាទ ក្នុងឃុំសែប ស្រុកកំពុងតែឡាចឯណោះវិញ មានអ្នកនេសាទបណ្ដែតមងចាប់ត្រីរៀល និងត្រីលេញ។ ដោយហេតុនេះ នាយខណ្ឌរដ្ឋបាលជលផលខេត្តបានអំពាវនាវ ពលរដ្ឋដែលមានបំណងធ្វើត្រីប្រហុក សូមទៅទិញត្រីធ្វើប្រហុកនៅកំពង់ប្រាសាទ ស្រុកកំពង់ត្រឡាច និងនៅឃុំឆ្នុកទ្រូ ស្រុកបរិបូណ៌។ ចំពោះតម្លៃ នាយខណ្ឌរដ្ឋបាលជលផល លោក លី ឡា ក៏បានបញ្ជាក់ថា តម្លៃត្រីនៅថ្ងៃទី១២ ខែធ្នូនេះ ត្រីរៀល និងត្រីលេញ ដែលជាប់មងក្រឡា២ហ៊ុនទៅ២ហ៊ុនកន្លះ មានតម្លៃចាប់ពី១.២០០-២.០០០រៀលក្នុងមួយគីឡូក្រាម។ ចំណែកត្រីចង្កែងមានតម្លៃពី៤.០០០-៦.០០០រៀលក្នុងមួយគីឡូក្រាម។ […]

Related Articles

សម្តេច​តេ​ជោ​​អំពាវនាវ​អ្នកលក់​អង្ករ​នៅតាម​ទីផ្សារ​កុំ​ដំឡើងថ្លៃ​ជ្រុល

សមត្ថកិច្ចប្រទេសថៃចាប់ពលករខ្មែរ២៣នាក់និងមេខ្យល់ថៃ២នាក់

អំពាវនាវឱ្យពលរដ្ឋធ្វើត្រីប្រហុក ព្រោះត្រីចាប់ផ្ដើមត្រូវក្នុងខែនេះ

Leave a Reply Cancel reply

សម្តេចតេជោអំពាវនាវអ្នកលក់អង្ករនៅតាមទីផ្សារកុំដំឡើងថ្លៃជ្រុល