ភ្នំពេញ៖ក្រសួងមហាផ្ទៃបានបើកកិច្ចប្រជុំពិភាក្សាពិនិត្យលើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន កាលពីថ្ងៃទី២៨ ខែឧសភា ឆ្នាំ២០២០ ។
ក្រោមអធិបតីភាពលោក ប៊ុន ហុន រដ្ឋលេខាធិការក្រសួងមហាផ្ទៃទទួលបន្ទុកក្រុមប្រឹក្សានីតិកម្មដោយមានការចូលរួមពីលោកឧត្តមសេនីយ៍ឯកហោសំអាតអគ្គលេខាធិការរងនៃអគ្គលេខាធិការដ្ឋានក្រសួងមហាផ្ទៃនិងជាប្រធាននាយកដ្ឋានព័ត៌មានវិទ្យា។
រដ្ឋលេខាធិការ,អនុរដ្ឋលេខាធិការ,ប្រធាន,អនុប្រធានក្រុមប្រឹក្សានីតិកម្ម,តំណាងអគ្គនាយកដ្ឋាននាយកដ្ឋាននានាចំណុះក្រសួងមហាផ្ទៃមន្ត្រីជំនាញផ្នែកច្បាប់និងអង្គភាពជំនាញពាក់ព័ន្ធជាច្រើនផងដែរ។
លោកប៊ុនហុនរដ្ឋលេខាធិការក្រសួងមហាផ្ទៃនិងជាប្រធានអង្គប្រជុំបានមានប្រសាសន៍ថាកិច្ចប្រជុំស្តីពីបទល្មើសបច្ចេកវិទ្យាព័ត៌មានពេលនេះគឺបានធ្វើចាប់ផ្តើមដំណើការឡើងវិញបន្ទាប់ពីបានខកខានរយៈពេលជាងពីរខែកន្លងមក។គឺតាំងពីថ្ងៃទី៦មីនាឆ្នាំ២០២០ដោយសារតែវិបត្តិនៃជំងឺកូវីដ១៩។ដោយលោកបានលើកឡើថាសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មានដែលបានកែសម្រួលមកដល់ពេលនេះមានភាពល្អប្រសើរជាងមុនកាន់តែច្រើន។
លោកសង្ឃឹមថាការពិភាក្សាក្នុងការកែសម្រួលសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាននេះដែរនឹងធ្វើឡើងជាបន្តបន្ទាប់ទៀតដើម្បីស្វែងរកនូវធាតុចូលបន្ថែមសម្រាប់រៀបចំសេចក្ដីព្រាងច្បាប់មួយនេះឱ្យសមស្របតាមការវិវត្តនៃបរិបទសង្គម។
ដើម្បីឱ្យកាន់តែមានភាពសុក្រិតល្អថែមទៀត
លោកប៊ុនហុនបានបញ្ជាក់ថាសេចក្តីព្រាងច្បាប់បទល្មើសបច្ចេកវិទ្យានេះនឹងត្រូវពិភាក្សាបញ្ចប់ក្នុងពេលឆាប់ៗខាងមុខ។ព្រោះច្បាប់នេះមានសារៈសំខាន់ខ្លាំងណាស់ក្នុងការគ្រប់គ្រងព្រមទាំងទប់ស្កាត់នូវបទល្មើសបច្ចេកវិទ្យាផ្សេងៗដែលកើតមានក្នុងសង្គមជាតិទាំងមូល៕សុភាព
